世事政情

　　上星期，很高興獲邀出席香港著名企業家、書畫家施子清博士的88歲「米壽」壽宴，首先要在這裏再次祝賀施博士長命百歲、壽比南山。當晚壽宴氣氛溫馨，施家開枝散葉，兒孫滿堂，整個家族樂也融融。施博士家有四子，施榮怡、施榮懷、施榮恆及施榮忻四兄弟各有所成，在不同的崗位為香港貢獻。現場有嘉賓笑言，施博士基因強大，施氏四兄弟身型樣貌如出一轍，有時難以辨清誰是誰呢。

　　施博士做生意的作風勤奮殷實，施家父慈子孝，家肥屋潤，但並不炫富，正好體現中華文化的含蓄內斂，也是中國人傳統家庭價值的模範。

　　這讓我想起近日社會上有關傳統家庭價值、婚姻觀念的爭議。雖然有意見力指中國人傳統婚姻是一夫一妻，其實不然。翻翻中國歷史便會知道，中國傳統社會是一夫多妻的，而香港是在1972年《婚姻制度改革條例》生效後，才規定「凡在1971年10月7日或以後在本港締結的婚姻，應含有一男一女自願終身結合的意思，而不應涉及任何其他人士的參與，這些婚姻只可根據《婚姻條例》的規定締結。」即是我們常常掛在嘴邊的一夫一妻制。不過，即使一夫一妻制已實施半個世紀，社會上仍有一些家庭是「有幾房人」的。

現代社會講求多元，市民傾向有不同選擇。（資料圖片）

　　此外，對於結婚、生子、傳宗接代這些家庭價值或觀念，也是慢慢地在演變。道理很簡單，現今社會複雜多變，現代人生活壓力大，除了結婚生子，現在人們還要考慮事業、經濟、住房問題，生孩子要考慮未來教育，要照料的事情實在很多。

　　因此，現在有人選擇不婚，寧可單身一個人；很多人只同居不結婚；也有很多夫婦結婚了但不生育，寧可享受二人世界。相對地，也有一些同性伴侶希望生兒育女，惟有求助輔助生育科技。凡此種種皆在反映，社會對家庭價值、婚姻觀念的看法正慢慢地演變，市民傾向有不同選擇，不能偏執地一成不變。

　　有媒體日前刊登咗一篇政壇花絮，話今屆立法會同政府關係非常良好，甚至有議席出缺，對立法會運作都完全無影響，議員「多一個都唔多」；更加借住呢個議題，指明年年底立法會選舉可能會大換血，估計有三分一現任議員離任，包括「自然流失」，如資深議員因年齡、黨內交棒退下火線，亦有議員涉及表現等不同因素。文章仲點名三位議員：謝偉俊、蘇長榮同林素蔚。

　　文章一出，立即喺政壇瘋傳。被指「太有個性」、喺現屆議會之中「格格不入」嘅謝偉俊，議會經驗豐富，亦都算得上係稱職嘅議員，對於文章所講，佢四兩撥千斤咁回應一句：「係咪格格都入就好呢？」絕對睇得出佢爐火純青嘅程度。至於蘇同林就被指表現欠佳，兩人都已經親自向其他媒體解釋，Tina都不再詳述。

　　不過呢篇文章亦帶出一個問題，就係來年會有幾多人冧莊繼續做落去呢？Tina亦借機會向多位議員打聽，佢哋有一個睇法係幾一致嘅，就係文章所講嘅「三分一無得連任」應該都係太保守，估計數字遠超三分一。其中一位資深議員分析，香港面臨新形勢、新局面，係極需要新思維，一批舊議員（佢自己都話可能包括佢自己）其實都好可能功成身退，讓路畀新人，將朝氣帶入議會。

有政圈中人認為，香港面臨新形勢、新局面，議會極需要新思維。(iStock)

　　嗰個資深議員仲認為，的確有部分議員喺議會工作上嘅表現同各方期望有落差，特別係部分選委界別議員，「不過又好難怪佢哋，依家每個議題，每個黨都會有固定發言人，涉及一啲行業嘅嘢又有功能組別議員去睇住，選委會界別議員要出位唔容易，太過進取敢言又好易講錯說話，所以唯一敢言嘅江玉歡可以跑得出，市民對佢嘅認知度相信亦係最高，但其他議員要出位真係好困難，做唔到成績，某程度上亦都係『制度』問題。」

　　另一位議員就指出，有部分議員都係當日「臨危受命」上陣參選，本身佢哋工作或者業務就已經繁重，本來對政治地位都無乜特別要求，但要佢哋兼顧咁多議會工作，確實令到佢哋左右做人難，「有唔少議員都私下抱怨，如果要做到『高層』所要求嘅KPI，喺議會要花上唔少時間，呢個係佢哋事先無估計到，所以最少十個八個現任議員都會係因為呢個原因而喺下屆拜拜，如果連同新丁加入競爭，三分一離任實在係太保守！」