【新年必到】芝麻街50周年,一齊由銅鑼灣玩到旺角!新春佈置+Pop up Cafe
#芝麻街 #銅鑼灣 #旺角 #新年2019講到美國經典節目《芝麻街》,應該是很多人童年回憶。今個農曆新年,正值《芝麻街》50周年,一眾角色特地來到香港,由銅鑼灣Fashion Walk玩到旺角多個商場!除咗有唔同打卡位,仲有首間「芝麻街Pop-up Cafe」,與各位粉絲們開心過新年!
第一站,我們來到銅鑼灣的Fashion Walk尋事巨型Elmo和芝麻街角色的縱影吧!
必睇:芝麻街巡遊
《芝麻街》角色換上由本地設計師林春菊(Janko)設計的賀年服裝跟大家見面!只要於指定時間來到百德新街的位置,就可以看到Elmo、Cookie Monster、Ernie等角色在街頭跳舞!在巡遊其間,還有鼓樂團助陣,真係非常有新年氣氛!
Bert在鼓聲下表演,非常落力!
他們身上的旗袍服裝,充滿新年氣氛啊!
《芝麻街》角色見面會及巡遊
見面會日期:1月26、27日及2月2日
時間:下午2時至5時
巡遊日期:2月3日(巡遊時間留意相關機構網頁)
地點:銅鑼灣Fashion Walk中庭及百德新街
Fashion Walk 4大打卡位大公開
打卡位1:巨型Elmo
除了巡遊之外,商埸內外還有好多影相位。回到商場中庭,抬頭一看,就會看到超吸睛的巨型Elmo,大家可以上1樓跟他合照!
超大型Elmo真係好可愛!
打卡位2:Cookie Monster
影完Elmo,不如行多兩步,去Fashion Walk食街搵Cookie Monster影相啦!超喜歡曲奇的他還為大家準備了巨型開運曲奇,祝大家食得是福!
快來找Cookie Monster吧!
大家不妨拿起巨型曲奇拍照!
打卡位3:Bert & Ernie
《芝麻街》中人見人愛的孖寶,Bert & Ernie都在百德新街等候大家!他們手持開運揮春及小豬存錢筒,祝大家「豬事如意」。
Bert & Ernie祝大家「豬事如意」!
打卡位4:50個《芝麻街》冷知識展
《芝麻街》流行全球50年,你對一眾角色的了解又有幾多呢?在Fashion Walk Kingston地下就設有首個「《芝麻街》的50個有趣冷知識」展覽,分享50個有關《芝麻街》角色和節目的冷知識,粉絲們萬勿錯過啦!
芝麻街的冷知識,你又知幾多呢?
同場加映:免費即場寫揮春
在冷知識展的位置,還有本地文字藝術創作人練黑龍駐場,為大家即場寫揮春,保證每一張都是獨一無二,你想寫乜就寫乜。想要嘅朋友,就記得留意官方公佈的指定日子和時間啦!
你想寫乜都得,保證每一張揮春都是獨一無二!
芝麻開運「型」新春
日期:1月10日 – 2月19日
時間:10am-11pm
地點:銅鑼灣Fashion Walk
練黑龍駐場寫揮春
日子:1月26、27日及2月2至4日
時間:下午4時至7時
芝麻街成員由銅鑼灣玩到去旺角!所以,我們第二站就來到旺角,繼續尋找一眾芝麻街角色的蹤影!除了有影相位外,還有期間限定商店和Pop-up café,快啲去睇下啦~
必去:《芝麻街》經典黃巴士的新年限定總站
只要大家來到旺角「家樂坊」,就可以看到一架《芝麻街》經典黃巴士,相信各位芝麻街粉絲絕對不會陌生!
芝麻街經典黃巴士
旺角打卡位+Pop-up café
打卡位1:Big Bird & Grover
在黃巴士前面,你可以看到擁有超能力的Grover和1:1高的Big Bird,絕對是一個必影的打卡位啊!
Big Bird祝大家「旺到飛起」!
必試:首間「芝麻開運Pop-up café」
如果大家影完相,記得行埋過去雅蘭中心睇下,因為《芝麻街》與本地型格咖啡店「辦館」打造了首間「芝麻開運Pop-up café」。在Pop-up café裏,會推出多款以《芝麻街》角色創作出的期間限定輕食及飲品,大家記得去試下啦!
左:Big Bird波蘿芝士奶蓋特飲
右:Elmo士多啤梨芝士奶蓋特飲
左:Cookie Monster香脆芝麻餅
右:Cookie Monster楓糖班戟
《芝麻街》50周年期間限量精品
芝麻街難得地來到香港,怎能夠不帶走一些限定精品呢?所以,只要大家來到Fashion Walk、雅蘭中心、荷李活商業中心及家樂坊,就可以帶走多款「芝麻街」新春限定精品。重點是,不同商場所換領和購買的精品都有不同,大家要留意啦!
Fashion Walk獨家限定
換領:Fashion walk限定芝麻街利士封套裝
換領:50週年行李帶
換領:50週年便條紙
旺角獨家限定
購買:50週年芝買街水杯套裝
購買:50週年筆記簿
換領:旺角限定芝麻街利士封套裝