世事政情

　　【晴報專訊】陳煒前晚與醫生男友陳國強結婚擺酒後，不夠24小時便立即復工，昨日下午便現身宣傳劇集《黯夜守護者》。新婚的煒哥甫現身，現場粉絲即大叫「陳太」；粉絲又上台送上蛋糕、鮮花及飾物給煒哥，希望偶像除了是「最佳老婆」，亦是「2022最佳女主角」，令煒哥感動得熱淚盈眶。

煒哥獲粉絲送上蛋糕、鮮花、頸鏈及手鈪作新婚禮物。

煒哥和老公陳國強在婚宴上三度親吻。

　　陳煒和陳國強前日簽紙結成夫婦，晚上則宴請親朋好友，陳國強席上向太太宣讀愛的宣言：「我想喺呢度，回應佢之前講50年不變嘅報道，我喺度講我係會『50年+1日』不變，嚟緊呢段時間都會錫你、寵你、愛你！」到了拋花球環節，同樣單身的朱晨麗及江美儀力爭花球，結果由朱晨麗成功搶到。

朱晨麗前晚成功搶得花球。

　　新婚翌日，煒哥和老公便如常工作，煒哥下午與陳敏之、袁文傑及江嘉敏等一同現身宣傳活動，她坦言婚禮上的一切皆十分感動，又大爆老公不斷被她的好友們「恐嚇」︰「佢哋係咁叫陳醫生要對我好啲，如果對我唔好就打佢，陳醫生惟有不斷講『係，知道』。」煒哥又透露在婚禮上聽不懂老公「50+1」愛的宣言，要事後再問老公：「老公意思係唔想我有傷心嘅時候，因為我每次睇Supper Moment《最後晚餐》嘅動畫MV，都會感動到喊，佢想同我白頭到老，互相扶持。」

袁文傑召「細妹」邢慧敏拍《愛•回家》

袁文傑自覺跟「友誼小姐」邢慧敏（小圖，資料圖片）似樣。

　　提到朱晨麗接得花球，煒哥大爆對方將會出席相睇活動，「佢要求我陪佢去，幫下佢眼，但未約到時間。（叫陳醫生介紹醫生朋友？）佢啲朋友都老喇！（朱晨麗嫌老？）唔係，係年齡層上唔適合。」另外，袁文傑被指與「友誼小姐」邢慧敏撞樣，袁文傑笑說：「話我哋係兄妹吖嘛，側面都有少少似嘅。（同佢合作？）好呀，搵佢拍《愛•回家》囉，潮偉可以有個妹，叫潮妹。」

　　馮盈盈近年性情大變，斯斯文文在社交平台分享閱讀心得和人生哲理，跟以往大癲大肺的她判若兩人。不過早前她在《獎門人Hug Hug媽咪感謝祭》節目中，玩遊戲時非常投入，不少網友都笑指她的「真性情」再次表露無遺，除了狂寸梁競徽之餘，在創作三級片名時更是大開「黃腔」。

　　早前播出的節目《獎門人Hug Hug媽咪感謝祭》，由《逆天奇案 2》演員陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。 遊戲環節「私人醒」兩隊互鬥竟然變「舌戰」，其中馮盈盈跟梁競徽的對罵最激烈。先是梁競徽說：「你梅毒生上眼就唔好出街啦，盈盈！」盈盈反擊說：「你賣嘢賣唔出就唔好出嚟啦，唯唯！」唯唯再以暗瘡等毒舌題目來針對盈盈，但盈盈都不是省油的燈，再次針對他帶貨的工作說：「你賣嘢全部被人退貨，零營業額呀唯唯！」令全場人拍手爆笑，事關早前唯唯接受《Mayanne小喇叭》訪問時，的確提到在內地帶貨的苦況，並不是次次都好好營業額，沒想到盈盈竟然拎出嚟笑。唯唯兩度「中箭」最終絕地反擊說：「你套套劇都擔正但全部仆直冇收視呀！」，的確馮盈盈擔正女主角的電視劇《你不是她》收視一般...由於今次盈盈今次是宣傳《逆天2》，她即場向現場的劇集監製劉家豪撒嬌，唯唯知衰即時「補飛」：「《逆天奇案2》除外！」

　　盈盈越玩越開心，隨後曾志偉為免大家傷和氣都改變主題，要求大家鬥講三級片名，多位演員都相當顧及形象未敢太放肆，但盈盈一於少理，句句都相當爆笑，包括《插班女學生》、《簫塞豐乳中》等，而梁競徽的《警花警棍有景轟》都令全場拍爛手掌，另外張振朗的《我是菊花賊》和方力申的《含住笑咪咪》都相當出色，令不少網友都留言說：「今集真係笑死我」、「呢集好好笑，尤其FYY 講3級片名真係笑死我」、「私人醒重現，笑死寶寶了」等等。