【一田優惠日】$98買到沙田限定咖啡機？過千件激抵荀貨震撼價1折發售
#一田 #著數 #火鍋 #超市 #家電SOGO感謝節第1 round仲有幾日就完，唔知大家有無買到心頭好呢？正所謂「好嘢唔好俾佢停」，因為半年一度的一田購物優惠日將於11月22日至26日開鑼啦，還用「必搶、必掃及必買勁減」作為主題，由精選食品、潮服家品、美肌套裝狂掃至家電及名牌廚具等過萬件筍貨，1折起發售。小編昨日親自到一田沙田店實地考察過，發現有好多激荀產品出售出，還有一些是沙田店限定，$100有找就買到正嘢，真係好爽！
必搶1：震撼價1折家電率先分享
為慶祝沙田店重開，有些「一折限定」只限沙田店發售，不論是名牌廚具還是影音家電，只要你想要的，一田都會為你提供超低價，包你買到停唔到手，更加唔會「肉赤」！
而最荀的莫過於以下這三件家電，左起的BOSCH 乾濕兩用手提式吸塵機，1折後只需$68 （限售3部）；中間的NESPRESSO指定型號粉囊咖啡機相信是必搶之物，1折後只需$98（限售5部）；右邊的是BRAUN多士爐，1折後只需$92（限售5部）。
試想一下，現在還有哪裏可以用$100就能買到一件家電呢？不過，要平嘢就要付出時間來排隊啦，因為它們都是限售的！！！
必搶2：限定 23折美妝、一田獨家潮牌
自從沙田店重開後，就引入更多潮牌和美妝品牌，希望可以吸引年青客源。估唔到，這些大牌都有加入是次的優惠，其中沙田限定MAKE UP FOR EVER眼妝組合還以23折出售，只是$620，各位女生們，搶啊！另外，潮牌龍頭大佬Supreme、DPLS、Lafayette、Thrasher、ANTI Social Social Club都是激罕件件有折，精選貨品更低至半價，所以說，Shopping絕不只是女生的專利呢！
必搶3：人氣卡通床品及行李喼
除了家電和美妝，很多家品和行李喼都是必搶items！加上一田襯著《百變小櫻》20週年，加入了很多周邊商品，例如均一價$499（33折）的小櫻床品就最吸晴啦！另外，冬天都是旅行旺季，怎可能沒有減價行李喼呢？很多充滿可愛卡通圖案的行李喼都有優惠，其中一款Chip'n Dale四輪拉桿喼（鋁框28”）只售$899再送卡通行李帶（每店限售100個）。咁平，你話邊到搵啊？
必搶4：超市乾濕貨超值優惠 原箱買仲平！
一田的超市一向都提供多款選擇，而今次更有「66折平歎豪食時令海鮮」的優惠。例如法國空運活藍青口（1公斤）折實$118、美國急凍安格斯扇形牛小排（火鍋片）$69.9，讓大家可以一次過儲定糧，約埋一班同事、好友去打邊爐！另外，一田還推出「原箱買」的優惠，很多日本公仔麵原箱買仲平，八道牛骨湯麵平均$3.9一包（每箱$78/20包）。各位懶人，仲唔快D睇下有乜食開嘅麵有平！
一田購物優惠日
日期：11月22日至26日
分店：沙田（一樓）／大埔／荃灣／新蒲崗／屯門／觀塘／西環／將軍澳／元朗／葵芳
特賣場：新城市廣場、HomeSquare、荃灣廣場、Mikiki、MOKO、東港城、形點1期、新都會廣場