2021中秋好去處｜巨型天燈、688個七彩燈籠、5米貓星人打卡最搶鏡！一文睇晒 5大商場打卡位＋超抵購物優惠！
#消費 #著數 #折扣 #Jetso #Hot Deals #ELEMENTS #圓方 #荷里活廣場 #利東街 #新都會廣場 #黃大仙中心 #燈籠 #teamLab #貓奴 #巨型花燈 #市集 #中秋節2021 #中秋 #商場 #打卡 #優惠一年容易又中秋，除了要跟家人團圓相聚、吃飯賞月外，當然也不少得一家大小或同朋友出去賞燈打卡啦！雖然大坑舞火龍或維園花燈會仍然因為疫情關係而暫停，但各大商場都會不同的中秋活動優惠和打卡裝置，讓大家繼續共度中秋佳節，一樣咁有氣氛！
黃大仙中心：巨型花燈版TeamLab！
我知，如果不是住在黃大仙，很難特意前往。不過今年又不同，皆因黃大仙中心有特別活動！黃大仙中心與「嗇色園黃大仙祠百周年紀慶花燈廟會」合作，舉行「百周年紀慶花燈廟會」慶祝活動，園內各處裝有各式大型花燈，如玉兔、雙龍戲珠、麒麟獻瑞等。另外，商場內亦設有3.5米高的「燈映秋夕」巨型花燈裝置，內裏的天燈會感應訪客的移動跟隨變色，打造光影互動體驗，仿如置身於日本TeamLab當中，打卡一流！
猶如置身日本TeamLab一樣！
商場內還有巨型燈籠，十分應節！
除了打卡外，如果大家在商場以電子貨幣消費滿$6,000或以上，便能得到與法國糕點品牌Pierre Hermé Paris合作推出的月餅禮盒！禮盒設計成燈籠形狀，紫色主調高貴，當中包括4種口味：香脆榛子蛋糕月餅、法式焦糖海鹽蛋糕月餅、馬達加斯加雲呢拿蛋糕月餅，以及香濃黑芝麻牛奶朱古力蛋糕月餅。
如果消費滿指定金額，還能有限量月餅！
燈映秋夕迎中秋
日期：即日起至10月1日
地址：黃大仙龍翔道136號黃大仙中心
月餅換領點：北館1樓禮品換領處
新都會廣場：貓奴必影的5米高黃貓「碌碌」！
如果你或家人朋友是一位不折不扣的貓奴，那就一定要到葵芳新都會廣場的Meow Plaza瘋狂打卡了！在這個喵喵樂園裏，共設有6大打卡位，包括5米高黃貓「碌碌」裝置、16米長「喵之秋橋」、1米高巨型七彩綫、「喵の萌Pat」、巨型貓玩具等，還可以到貓貓瞭望台飽覽整個樂園，從多角度欣賞可愛黃貓「碌碌」，勁可愛啊！
胖胖的黃貓深得大家喜歡！
原來「碌碌」是一位男生呢！
另外，每晚6時至10時更特設限定夢幻彩光騷，浮動光影效果配合輕快樂章，滿有節日氣氛，最適合大家吃過晚餐後來這裏逛逛。提提大家，別忘記到L5空中花園的全新天空小屋，那裏聚集了25隻不同貓姿的喵星人，配上七彩布幕裝飾以及炫彩光影燈效，貓奴們一定影唔停手！
此外，The Point會員還能憑15,000積分 + $1,000即日電子消費或一般顧客即日電子消費滿$2,500，即可換取「主子慶『臀』圓中秋禮盒」，大家一齊開心過中秋吧！
禮盒包括：肉球型月餅一個、天然風乾小食4包各100g，貓狗均可食用！
新都會廣場「喵喵遊園會Meow Plaza」
日期：2021年9月19日至10月31日
時間：上午10時至晚上10時
地點：新都會廣場L3 - L4露天廣場及L5空中花園
夢幻彩光騷舉行時間：晚上6時至10時
利東街：688個七彩燈籠高高掛！
灣仔利東街的節日佈置從來不會令人失望！今年便以「彩燈迎月」為活動主題，把超過688個七彩燈籠掛在街上，並在下午5點開始亮燈，屆時可看到紅、粉紅、綠及紫色的燈籠，很有節日氣氛，十分適合拍上美美的打卡照！
另外，在9月18至19日期間，這裏將舉行「Make-A-Wish Hong Kong 願望成真基金」慈善市集，集合了不少本地手作及設計品牌，當然少不了中秋節慶產品，讓大家邊購物邊睇燈飾！
「彩燈迎月」
日期：即日到10月25日
時間：上午8時至晚上10時（5時亮燈）
地點：利東街
麥田捕手 x Make-A-Wish慈善市集-利東手作街
日期：2021年9月18-19日
時間：中午12時至晚上7時
地點：利東街
荷里活廣場：中秋1折快閃禮遇
今年城中各大商場除了有不同主題的中秋打卡擺設外，亦有推出一系列至抵優惠。其中，荷里活廣場便推出一連多日期間限定「中秋‧有禮 1 折快閃禮遇」，由即日起至9月22日，VIC會員可憑低至1折的激筍積分並即場捐款$20，即可換領合共16款精選應節禮品，而且所有捐款將全數撥捐香港公益金，非常有意思！
至於精選貨品有甚麼呢？當中包括以4折積分換領聘珍樓片皮鴨龍躉6人套餐(價值$1,700)、以3折積分換領包括特級花膠、元貝及螺片的尚品尊貴珍嚐禮盒（價值 $1,280)、以4折積分換領工夫茶舍八星報喜茶葉一罐。所以，無論想品嘗中秋滋味還是佳節送禮，定必可找到心水禮品，各位會員記得把握機會啦！
另如，如果想在中秋假期和家人朋友睇場戲，也可以享有「嚐美食．賞好戲」優惠，只需憑指定參與食肆滿$30的即日單一機印發票（堂食及外賣均適用），即可於百老匯荷里活戲院購買 2D/3D 正價戲票乙張時獲減免$20，以及獲得戲院內風月堂洋果子Bar $5 美食優惠券一張，抵！
中秋‧有禮 1 折快閃禮遇
日期：即日至9月22日
時間：中午12時至晚9時
地點：荷里活廣場一樓客戶服務中心
嚐美食．賞好戲
日期：即日至11月30日
ELEMENTS圓方：50%基本回贈＋買$2000送$2000！
除了鑽石山商場外，圓方亦推出超抵的購物優惠！由即日起至9月26日，只要於商場內消費滿指定消費金額，可享50%基本回贈，高達$30,000 ELEMENTS圓方及商戶電子禮券。另外，消費滿$2,000更可享總值$2,000獎賞，回贈達 100%！各款ELEMENTS圓方電子禮券分別適用於場內逾百間人氣商戶，包括國際品牌和食肆，例如Alexander McQueen、BOTTEGA VENETA、Burberry、DAKS、FENDI、Loewe、十里湘薈、Dim Sum Library及Pivo Czech Bar 等，又食又買都無問題！
此外，為了應節，圓方內多間食肆為顧客帶來中秋優惠，包括於9月20日至9月21日到 Dim Sum Library 堂食晚市用膳，每 2 位顧客即可獲贈限定「芒果奶黃月餅」一件，節日氣氛十足！
ELEMENTS 圓方「多重購物禮遇」
日期：即日至9月26日