世事政情

　　現年50歲嘅陳煒（Alice）1996年奪得《亞洲小姐競選》冠軍並於亞洲電視出道，28年間曾經歷兩段婚姻，又曾經到台灣定居，人生歷練豐富，而唯一冇變嘅就係佢28年如一日嘅外貌同身形，可以話係完美到無可挑剔，不過相比之下同佢同齡嘅醫生老公陳國強就顯得好大年紀，睇落好似好多日冇瞓咁呀！

　　陳煒雖然唔係好經常玩社交平台，但都會不時派下福利，之前就曾post出泳照，見到佢除咗個樣之外，全身都充滿彈性，一啲老態都冇，非常驚人。就連最容易顯老嘅手部皮膚，佢都同後生女一樣，非常白滑。唔少人都大表羨慕佢keep得咁好，而佢更加仍然係好多男士嘅夢中情人，同現年33歲嘅蔡思貝似兩姊妹！

　　日前係袁偉豪同張寶兒囝囝袁咕碌嘅百日宴，二人邀請咗好多圈中人，陳煒同佢老公都係座上客。陳煒同老公一齊接受TVB訪問，陳煒老公喺一邊做背後男人，似乎唔係好慣面前鏡頭，係陳煒問到佢先會回應。陳煒提到自己一早就想見袁咕碌，一睹呢個可愛BB嘅風采，被問到同老公有冇預備咩禮物，陳煒就話佢同老公準備咗大利是，夾咗幾個公仔似足圓咕碌。當主播問到揀熊仔公仔有冇特別意思，煒哥就充滿愛意咁望住老公，再輕拍佢面頰，陳國強先好怕醜咁話夠CUTE。

　　片中見到陳醫生相當唔精神，唔知係咪工作太繁忙，感覺好似筋疲力盡，對外間嘅嘢都唔係好大反應，除咗黑眼圈極深之餘，面色仲好似黑黑沉沉，相比起煒哥，真係好似一個充滿活力嘅少女，夫妻二人一啲都唔似同齡！陳煒2022年同陳國強註冊結婚，婚禮於半島酒店Grand suite舉行，邀請的親友只約數十人，但就一啲都唔馬虎。煒哥金器唔止墜手更加巨型，掛到煒哥上半身都冇位擺！陳國強被問到會如何愛錫太太時，喺鏡頭前表示會照顧陳煒一生一世，幸福滿瀉！

　　其實2008年陳煒曾經同細心佢三年嘅台灣富商顏志行結婚更宣布息影，先後移居台灣、北京同泰國合共四年。2012年突然一句「戲癮起」簽約TVB復出，密密接劇，開始時佢唔認婚姻出現問題，16年更邀請顏志行亮相自己嘅TVB飲食節目《煒哥的味道》。不過顏志行被踢爆與台灣歌手鄭雙雙關係密切，陳煒先迫於無奈公開承認與顏志行在12年已經簽字離婚，佢曾接受訪問時自爆當年息影後隨前夫到泰國定居，但老公終日埋頭苦幹工作，對佢有所忽略，親熱活動未如理想，更直言「佢好少掂我」。相信如今陳煒一定係生活滿足，有愛情滋潤先可以逆生長！

　　馮盈盈近年性情大變，斯斯文文在社交平台分享閱讀心得和人生哲理，跟以往大癲大肺的她判若兩人。不過早前她在《獎門人Hug Hug媽咪感謝祭》節目中，玩遊戲時非常投入，不少網友都笑指她的「真性情」再次表露無遺，除了狂寸梁競徽之餘，在創作三級片名時更是大開「黃腔」。

　　早前播出的節目《獎門人Hug Hug媽咪感謝祭》，由《逆天奇案 2》演員陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。 遊戲環節「私人醒」兩隊互鬥竟然變「舌戰」，其中馮盈盈跟梁競徽的對罵最激烈。先是梁競徽說：「你梅毒生上眼就唔好出街啦，盈盈！」盈盈反擊說：「你賣嘢賣唔出就唔好出嚟啦，唯唯！」唯唯再以暗瘡等毒舌題目來針對盈盈，但盈盈都不是省油的燈，再次針對他帶貨的工作說：「你賣嘢全部被人退貨，零營業額呀唯唯！」令全場人拍手爆笑，事關早前唯唯接受《Mayanne小喇叭》訪問時，的確提到在內地帶貨的苦況，並不是次次都好好營業額，沒想到盈盈竟然拎出嚟笑。唯唯兩度「中箭」最終絕地反擊說：「你套套劇都擔正但全部仆直冇收視呀！」，的確馮盈盈擔正女主角的電視劇《你不是她》收視一般...由於今次盈盈今次是宣傳《逆天2》，她即場向現場的劇集監製劉家豪撒嬌，唯唯知衰即時「補飛」：「《逆天奇案2》除外！」

　　盈盈越玩越開心，隨後曾志偉為免大家傷和氣都改變主題，要求大家鬥講三級片名，多位演員都相當顧及形象未敢太放肆，但盈盈一於少理，句句都相當爆笑，包括《插班女學生》、《簫塞豐乳中》等，而梁競徽的《警花警棍有景轟》都令全場拍爛手掌，另外張振朗的《我是菊花賊》和方力申的《含住笑咪咪》都相當出色，令不少網友都留言說：「今集真係笑死我」、「呢集好好笑，尤其FYY 講3級片名真係笑死我」、「私人醒重現，笑死寶寶了」等等。