職場

　　不論你做乜嘢行業都好，「識人識字」係十分重要，尤其係做marketing，如果你「唔識人」又「唔識字」，係可以好慘。早前同友人食飯，佢學歷唔高，交際手腕亦好弱，工作6-7年都係浮浮沉沉，係典型香港打工仔嘅寫照。自知冇多餘錢進修，所以想用勤力同經驗彌補「唔識字」嘅不足。不過可惜溝通能力點都係頗為遜色，對答時永遠都係慢半拍，更莫講話要「識人」，就算巧遇良師益友，亦會因為冇乜墨水而令自己對答時一仆一碌，錯失機會，高人立即變成過客。

　　要「識人識字」，最好嘅方法係先令自己有「墨水」，而要有墨水其中一個最好嘅方法必定係閱讀。但近年有個唔係太好嘅現象，好多人會覺得因為社交媒體嘅出現，自己比以前閱讀更多。喺呢個資訊爆炸嘅年代，一打開Facebook，大家除咗會見倒好多「速食文案」同「簡短新聞」之外，亦會見倒好多舉手、投票嘅文案，日日問大家「如果認同嘅請舉手」、「成日去日本請『讚』，去台灣請『心』，去韓國請『笑』」，真係舉手舉到手爛都唔知為乜。再加上內容農場嘅出現，「農民」每日為大家出文，欠缺養份或者質素參差嘅文章灌水式咁攻陷每個人嘅手機，令好多人都養成咗一個「速食文化」。閱讀冇養份、超精簡嘅速食文章並唔係問題，但近年好多人漸漸當呢啲「即食麵」為「營養大餐」，呢個就係問題，分不清文章嘅養份同價值何在，只會令閱讀意義大大減退。數碼嘅閱讀年代，不同嘅文章檔案格式、電子硬件等可能會取代紙本書，但數碼化所造就出來嘅速食文化就絕不能取代真正嘅閱讀。

　　閱讀係一種興趣，亦有人當作係一種投資，而投資閱讀必然會得到正回報。有人投資閱讀當作係「識人識字」嘅方式，當然，確確實實地同一個人面對面交流係最好嘅事，可以了解別人嘅故事，亦能為自己建立Network，令自己有得著。而所謂「用閱讀去識人」，其實係講緊「認識別人」。每個人嘅眼睛同腦袋都係一個錄影機，眼睛所見、腦袋所想嘅事情，都係一個獨立嘅故事，而作者就係善於用文字表達故事的人，所以閱讀一本書，其實就好似閱讀緊作者嘅「錄影機」一樣，你能夠看到每一本書都有一個靈魂，了解到每一個Chapter都有一個意義，同作者交流。閱讀除咗可以令你吸收新事物、了解別人對事情嘅睇法之外，亦可以學習作者嘅思考模式，令自己思想上得到開竅，做一個有墨水的人。

　　閱讀有營養文案嘅人，能經歷無數嘅人生故事；

　　閱讀「即食麵」嘅人，能經歷一個令自己變成「癡肥」嘅人生；

　　而唔閱讀嘅人，只能經歷單單一個人生故事。

　　你可以無車、你可以無樓，但你唔可以無智慧。你未必能夠成為一位成功人士，但一定要做一個有內涵、有價值的人。

　　當談到財富、貨幣，甚麼金本位、債本位，這是價值所倚靠的主體。匯君4周年Live，提到「書本位」這個新詞彙。匯君相當喜歡書本，閱讀量與藏書量都相當驚人，認為讀書是知識的來源。知識改善命運，每個人的命運取決於讀書量，閱讀量愈高，人生過得愈富足。

　　當今偉人，多是閱讀量驚人的。例如剛仙遊的芒格、巴菲特、Elon Musk、Bill Gates等，稱得上是書不離手。書本，其實是人類智慧的結晶，知識透過書本不斷累積與流傳。看書者能站在前人的肩膀上，讓自己提昇至更高級數。

　　大部分人的智商其實十分相近，介乎80至120，當然有異數，有天才，但多數人都在這個區間。一個人，可能十分聰明，智商達150以上，背書很勁，數學邏輯了得，但若他沒有看書習慣，沒有投入知識，有如一架超級跑車但缺乏燃料，他與其他人的差距不會很大，更可能會落後。尤其人工智能的出現，個人智商高低更加不是一回事。

　　相信大家也聽聞過，今時今日在社會幹活，智商高低並非唯一成功因素，反而情商、人際關係、溝通能力等因素更能影響前途。主因是智商只是小聰明，但看書所得的知識才是大智慧。於每一個範疇，不同年代的社會需要，都能透過看書去吸取前人的智慧。現實中，智商高，也遠遠不及透過看書而累積智慧的人。

透過看書吸取前人智慧，可使人生過得更富足。(Shutterstock)

　　不少人認為YouTube能取代書本位，其實這個想法十分危險。YouTube影片，尤其是短片，毒害我們大腦非常深。它播放時其實不斷刺激我們大腦，程度不比毒品輕。人類生存有幾萬年歷史，YouTube與TikTok這些產物只出現了幾年，我們身體進化速度根本未有抵抗能力。小朋友處於腦部發育期，受到的影響更為深遠。

　　聽聞曾經有實驗安排一班參與者看很多TikTok，享受短片後，問他們所看過的內容，竟然無一記得。有網友也留言指自己從小讀書所得的知識，不少到今天還記得住，但近年大大話話看過幾千小時的YouTube影片，內容差不多無一記得。可見該實驗結果錯不到哪裏。

　　看YouTube時要節制，別沉迷，同時亦別高估自己的控制能力。尤其誤把一個娛樂媒體當成是學習知識的主要來源，結果將會極不理想（更別說YouTube上的內容未有任何驗證，任何人拍完片就能上載）。學習知識，主力還是看書吧。若自己能身體力行，亦可以影響小朋友。愈早培養閱讀書本習慣，愈能改善命運。

相關連結：

【匯君4週年live 第四場閉門 留言討論區】
https://www.patreon.com/posts/hui-jun-4zhou-di-103103389