21/10/2020
男友教路做老闆娘 蘇麗珊殺入飲食界做生招牌
【晴報專訊】蘇麗珊繼上星期與圈外男友Kenny及友人合資開設按摩店後，昨日再宣布加盟Super Girls成員陳穎欣（Yanny）的東南亞餐廳分店。蘇麗珊月內兩度榮升老闆娘，原來她和Yanny由網友變戰友，齊齊合力進軍飲食界大展拳腳。
陳穎欣（左）與蘇麗珊相識數月便合作做生意，相當大膽。
現年28歲的蘇麗珊，與男友Kenny投資的按摩店上星期才開張，轉頭這對戀人又再合資六位數，入股陳穎欣位於荃灣的東南亞餐廳分店，再度榮升老闆。Kenny更擔任餐廳的設計總監，昨日小情人大方合照，全程表現sweet爆。
蘇麗珊自爆與Yanny本來只是網友，相識幾個月便決定一齊做生意︰「我喺網上follow咗Yanny好耐，一直都係互like，不過無機會見面，到今次合作先見面！」Yanny亦笑說應沒有人像她們一樣，相識數月便合作做生意：「喺做生意方面，我哋仲係初哥，Kenny（蘇麗珊男友）係我哋前輩。」若將來蘇麗珊和男友意見有分歧，會否令Yanny成為磨心？Yanny笑說︰「我諗佢哋唔會嘅，我識佢哋都好斯文、唔火爆。」擔心因財失義？Yanny即望着蘇麗珊笑笑口說︰「呢個你自己拆掂佢，哈哈！」她們表示會落舖做生招牌，Yanny說：「我哋仲學識沖嘢飲，可以做埋店長。」
Super Girls成員現身支持，更即場試飲。
為湯怡生日送驚喜
蘇麗珊帶圈外男友Kenny（中）為湯怡慶祝生日。（IG圖片）
另外，蘇麗珊好友湯怡日前33歲生日，前晚湯怡在社交網上載合照，指蘇麗珊專程去湯怡屋企樓下送上蛋糕，製造生日驚喜，令湯怡感動到喊。湯怡留言說︰「我哋要繼續相親相愛，繼續食多啲麵包。」