【賞櫻攻略】我要向櫻花出發!2019平飛攻略+日、韓、台賞櫻地方推介
#櫻花 #台灣 #日本 #韓國 #秘景來到三、四月,很多打工仔都會選擇放假去追櫻、賞櫻,唔想次次都要捱貴機票去旅行,就要時刻留意各大航空公司的機票優惠啦!今次,小編就為大家準備好平飛賞櫻攻略,再加上日、韓、台的賞櫻地方,讓大家可以逃離辦公室地獄,向櫻花出發~
河津櫻花祭(網上圖片)
櫻花季都有平機票出發!
估唔到嚟到賞櫻旺季,都會撞正平機票,根本就是逼人放假去旅行!
1. HK Express
香港快運今次優惠有二十四個航點,連最新的航點宮古島都有份,只要買來回機票都會有平。不過,小編就搵過,用HK Express買4月至5月嘅機票去日本東北部睇櫻花就相對抵啲啦!
出發日期
全部航點:3月4日至2020年1月27日
宮古島:7月19日至10月26日
曼谷:3月31日至10月26日
清萊:3月4日至10月26日
訂飛日期:即日至3月3日
停留期限:無限制
2. 港航Mega Sale
雖然前排港航出現危機,不過佢而家無事,點講都係我地呢班打工仔嘅福音,因為又可以買平機票啦!今次港航仲有Mega Sale,廉航價錢但又有飛機餐食下,都算係咁啦!
今次嘅小編精選就係飛沖繩($800)、首爾($1,050)、大阪($1,200)、札幌($2,830)!但係搶唔搶到,就要睇大家造化啦……(戴定頭盔先)
出發日期:3月13日至6月20日(視乎航點而定)
沖繩、東京:2019年3月13日至4月16日、4月23日至5月19日
大阪:2019年3月13日至3月20日、4月3日至4月16日、4月23日至6月20日
首爾:2019年3月13日至4月11日、4月23日至6月20日
札幌:2019年3月17日至4月17日、4月20日至6月20日
訂飛日期:即日至3月10日
停留期限:機票有效期為2-7日
訂飛網址:https://www.hongkongairlines.com
下頁即睇日、韓賞櫻攻略!
日、韓、台賞櫻攻略
日本東北地區
每年的三、四月,便是日本最浪漫的日子,街頭巷尾都充滿著漫天櫻花。說到賞櫻,香港人就會想到東京目黑區、新宿御苑、大阪城公園、京都清水寺等等。
小編覺得,唔想捱貴機票,又唔想同人逼,不坊等到4月上旬才出發到日本東北地區賞櫻,順便探索日本的另一面!加上,現在去東北地區非常方便,只要買相應的JR Pass,就可以坐新幹線由東京玩到函館!
1. 青森弘前公園
位於青森縣的弘前公園是「東北三大賞櫻名所」之一,必對是日本首屈一指的賞櫻聖地。另外,弘前市亦是蘋果大國,賞櫻之後,還可以好好品賞美味的青森蘋果!
櫻花滿開預測:4月下旬-5月上旬
2. 山形鶴岡公園
位於山形縣鶴岡市的鶴岡公園是「日本櫻花名所百選」之一,園內有730棵櫻花樹,是山形縣名列第一的櫻花名勝景點。
櫻花滿開預測:4月中旬-4月下旬
韓國賞櫻地點推介
韓國又是另一個充滿櫻花的地方!隨了各大學成為賞櫻熱點外,其實還有一些不會逼爆的公園可以去的!
3. 秘密花園:鞍山公園
在首爾西大門的鞍山公園是相對上沒太多人的賞櫻地方,白裏透紅而低垂的櫻花開滿山頭。除了櫻花外,另一邊山頭更種有鬱金香、星形蘭花等,一個公園睇三種花,正啊!
櫻花滿開預測:4月上旬
4. 首爾「市民之森」:良才川
位於江南的良才川是「賞櫻秘景」,河川兩旁開滿粉紅櫻花,再加上流水聲,簡直充滿詩意。重點是,良才川位於住宅區,絕對可以好好享受寧靜的美景!
櫻花滿開預測:4月上旬
台灣賞櫻地點推介
5. 台中大雪山森林遊樂區
如果唔想請咁多假,其實近近地飛轉台中都有得睇櫻花,加上飛台中又再平啲啲~雖然台中的櫻花早在二月已開,但只要趕緊在3月頭去睇,都仲可以欣賞到的!
櫻花滿開預測:3月上旬