21/05/2021
自認狼虎之年 小儀同森美15歲女爭Edan
【晴報專訊】小儀昨日出席ViuTV下周一（24日）首播的全新節目《中女唔易做》記者會，提到森美的15歲女兒與她同樣是MIRROR成員呂爵安（Edan）的「爵屎」，森美更封Edan為「女婿安」，小儀即自信Edan會揀「經驗豐富」的自己，場面搞笑。
小儀（左）和趙學而異口同聲表示打工期間十分貼地。
小儀昨日與趙學而、楊思琦、康子妮、朱薰及杜如風出席記招，六位中女在節目中投身不同行業，紀錄各人所遇的經歷及困難。現年50歲的小儀直認自己切切實實是一個中女，學而則笑言︰「所以我醒呀，早幾年已經叫人稱呼我做『阿婆』，反正人都要老㗎啦，所以早啲調整自己心態。」小儀表示認同，她指20多歲時跟現時在身體、心境和行為上都大不同，她又謂︰「我好享受做中女，以前好多嘢好怯，如果廿幾歲畀我見到Edan，我會唔敢表達。」小儀被取笑是因為已屆狼虎之年，身旁的學而指狼虎之年是形容某個狀態，小儀聞言即說︰「咁我anytime都狼虎，哈哈！（想食咗Edan？）食任何人，不過，我係欣賞佢啫，唔好講到我好似女色魔咁。」
呂爵安
杜如風穿高踭鞋腳震
杜如風（中）不習慣穿高踭鞋而「發軟蹄」，要康子妮攙扶才可站穩。
小儀又被問到森美女兒與她爭Edan，小儀表示︰「哦，女婿安呀！（人哋個女15歲咋？）咁又點呀？15歲呢啲無知㗎嘛，我呢啲經驗夠，問心，你要個有經驗定無經驗？咁梗係有經驗啦！」她又指站在粉絲立場，多個人鍾意Edan是好事。另外，杜如風昨日穿著一寸半高踭鞋現身，坐在椅子上被推出場，就連站立也步履不穩兼腳震震，要身旁的朱薰借力及由康子妮攙扶才有氣力站立。事後她解釋︰「我五年無著高踭鞋，頭先著咗一分鐘就抽筋，企唔直，陣間返去就掉晒啲高踭鞋。」