世事政情

　　【晴報專訊】《2021香港小姐競選》決賽將於周日舉行，有機會撞正熱帶風暴「康森」襲港，無綫副總經理曾志偉昨日出席記者會時，表示已安排嘉賓張學友預錄戶外表演環節，以便打風時作節目調動。

曾志偉感激張學友一口答應任港姐決賽的表演嘉賓。

　　曾志偉昨日出席港姐記招，提到雙旋「康森」及「燦都」來襲，天文台預料「康森」將於周末最接近本港，可能撞正港姐決賽，志偉表示已有三手準備︰「啱啱搭咗個戶外場地，因為表演嘉賓張學友嘅環節喺戶外，所以安排佢預先錄影，到決賽當日，如果天氣唔影響戶外演出，學友會現場live表演，如果落雨打風就播片。」提到C君（鄭詩君）獲委任為J2台創意總監，志偉笑言C君負責度蹺：「不過我無叫C君唔好做幕前，佢搵唔夠（錢）就會出番嚟。」他又揚言想招攬C君拍檔陸永：「（畀咩職位陸永？）畀個前座位佢！」

C君

陳聖瑜生眼瘡變「獨眼龍」

陳聖瑜擔心生眼瘡影響決賽表現。

　　提到C君上任後，J2台即宣布《#後生仔傾吓偈》本月停播，但C君否認是「劊子手」，志偉聞言笑說：「佢（C君）實話唔係佢㗎，是但啦，其實《#後生仔》都做咗800幾集，好多話題已經講過，加上啲主持個個入晒劇組，所以經商量後停一停，日後用新模式再呈現。」

（左起）關楓馨、宋宛穎及王嘉慧信心十足。

　　另外，12位候選港姐昨日會晤「最上鏡小姐」評判，席上宣布④關楓馨、⑧宋宛穎及⑬王嘉慧為觀眾投票最愛的三位佳麗。而③陳聖瑜因生眼瘡要做小手術，昨日她的左眼貼住紗布亮相，她無奈說：「我都擔心會扣分，但都無辦法，惟有逆來順受。」

　　【晴報專訊】《2021香港小姐競選決賽》昨晚圓滿落幕，結果⑧宋宛穎以穩定表現完美封后，⑮梁凱晴及⑭邵初分別獲亞軍及季軍。至於關禮傑愛女④關楓馨大熱倒灶三甲不入，令各界大跌眼鏡。

（左起）梁凱晴、宋宛穎及邵初全晚表現亮眼。

　　12位佳麗昨晚在港姐決賽施展渾身解數，出身選美世家的中葡混血兒宋宛穎，在準決賽時以急才成全場焦點；她昨晚在問答環節亦表現不俗，提到自選做哪位童話故事公主，她自覺是灰姑娘，雖然面試時身形較胖，但經過一番努力，最終擁有fit爆身材，相當勵志，結果靠出眾口才成功奪冠。亞軍梁凱晴一向是大熱人馬，由頭帶到尾；至於季軍邵初因表現突出，結果爆冷入三甲，同時贏得友誼小姐。此外，關楓馨全晚表現平穩，獲司儀錢嘉樂多次大讚狀態大勇，可惜依然大熱倒灶，不少網民表示失望；而⑩楊培琳則獲最上鏡小姐。

身材勻稱的宋宛穎，出眾口才獲評判欣賞。

關楓馨昨晚狀態大勇，可惜大熱倒灶。

歌神張學友獻唱搶晒鏡

張學友忘我唱出《愛是永恆》等多首金曲。

　　另一邊廂，無綫邀得「歌神」張學友擔任表演嘉賓，闊別港姐舞台20載的學友以眼鏡斯文look大唱《李香蘭》、《愛是永恆》等經典金曲，大曬招牌蘭花手，令觀眾聽出耳油，搶盡佳麗風頭。兩位小鮮肉司儀丁子朗、周嘉洛在泳裝環節則大玩騎呢，分別以白色透視裝配泳褲及黑色deep V泳衣上陣，丁子朗一身打扮，擺明向03年港姐決賽司儀陳百祥的透視泳褲挑機。

丁子朗穿透視裝加泳褲，似足陳百祥03年的驚嚇造型。