21/11/2019
工作叫停收入減 衛詩雅供樓捱得住
【晴報專訊】近日社會局勢緊張，連帶娛樂圈亦受影響，除不少活動取消外，連帶部分電影亦要停拍。衛詩雅與陳家樂昨日出席活動時，坦承部分工作要停工，收入也減少，身為「樓奴」的衛詩雅表示幸好未有供樓壓力。
衛詩雅笑言想上堂學戲，但因學費太貴而卻步。
衛詩雅與陳家樂昨日到灣仔出席頒獎活動，本周日將35歲生日的衛詩雅，一見到陳家樂即向對方追收生日禮物。向來老友鬼鬼的他們坦言相識多年，從未送過禮物給對方，詩雅表示生日正日會跟家人及朋友食飯，生日願望除了開開心心外，最重要是日日有工開。
提到近日經濟不景，對他們的工作可有影響？詩雅直認目前停工︰「本身有三部戲開緊工，排到明年年頭，但依家收到通知押後，幾時復工都未知。」她坦言最近收入減少，幸好影響不算大，問到前年「上車」做業主的她可有供樓壓力？她說︰「還好啦，層樓唔貴，我無咁大膽買貴價樓，（供樓）仲捱到嘅，繼續努力。」
陳家樂學戲增值
陳家樂前日上第一堂演技課，表示獲益良多。
至於本來要拍兩部電影的陳家樂亦要停工，他趁空閒時間上堂學戲增值︰「我最近跟三叔（林立三）學演戲，上佢嘅堂真係大開眼界，不過好貴。」他乘機取笑詩雅說︰「佢每日打畀我，問我學咗啲乜，佢仲話要偷偷去觀課，但又唔畀學費，仲叫我抄多份筆記畀佢，好衰格！」