世事政情

　　Tyson Yoshi一向都「火爆」敢言，遇事唔會啞忍，之前佢曾經因為喺健身室被偷拍出post；又試過因為女友被偷拍挺身護花，唔少人都大讚佢真男人；今日佢再次因為自己被偷拍喺社交平台「洩憤」。

　　Tyson Yoshi今日下午時Post出一個黑底白字嘅限時動態，表示：「要影咪直接講囉，又要喺度偷拍，明顯到。」隨後佢再post出一個青年嘅大頭，對方手持電話，Tyson Yoshi為佢雙眼「打格」，相信就係Tyson Yoshi認為嘅偷拍者，Tyson Yoshi留言：「冇錯，畀人偷影係唔好受，你明啦依家？」唔少網民今次都唔撐Tyson，留言：「可能zoom最遠影後面啲嘢唔係影佢，不過就算影佢咁又點？」、「人哋係咪偷影佢就未知，佢就真係偷影人啦。」

　　其實Tyson Yoshi唔係第一次因為偷拍問題出聲，不過今次同上次個「層面」就完全唔同。上年4月佢於社交平台表示女友Christy被兩名男子偷拍，更報警求助，大鬧對方「死變態」。Tyson Yoshi最終指對方行為唔足以構成「窺淫罪」。警方檢查過手機後，確認這位遊客並沒有發放以上任何照片上社交媒體，只能以港鐵附例『滋擾乘客』對這位遊客作出警告。

　　當時有網民留言問：「原來平時見到你唔可以影你㗎？」Tyson Yoshi回覆：「佢係偷影her ass（她的屁股）。」唔少人鬧爆偷拍行為可恥，力撐Tyson Yoshi護花man爆，稱︰「好英勇呀」、「有眼不識Tyson（泰山）」、「Tyson Yoshi係真男人！抵讚」。

　　台灣發生7.2級大地震，花蓮成為重災區，大樓塌下、斷橋等造成有不少傷亡，令人非常痛心。歌手Tyson Yoshi經常去台灣表演，今次事發時亦在當地，感受到強烈地震，為了協助花蓮重建，Tyson率先發起捐助，以個人名義捐出100萬台幣賑災。

　　Tyson原定到台灣表演，卻遭遇強震震撼，「地震當下超級害怕，醒來的時候差點滾下床 ，看到家裏的櫃子全部都打開，就趕緊躲到桌子底下，想說衝出去但住高樓層也不知道衝去哪裏。」看到花蓮成受災戶新聞，他決定想盡一份心力，Tyson Yoshi透過經理人公司在社交媒體宣布，「Tyson Yoshi 將捐出新台幣100萬協助救災，為災區的重建之路略盡綿薄之力，亦希望大家能伸出援手，共同為重建花蓮做出努力。God bless！」

　　而Tyson回應事件，他表示：「這是第三次遇到地震，前兩次都是之前疫情間來隔離的時候，第一次遇到這麼大的地震，覺得好嚴重，當下就產生想幫忙的念頭。因為很感謝台灣粉絲的支持，加上很喜歡花蓮這個地方，其實是台灣這個地方跟人成就了我音樂上的一切，想說能盡一份心力幫助震災。」在台灣發跡的Tyson飲水思源，成為香港藝人捐款的第一人，不少粉絲都以Tyson為傲。