世事政情

　　【晴報專訊】連詩雅（Shiga）與陳家樂被爆合作拍旅遊節目時互生情愫，有指家樂曾夜訪Shiga香閨。Shiga昨日對戀情採取不承認也不否認的態度，但忍不住大讚家樂好nice，暗示男方已融入她的生活圈子。

連詩雅在劇中飾演昆蟲學專家，但現實中的她最驚昆蟲。

　　連詩雅昨日與惠英紅、王浩信、袁偉豪及黃智雯等，出席無綫新劇《刑偵日記》拜神儀式。對於被指秘密撻着陳家樂，Shiga透露去年七月他們跟攝製隊在濟州拍攝節目時，十分投契也玩得開心︰「我哋成班人friend咗，一直有傾偈。」

陳家樂和連詩雅去年拍旅遊節目結緣。

　　是否跟家樂拍拖？Shiga拒絕回應︰「感情嘅嘢唔回應，希望大家畀啲空間，嚟緊新劇《那些我愛過的人》出街，我都好緊張觀眾反應。（覺得家樂為人怎樣？）佢好nice，因為我唔係一個容易同人相熟嘅人，對方要心地善良同人品好，先可以喺我生活圈出現。」會否向家樂請教演技？Shiga自言可以請教身邊很多演員前輩，如惠英紅及姜皓文等。

惠英紅演精神病患難度高

惠英紅大讚王浩信不會被她的氣場嚇倒。

　　同場的惠英紅在劇中與王浩信演母子，她透露自己的角色患有精神病，「兒子」王浩信則有多重人格障礙，所以拍劇時經常「跳掣」。惠英紅說︰「角色難度好高，都幾大壓力。我個角色成日有幻覺，浩信有三個人格，我有五、六種。我對住浩信三個性格會有三種態度，所以每日開工前就問浩信『你係邊個仔』。」

　　惠英紅又說：「我同浩信有唔少歇斯底里嘅戲，前兩日拍咗我病發亂打浩信，今次算係我拍戲以嚟最難演嘅一次。」問王浩信是否又做「兜巴信」被掌摑？他笑言︰「都係嗰啲啦，不過終於等到同紅姐合作，好開心，壓力係源自想做得更好。」

　　阿根廷球王美斯（Lionel Messi）隨碧咸旗下的美職球會國際邁阿密訪港，當日原本與港隊舉行友誼賽，吸引全場38,323人入場。可惜盛事變憾事，美斯因腳傷無落場，3萬多人買飛睇美斯在場邊睇波，人人狂噓大叫「回水」，而無線藝人謝東閔更直擊美斯被球迷掟波衫一幕！

美斯冇上陣，碧咸雖然不停補鑊，不過球迷唔收貨。

有網上改圖自嘲港人慘成水魚。

　　當日大球場上星光熠熠，影帝梁朝偉與太太劉嘉玲、馬國明與太太湯洛雯、唐詩詠、高海寧、陳家樂、連詩雅、游學修、鍾培生等捧場，只為一睹美斯風采。謝東閔當日穿上美斯波衫到場，本來勁興奮的他拍片見證美斯入場，又拍低另一球星蘇亞雷斯在場邊熱身，可惜二人都因傷未有上陣。

　　無奈的謝東閔惟有拍下美斯完場後返回休息室的情況，只見美斯在保鏢護送下，目無表情雙手插袋步入休息室，通道兩邊的球迷舉機狂影，突然有球迷舉起國際邁阿密粉紅色波衫，然後用力擲向美斯！而從另一網上影片所見，波衫未有擲中美斯頭部，只跌在美斯左腳腳上，而美斯只低頭一望，便若無其事「檻過」波衫向前行，頭也不回。不少網民認為球迷嬲到掟波衫發洩，亦有說該球迷可能是擲波衫給美斯簽名，眾說紛紜。

 　　謝東閔留言：「相隔10年之後終於再見到你（美斯），好可惜你冇落場踢，希望之後仲有機會見到你踢波。」有網民問到是否失望？謝東閔回應：「非常失望！」而胡諾言亦忍不住留言：「唉，咁都得。」不過，謝東閔亦有「意外收獲」，話說當日賽事在ViuTV獨家現場直播，期間竟影到他在觀眾席上食pizza；謝東閔cap圖放上網搞笑道：「第一次上ViuTV！」

謝東閔食住pizza上ViuTV。

游學修豪花5千換來上電視「機會」。

　　另外，當日一眾藝人中，竟以莫華倫太太王冰冰最為「突出」，皆因她穿上灰色超貼身連身長裙睇波，將誇張的身材曲線表露無遺，不過網民留言指她衣著品味太「特別」，裙子像極綠幕特效衫的灰色版，又顯得她肚凸凸，更有人問她是否有喜，但她未有回應。此外，伍富橋與太太Shirley亦拍拖到場，伍富橋搞笑指全場亮點是見證Shirley和表妹在90分鐘內飲了3公升啤酒，莫非因球王冇落場，太失望而「買醉」？