世事政情

　　【晴報專訊】現於美國定居的吳彥祖（Daniel），日前在三藩市出席粉絲見面會。一身斯文書生look到場的Daniel獲當地粉絲集郵，卻被發現髮線愈來愈高，兼夾額頭反光。不少影迷感慨一代男神仍難逃「男人最痛」；有人亦指46歲的Daniel漸漸衰老實屬正常，不必大驚小怪。

　　近年吳彥祖回歸成長地美國工作及生活，專心照顧太太Lisa S.及八歲女兒吳斐然，只間中返內地拍戲及拍廣告，但他仍然活躍社交網。不過，Daniel被網民發現其髮線向後移，上月他為宣傳西片《回憶潛行》而接受鄭裕玲越洋視像訪問，但他戴cap帽的造型被香港網民嘲諷似足組合農夫成員鄭詩君（C君），明寸Daniel男神崩壞。此外，Daniel去年中於IG上傳邊開車窗駕車邊自拍的短片，他踩油時被風吹亂長髮，一片光亮額頭盡現鏡頭前，當時他亦留言自嘲︰「我確實需要剪頭髮！」

Daniel於《回憶潛行》演奸角，大曬腹肌與「狼人」曉治積曼鬥法。(網上截圖)

親民合照冧影迷

Daniel於日前出席見面會時，驚現Ｍ字額兼略見發福。（IG圖片）

Daniel於日前出席見面會時，驚現Ｍ字額兼略見發福。（IG圖片）

　　日前，Daniel獲邀在三藩市亮相粉絲見面會，曾拍攝不少港產片的他擁有大量華人粉絲，活動期間亦頻頻獲影迷集郵，有內地女留學生更上載與Daniel的合照，並寫道︰「阿祖（Daniel）人好nice，又帥又有禮貌！」然而，Daniel雖以四眼斯文型仔look現身，網民卻集中討論其超高髮線，心痛他的額頭愈露愈多。不過，內地影迷非常推崇這位男神，Daniel過往曾多次打入內地「最有男人味」排行榜，近日亦有內地官方媒體以Daniel作正面藝人的榜樣，相信他即使髮量減少，依然魅力十足，給觀眾更成熟的感覺。

Daniel去年自拍時低炒，驚現雙下巴兼披頭散髮。（IG截圖）

　　男神吳彥祖近年長期住喺美國，囡囡出生之後都甚少分享相片，係上年返香同老友聚會先少有見到合照。而日前吳彥祖就少有咁同Lisa S.及女兒吳斐然出席公開場合，大方同大家合照，囡囡遺傳晒父母好基因，愈大愈靚女呀！

　　吳彥祖太太Lisa S.日前於社交平台興奮分享合照，留言：「Grammy Night.」原本一家三口一齊出席美國年度樂壇盛事格林美頒獎禮，相中見到現場人山人海，而佢同吳彥祖就戴上情侶裝黑框眼鏡。Lisa S.著上型格皮褸，而吳彥祖就著上西裝加上「鄉謠歌手」區瑞強式嘅闊邊帽，睇落成熟咗10歲呀。

　　而囡囡吳斐然上次同父母一同返回香港，身穿粉色上衣，長髮兩側還挑染成粉色，打扮得前衛但就causal，而今次佢就著上牛仔布色連身裙，可愛得嚟開始有少女味！而吳斐然精緻深邃五官同媽媽Lisa S.極為相似，加上纖瘦、修長嘅model體型，真係盡得好基因。

　　唔少網民都留言大讚佢哋係最美family：「好可愛的一家。」、「Awesome family picture. Raven sure is looking like her mom.（好捧的家庭照，囡囡似足媽咪。）」有人又對吳彥祖呢個造型有啲意見：「I don’t know about Dan’s hat （我不懂吳彥祖的帽子……）」事實上，相當保護家人隱私的吳彥祖，只曾經在女兒剛出時公開過長相，之後就好少畀囡囡曝光，因此每次有吳斐然嘅正面照，都會引來討論。