04/01/2018
互獻幕前第一次 李佳芯床戰龔嘉欣
【晴報專訊】李佳芯（Ali）、龔嘉欣及陳豪等昨日宣傳劇集《誇世代》，在劇中飾演兩姊妹的Ali與嘉欣，在昨晚一集竟上演「女女」床戲，不過她們異口同聲表示相當好玩，比跟男演員演親密戲放膽得多。
李佳芯（左）、龔嘉欣（右）
龔嘉欣原來從未拍過床上戲，今次將「第一次」獻給Ali，而Ali則笑說經常演纏綿戲︰「不過我第一次跟女仔拍床戲，感覺放好多，因為我有嘅嘢佢都有。反而同男藝人拍床戲會多啲顧慮，怕對方尷尬。」嘉欣說︰「我哋兩腳交纏，都有啲毛管戙。」除了床戲，嘉欣更會色誘森美︰「我喺劇中會成魔，為咗『姣』森美，我會著Bra Top，仲要喺中環地鐵站拍，好多途人望，好尷尬，森美仲會幫我捽腳仔。」提到森美曾被指「戀腳癖」，會否擔心遭偷拍？她笑說︰「唔知，佢鍾意腳？叫佢自己Cap圖啦！」
陳豪遲啲再生第四個
陳豪自言平衡力弱，但跳彈床仍跳得有姿勢有實際。
昨日一眾演員大玩跳彈床，但陳豪卻有點避忌，原來他笑言跳彈床是弱項。提到葉翠翠產後半年再懷孕，較「三年抱三」的陳豪太太陳茵媺更緊湊，陳豪笑說︰「都係三比二啫！」將在三月開拍內地劇的他，希望開工前跟陳茵媺享受二人世界，會否「兩個去三個返」？他說︰「生唔係問題，係教育問題，我哋都想再生，但三個小朋友需要我哋，所以遲啲先。」