【美食博覽2019】最平$10入場狂掃荀貨! $1著數專區+福袋率先睇
#美食博覽 #灣仔 #合味道 #月餅 #1蚊優惠 #榴槤 #Hot Deals每年8月,網上都開始重溫「你個嘢壞咗」的夾龍蝦短片,就代表一年一度的美食博覽又返嚟啦。今年的美食博覽將於2019年8月15-19日、一連5日於灣仔會議展覽中心舉行,最平$10入場費就可入場。現在就帶大家率先睇下各個$1著數專區等,誓要拎盡所有荀嘢!
下頁即睇$1著數專區
必睇:$1著數專區+福袋
今時今日,1蚊可以買到啲乜?小編除咗答你兩個5毫子膠袋外,真係諗唔到啦!不過,只要你來到美食博覽,1蚊其實可以買到好多荀野,前題是你要夠早去搶~
1. 合泰海產:$1吉品紅燒鮑魚
合泰海產每天就有120名額,令大家可以用1蚊食到鮑魚。只要大家在早上10時和下午6時,頭60位人士就可享用$1吉品紅燒鮑魚,先到先得。
如果你唔夠人爭的話,都可以用$10試食其他鮑魚。
攤位編號:1DA28
2. 安記:$1「扒花膠」
讓首日頭10位進場市民以1元進行「扒花膠」遊戲,勝出者除可獲「扒」出的同等重量花膠外,更可額外多得1斤花膠。
安記海味準備了價值8萬元、重達100斤的花膠
可以一試的鮑魚飯糰,鮑魚幾有咬口!
攤位編號:1C-A10
3. 陳記點心:$1包魚蓉燒賣
首天頭100位陳記點心攤位的顧客,可享1蚊1件魚蓉燒賣(10粒裝),每人限購1件。
每杯8粒海鮮丸+3款自選醬汁+爆炸糖
滿杯丸丸 $20/杯
攤位編號:1B-A21
4. 大記:$1件糕點月餅
大記食品主打傳統糕點,今年推出以糕點作外皮的月餅,包括紫薯忌廉糕、紅豆栗子糕和椰汁奶皇糕;每天20位名額可享1蚊1件大記糕點月餅優惠。
攤位編號:1B-B27
5. 金鐘國至愛:$1帶走30件雞肉
著名韓星金鐘國力推的韓國品牌Rankingdak主打低卡雞胸肉,在首次進駐美食博覽時,就推出1蚊30件雞肉優惠,優惠只限8月15日至17日,每日限定5位。
攤位編號:1A-E20
6. 四海魚蛋:$1黑松露福袋
每日頭10位到攤位的顧客可以$1買到福袋,福袋內有黑松露包心魚丸、魚皮餃和炸魚皮。
攤位編號:1A-E28
7. $1 手拎涼果山
在開幕首日(15/8)頭60位顧客可以$1參加滋味山挑戰,用單手於涼果山內一手拎,拎到幾多包就係你嘅!
攤位編號:1C-D24
8. $1盡情擸擸擸
歐洲食品有限公司搞咗個1蚊盡擸遊戲,每日頭5名入場人士就可以參加遊戲,盡情拎走多款歐洲進口食物,例如西班牙蜜糖、松露醬、各樣零食等等!
希望唔好再出現「你個嘢壞咗」的情況啦!
攤位編號:1B-C10
9. 10秒任掃振興肉丸+玉子燒
本港老字號「大埔振興」推出免費10秒任掃振興肉丸,限時內用手把各款肉丸放到指定袋內,袋中的丸類就是你的。活動只限於8月15日至18日,每日限定30個。
攤位編號:1A-D07&09
10. 醉榴香:$1贏一世免費食貓山皇冰皮月餅
美食博覽首日,第一位成功挑戰在90秒內吃到最多一口榴心月餅的的市民,就能贏到一世免費食貓山皇榴槤冰皮月餅。
一口榴心月餅
攤位編號:1D-C02
11. 日清福袋
福袋都是美食博覽必買的產品,而今次日清就推出限量版兩用旅行袋套裝,內有11 件即食麵、烏冬、伊麵、米粉、野菜汁產品。
出前一丁兩用旅行袋套裝 $120
另外,攤位還提供合味道滋味福袋套裝,分別有8件日清食品推介產品和別注版合味道保溫杯各1個。
合味道滋味福袋套裝 $90
攤位編號:1D-D02
美食博覽2019
地址:灣仔港灣道1號香港會議展覽中心
日期:2019年8月15日至8月19日