世事政情

　　無線劇集《婚後事》播出以來，收視理想，劇情引發話題不斷，就算播完劇集都仍然有好多人談論。近日劇集演員陳自瑤（YoYo）、賴慰玲（Winki）、黎諾懿和羅天宇，主特節目《香港婚後事》，25日首集播出，就找來男主角羅子溢暢談，大談現實生活中，各位演員的真實感情生活，攞真話嚟講。

　　五人拍劇後成為好友，對談期間可謂暢所欲言。黎諾懿單刀直入，著羅子溢解構與太太楊茜堯姊弟戀背後因由。羅子溢大方分享：「當時我覺得需要一個成熟嘅女人喺身邊，可以令自己成長得快啲，同埋搵到安全感。」他還分享了兩公婆有爭拗時，他自己會先讓步，而太太則是「瞓醒先算」，他說：「以前都會拗嘅，但而家屋企所有濕碎嘢我唔會理，總之你決定就啱架喇。太太一遇到問題，會話唔好講住，等瞓醒先（處理）。」

　　劇中最大的「出軌」話題，由於陳自瑤多年來都傳與王浩信婚變，所以當節目內，五人延續討論，「肉體出軌」與「精神出軌」的話題，究竟另一半可會接受其中一樣？當黎諾懿一提出這個問題，陳自瑤立即好大反應，即斬釘截鐵謂：「兩樣都唔得！」

　　黎諾懿想反駁只是思想諗一下，陳自瑤立即好認真向他拋出兩條相當尖銳的情境題：「如果你老婆同你一齊，佢不停諗緊第二個男人，你接唔接受到吖？」及「如果你老婆出完軌一次返嚟你度，你接唔接受到？」這個問題立即令黎諾懿苦思，坦言確有一個狀況難以接受。之後，陳自瑤再窮追不捨追問：「如果佢鍾意咗另一個，佢之後返番嚟屋企，但個心都係飄走咗，咁又得唔得？」

　　陳自瑤不是第一次在眾人談論這個話題時，顯得特別認真而且堅持，這次亦不例外，羅子溢原本做和事佬想幫手解圍，不過講了一句說話卻令坐在一旁一直觀戰的賴慰玲反而好大反應大嗌對方殘忍，還坦言擔心有一日會認同他的看法，這一句說話即將在節目內揭曉。

　　五人中只得羅天宇還是單身，他被羅子溢大逼供。不斷追問羅天宇的緋聞，怕醜仔嚇到眼都凸，搞到臉紅。五人還不時再節目內「廝片」，羅子溢不斷玩其他演員，他不斷苦勸陳自瑤：「過去咗喇，唔好再執著個角色喇」。而賴慰玲就衝著黎諾懿來玩：「全公司都知你最有錢」。

　　《香港婚後事》由陳自瑤（Yoyo）、賴慰玲、黎諾懿和羅天宇主持，昨晚一集完成姚子羚傾感情的環節後，四位主持來一場麻雀枱的真心話交流，黎諾懿追問Yoyo頒獎禮上「黑面」一事，Yoyo落力遊花園，只稱不會不開心，但就沒有回應是否真「黑面」，而節目上Yoyo原來都有一個手勢叫諾懿不要再問，難怪網友話節目最精彩位是Yoyo的表情。

　　Yoyo、賴慰玲、黎諾懿和羅天宇主持的節目《香港婚後事》雖然每集都邀請不同嘉賓上節目分享感情生活，不過網友似乎對Yoyo的一言一行更感興趣，早前一集四位主持決戰「四方城」，食糊的人可以向其中一位問一個問題，黎諾懿戰戰兢兢問Yoyo：「你可以唔答㗎……我想問呢，啲人成日提住你喺頒獎典禮黑面，你會唔會唔開心？同埋係咪真係黑面？」Yoyo笑笑口回應說：「嗯...其實我唔介意嘅，同埋大家成日記住我黑面個樣，咁大家咪會記住我笑個樣囉！得唔得呀？（唔介意？）唔介意嘅，咁多年囉，我都唔係啱啱入行，好多嘢都習慣，唔會特別開心、唔開心，凡事都係心態好最重要。」其實Yoyo未有回應到底是否「真」黑面，似乎刻意迴避問題。

　　至於問到另一半如果身處同一間公司的話，到底是好事定壞事，其實在座只有Yoyo和老公王浩信是這個情況，但黎諾懿和賴慰玲先後發表感受後，大家都審問聲稱未有拖拍但經常跟女藝人「撻著」的羅天宇，期間鏡頭都有拍到Yoyo，不過Yoyo就好醒目望一望鏡頭微笑，不發一言，正當大家期待Yoyo的答案時，黎諾懿竟然嗌「食糊」，令Yoyo未有回答該條問題。

　　節目較早前的部分，有眼利的網友見到Yoyo的「神秘手勢」，黎諾懿問到大家認為自己的戀愛是屬於咩時分，賴慰玲答「中午」因與丈夫仍然有激情在，姚子羚答「黃昏」，但Yoyo未有主動回應，當黎諾懿點名Yoyo回答時，她再一次表情管理失敗，眼神有點不知所措，「吓？」似乎不太答得出，諾懿打算幫一幫她，問「日落？日出？」，Yoyo唯有狂兜說：「子時，（子時係最黑暗時代？）唔知呢，你可以話最黑暗，亦可以係一日之始咁囉！」然後向黎諾懿擺出一個「句號」的手勢，似乎示意不要再問落去！諾懿都相當識做，話題即時轉向嘉賓姚子羚身上。