世紀一咬
世界盃球員有些好迷人；有些好嚇人；最勁的還會咬人!
烏拉圭隊的蘇亞雷斯在對意大利一役，臨尾咬對方守將基亞連尼膊頭，結果被國際足協重罰：判停國際賽事9場及罰款港幣87萬元。
（晴報資料相片）
烏拉圭前鋒蘇亞雷斯（右）（晴報資料相片）
大路反應：烏拉圭玩完!
迷信反應：佢前世係狗!
這樣的瘋狂行徑自然有個瘋狂相格。
其衝動特徵有三：三濃格(眉濃、鬚濃、髮濃) 、雞咀耳、額低額窄。
本來雞咀耳的人動力十足，額頭唔靚則出身艱苦，這組合在出色球員上屢見不鮮，因為有衝勁的人，在困苦的環境中，尤其是長於貧窮的國家，踢球往往成為出頭的life solution，所以足球乃其生命中第二個太陽。
若耳朵既小且反又雞(冇耳珠)，加上額頭低窄，肯定影響其性格思維。
我曾上過一些分析腦部功能的課程，教授說前額葉的發達與否影響一個人的紀律，咬人蘇個額頭咁差，當然係失控啦。
你想一下，佢27歲、唔係7歲。17歲都唔會咬人啦。
還有，背負盛名、名成利就、屢獲殊榮，他這一咬，代價極高!
第一，緣盡世界盃，連明年美洲國家盃都慳番。
第二，他上一季為英超貢獻31球，名副其實神射手兼被選為英格蘭足球先生。今屆世盃與英格蘭一役，個人包辦2球，令英隊早抖返歸，簡直係當紅炸子雞!
第三，本來星運正隆，贊助費如豬籠入水，經此一咬，形象急插水，分分鐘令贊助商斬覽，adidas與博彩公司888poker已決定走頭。
又他以齒傷人並非首次，之前兩次分別被判罰停賽7場及10場，不可謂唔識規矩。
阿蘇已是如此富豪星級、是烏拉圭隊的核心，國家的英雄，竟然咁原始咁公開咁狼死咬人，明顯無法控制自己情緒，當時忘記代價高昂，事後憂心如焚，皺哂額頭皺哂眉，眼神發放著「今次死梗」的恐懼。
唉！魯莽相格連中三元，難怪留下三次「牙齒印」啦!