世事政情

　　【晴報專訊】商台DJ森美日前上載家中健身片段，誰知以往身材fit爆的他小肚腩現形。昨日森美上載本報報道，承諾花一個月時間踢走腩肉︰「鬥志返嚟啦，條片咁快都畀你cap到出嚟，《晴報》你贏一局，但我會追！戰書我已寫下，一個月，柴房健身！我要有成績！我會再除衫！」但他隨即「戴頭盔」︰「可能除，我有少少淆底，如果唔得就咁認衰得唔得，肥豬仔肚影相太可愛啦。」不少網民鼓勵森美健身成功，期待他重拾自己在電影《我要做Model》中的男模身材。

森美發現「肥豬仔肚」現形，決心燒脂。（IG截圖）

森美發現「肥豬仔肚」現形，決心燒脂。（IG截圖）

　　另外，前晚傳出商台DJ麻利離職消息，商台亦證實麻利由前日起暫別商台及節目《口水多過浪花》。麻利及後撰長文說︰「你哋無人轉過工咩？你哋無經歷過分手但係覺得分手先啱鬆一口氣咩？做到有長期服務金牌呢件事，震懾咗我好一陣子，我係變動星座，我居然喺日常生活玩咁多嘢嚟呃自己我有變動，然後留喺一個地方咁耐。」

麻利承認已離巢商台。（IG圖片）

　　女團COLLAR24日舉行《COLLAR Crush Live 2024》演唱會尾場，七位成員獲粉絲大讚歌藝舞技進步不少，首次開演唱會已是超額完成。DJ森美大哥亦有欣賞COLLAR個唱，開心分享自己的「飯拍」，誰知因其攝影功力太「強」，竟變成失傳多時的「照妖鏡」！

　　坐在演唱會前排的森美，分享多張親自拍攝的演唱會生圖，大讚：「Collar Crush concert由跳舞歌帶到情歌，到略帶性感再激情rock，又到可愛跳脫，是一個整體團隊合作最好的表演，第一次就已有大將之風，美、艷、勁、可愛！」

　　不過，七位成員在森美的鏡頭下，幾乎人人崩壞，「受害」最深的是隊長沈貞巧（Gao）及李芯駖，Gao被舞蹈員男友抱起再旋轉時，面容扭曲一刻被森美拍低；而芯駖幾乎在每張照片都未做好表情管理，眼睛半開合，更被拍成黑色「格肋底」。而陳泳伽（Winka）在相中腰腿皆粗，蘇雅琳（Ivy So）及許軼（Day）相對已算較少受到「森之鏡頭」傷害，最厲害要數邱彥筒（Marf），在森美鏡頭下仍然又靚又型，整體傷害值為零！

　　有網民留言問森美：「大哥，咁多黑圖既喂。」森美搞笑回應：「我真係唔係一個專業攝影師。我已經問朋友借相㗎啦。」KOL謝利亦留言笑森美：「大哥偏心，影Marf咁靚！」有心水清網民發現，森美的十張照片中獨欠成員王家晴（Candy），森美親自揭盅：「我衰呀，我影得唔好。」、「有一張，不過真係影得唔好, 影響形象所以冇放出嚟。」看來受鏡頭傷最深的原來是Candy，達到未能po相的極致程度！