25/11/2020
《踩過界II》床上激吻 蔡思貝信任張振朗無「抽水」
【晴報專訊】張振朗和蔡思貝在熱播劇《踩過界II》有一場纏綿激咀戲，兩人昨日在記者會上重提這幕焦點，振朗笑言：「我同思貝拍攝時都覺得好嘔心，但出嚟效果又幾好笑。」他們透露之後便會找到「解藥」，因為角色關係出現變化。
（左起）張曦雯、張振朗和蔡思貝為《踩過界II》造勢。
張振朗與蔡思貝一向好friend，他直言如果女友（楊偲泳）睇到該場咀戲，一定會覺得嘔心，思貝更抵死補充說︰「基本上任何一個識得呼吸嘅物體（睇到）都會嘔，其實我哋豁出去，呢個都係預期效果。」
至於他們所謂的「解藥」，是指兩人稍後會決裂，令人睇到很揪心。振朗表示：「拍咀戲難過決裂戲，因為真係好尷尬。」思貝則笑言她戴上假哨牙，其實拍咀戲沒有感覺，「加上對手係振朗，佢一向都好有風度，唔擔心佢會『抽水』，拍攝前已溝通好接觸邊個部位，就唔會摸錯。」
張曦雯等男神引薦入荷里活
Kelly童年被指與吳彥祖「撞樣」。（IG圖片）
同場的張曦雯（Kelly）日前發布10歲童年照，被指貌似男神吳彥祖，Kelly笑言︰「睇睇下都覺得似，開心嘅，話我似男神，佢依家去咗荷里活發展，如果有親戚角色casting可以搵我！」她又指小時候鍾意笑，外籍男友睇相都讚她得意。不過，男友來港十年仍不懂中文，Kelly笑言要向監製提議在劇集加設英文字幕。