世事政情

　　【晴報專訊】陶大宇昨日以「正能量大使」身份到觀塘某商場出席活動，他在席上高唱飲歌《倒轉地球》，引來大批市民圍觀。大宇透露早前跟一隊組合拍MV，自己更在MV中挑戰跳舞；他開心表示自己能夠掌握舞步，但就拒絕透露是哪一隊組合，保持神秘感。

大宇現身商場時，即引來大批市民圍觀。

　　陶大宇昨日首次在本港的活動上高唱《唱這歌》和《倒轉地球》，他更自創舞步「劈」走疫情，又帶領全場「噓」走衰氣，掀起高潮。不過，大宇坦言戴住口罩唱歌很辛苦︰「原來戴口罩唱歌係唞唔到氣，我會用力啲去唱，想大家開心，希望大家見諒。」

大宇自創「劈」舞步，揚言要劈走疫情和衰氣。

帶媽咪外出消費振興經濟

　　大宇稱在疫情下經常做運動打發時間，又會在家中下廚，保持正面心態，「今日（昨日）咁啱放寬社交距離，又係英女王壽辰，雙重意義。呢幾個月好少見到咁多人，今日（昨日）大家都好雀躍，呢個情況真係好耐無見。」社交距離放寬，大宇透露會帶媽媽外出食飯︰「我哋都出去消費捧下場，之前賺嗰啲都已經使晒，希望政府又可以派多啲，哈哈！」

　　大宇因疫情而留港，他坦言部分工作被打亂︰「本身要飛嚟飛去，但受疫情影響…不過唔緊要，逐步逐步嚟，都已經唔係我個人嘅事，若果大環境配合唔到都無辦法。」他又透露今年初客串了一隊組合的新歌MV︰「我要跳舞配合個效果，依家都應該做晒後期，好快面世。（開拓跳舞路綫？）唔係，佢哋搵咗麥秋成設計啲我容易掌握嘅舞，邊隊組合就未講得，但出到嚟有好多特效，效果好開心同好有趣。」由於內地有多個工作要「找數」，大宇預計今年中會飛回內地，並笑言︰「內地仲有三、五場登台騷要找數，香港呢邊嘅網劇《女法醫JD》就快出街，我都會配合佢哋宣傳，同埋會喺屋企拍啲片，搞啲花臣嘢。」

　　【晴報專訊】陶大宇前日在微博上載與吳啟華、張兆輝拍演唱會海報的照片，原來三位「師奶殺手」將於11月中合體假佛山開騷。大宇接受本報訪問，豪言必唱「飲歌」《倒轉地球》外，又透露三人不止唱歌咁簡單︰「我哋有遊戲、互動同小品劇，開開心心做場騷！」

陶大宇、張兆輝、吳啟華合作開騷，粉絲高呼「回憶返晒嚟」。（微博圖片）

　　三位90年代無綫當家小生，今年初重返無綫任《萬千星輝頒獎典禮2022》頒獎嘉賓，陶大宇、吳啟華及張兆輝的出現勾起觀眾集體回憶，重提他們的角色，包括《刑事偵緝檔案》張大勇、《倚天屠龍記》的張無忌及楊逍；不少網民期待他們合作拍劇，可惜至今未有聲氣。不過，近日他們合體拍攝海報，預告在11月中假佛山舉行演唱會。前日，大宇在微博上載他們拍攝演唱會海報的花絮，只見三人穿上黑西裝，打扮型到爆。內地網民紛紛留言表示準備搶飛，又指「好期待大宇哥的首場演唱會」、「期待倒轉地球」、「建議全國巡演」。

早前華仔開生日派對，大宇和壽星仔「世紀同台」。（資料圖片）

嘆幾十歲人拒騷肌

　　大宇接受本報訪問時，透露三人屆時有不少表演，「我哋又唔係完完全全淨係唱歌，當中有遊戲、互動同小品劇，開開心心做場騷。因為大家都認識咗幾十年，又拍咗咁多經典港劇，想搵個機會當係紀念！」問到三人有甚麼開心回憶？大宇稱︰「以前大家都唔成熟，但又要扮大個，做一啲有型嘅角色。（到時會否騷肌？）大家都幾十歲，而且又唔係真正歌星，唔會騷肌喇！」

　　談及他近年因翻唱劉德華金曲《倒轉地球》而成為網民寵兒，屆時可會再次演繹這首金曲？大宇笑說︰「一定走唔甩啦，到時我哋會唱四、五首歌，仲有啲合唱歌。」大宇早前在華仔的生日派對同台合唱《倒轉地球》，他開心說︰「我好榮幸參與，當時感覺真係好夢幻。」