29/01/2019
去三哥家拜年 黃宗澤落Order食8隻鮑魚
【晴報專訊】邵氏網劇《守護神之保險調查》一眾演員苗僑偉（三哥）、黃宗澤（Bosco）、徐子珊及劉心悠等，昨日到葵涌一間安老院，與長者大玩遊戲兼食盆菜宴。早前Bosco拍另一網劇《飛虎之雷霆極戰》時，發生左腳腳掌骨折意外，昨日撐拐杖到場的他希望農曆年間可完全康復。
黃宗澤雖然腳傷未癒，但堅持撑拐杖到場宣傳，相當有心。Bosco提到傷勢時說︰「依家拆咗石膏同鋼釘，醫生想我做多啲物理治療，希望農曆新年後可以康復啦。」會否影響《飛虎》埋尾？他表示自己年廿八便會收爐：「劇組都習慣我咁，佢哋幫我準備定高凳同替身，拍打戲就坐住輪椅打。」身旁的苗僑偉聞言笑說安排打戲給Bosco，其實是優待他：「因為佢有替身去拍，咁佢就可以休息。」
Bosco表示農曆新年留港，已約定年初三去三哥家中拜年。他笑說：「我梗係要三哥整鮑魚畀我，我食八隻食番夠本，仲有鵝掌。」另外，汪明荃（阿姐）日前客串《飛虎》扮女特首，Bosco大讚阿姐演出極有台型，又搞笑指除了阿姐，只有無綫高層樂易玲才能駕馭角色。
徐子珊寫論文壓力大
徐子珊過年期間也要埋首寫論文。
同場的徐子珊昨日現身時，身形比以前更纖瘦，她表示可能同時兼顧工作及學業所致。她說：「我胃口細咗，因為依家讀緊心理學碩士課程最後一年，忙緊寫論文，壓力都好大。之前又試過一邊拍劇一邊返學，都幾辛苦。」問到可有輔導受傷的Bosco？子珊笑說：「佢無事啦，應該無創傷後遺症，我都未有資格輔導人。」