【小編大戰攝影師】玩轉AIA嘉年華2018！精選必玩機動遊戲＋攤位試玩攻略
#AIA #聖誕 #Christmas2018每年年尾，大家最期待的必定是AIA歐陸嘉年華啦！踏入了第五個年頭，除了有25個緊張刺激又受歡迎的機動遊戲之外，仲有很多攤位遊戲都再次回歸，超過100萬隻公仔等住俾大家贏哂返屋企！重點是，今年的公仔質素不錯喔，至少不是崩壞版本，玩得過！
小編今年繼續與攝影師攤位遊戲大對決，輸的一方更要接受大懲罰，登上被封為「最玩命」的機動遊戲！
即刻去片！睇下「超強4人組」點樣玩轉AIA啦！
機動遊戲篇
1. 360度高速飛轉的「Mach5」
全場最刺激的機動遊戲必數「Mach5」，以時速高達110公里不停360度旋轉，高速地將你不斷拋上高空重覆旋轉，離心力強勁，往年經已被封為「最玩命系列」！小編形容為「來回地獄又折返人間」，只敢遠觀腳軟。膽識過人的你，絕對不能錯過！
所需代幣：6個（$60/次）
驚嚇度：★★★★★
2. AtmosFear
絕對稱得上係大驚嚇！十六個座位會作三百六十度旋轉，更會上下不停擺動，到時將會完全失去重心，帶來失重感覺，擺動的最高點達到二十四米，驚嚇程度爆哂分，少點心血都玩不了！
所需代幣：6個
驚嚇度：★★★★★
3. CrashTest過山車
一卡四座的過山車最適合成班朋友一齊挑戰，經歷一連串的上斜落斜，來回加減速轉向，更會有倒後的路段，感覺就好似被人拉扯掟來掟去一樣，相當刺激！
驚嚇度：★★★★☆
4. 青蛙氹氹轉
隨著音樂節拍上下擺動，轉速很快，嚇到你心離一離！
驚嚇度：★★★☆☆
5. Dumbo小飛象
自問不是膽識過人的你，一樣有機動遊戲啱玩，這款沒有離心力，純粹看盡嘉年華園內靚景以及維港景色的，或許都是一個不錯的選擇！
驚嚇度：★☆☆☆☆
攤位遊戲篇
去得AIA，除了玩機動遊戲外，當然仲要大玩攤位遊戲贏公仔啦！雖然今年的攤位類型與往年大致相同，但小編就覺得今年的毛公仔吸引好多，包括米奇米妮、《侏羅紀世界》、《迷你兵團》、《銀河守護隊》等等。話就話有100萬隻比你帶返屋企，不過前題係：你贏到先算啦！
小編為大家精選了幾個較吸引的攤位遊戲，還總結了贏公仔攻略，快啲學返幾招啦！
1. 釣魚大師
難度：★☆☆☆☆
公仔吸引度：★★☆☆☆（彩色的動物公仔）
所需代幣：2（4次機會）
玩法：以釣竿釣魚，但每次只可釣四條，而且有時間限制。每條魚都有不同分數，只要釣夠4分就可以有細獎啦！
小Tips：因為限時關係，最好就一次過釣兩條魚，有花紋嘅魚係高分啲㗎！
2. 乒乓球入洞
玩法：將乒乓球滾入0-4分數字格內，4個乒乓球加埋有4分就有獎啦
難度：★★★★☆
所需代幣：2（4次機會）
獎品吸引度：★★★★★ （係迪士尼Tsum Tsum公仔啊！！！）
好多Tsum Tsum啊！
小Tips：只要在中間位置細力推出乒乓球，盡量保持直線。
3. 牛奶樽
攝影師為咗贏，完全係不擇手段！！！
難度：★★★★☆
公仔吸引度：★★★☆☆（小飛象）
所需代幣：2（4次機會）
玩法：將球拋進牛奶樽內，拋入一、兩球就有細獎。不過樽口較細，要入都有點難度。
小Tips：要用小小陰力，描準，再射出去。（其實都係靠彩數……）
4. 迷你圈圈有獎
究竟，邊個會成功套入呢？
難易度：★★★★☆
公仔吸引度：★★★★☆（不同顏色的Care Bears都幾cute!!!）
套中一個就有迷你版Care Bears
所需代幣：2（4次機會）
玩法：以呼拉圈套住公仔所在位置，四個圈套中一個有中獎，套中三個就有特獎。
小Tips：因為要呼拉圈完全平放在桌面上才叫「套入」，建議由上而下拋會比較易中。
5. 杯中物語
難易度：★★★★★
公仔吸引度：★★★★★（係好大隻嘅大眼仔/毛毛啊！）
所需代幣：2（4次機會）
玩法：將白色波拋進有顏色的杯子中就有獎了，而獎品的大細就視呼你拋進那個顏色的杯。
小Tips：由此這個遊戲極難，資深小編玩咗4年都未試過中獎……所以，小Tips是：不要浪費金錢玩這個了。
AIA友邦歐陸嘉年華2018
門票：$50（成人門票）／$130（成人門票、包10個電子代幣）；$50（小童門票）／$90（小童門票、包7個電子代幣）
日期：14/12/2018-17/2/2019
地址：中環海濱活動空間