【KOL速成班】愛情小文、健身短片最煞食!吸粉絲前先要「劃地盤」(附3大IG Stories排版App推介)
#社交媒體平台 #數碼營銷 #KOL自從社交媒體(Social Media)面世,愈嚟愈多人偏向喺網上世界同人打交道,甚或開闢一個自己嘅小天地,以分享日常生活、好物推介為樂,走上KOL(Key Opinion Leader)之路!不過一個成功嘅KOL 並唔係咁容易做,除咗要有自己嘅一套獨特見解之外,更要做得夠「專」,即係專注喺一個範疇裏面,做到人人都當正你係教主咁樣!
想知點樣可以成為「教主」般嘅KOL,即睇以下幾招「KOL育成術」!
1. 選擇平台
要做一個成功嘅KOL,首先梗係要揀好自己嘅「地盤」,不過社交媒體平台咁多,而且玩法大不同,到底揀邊個好?
A. Instagram
而家最受歡迎嘅社交媒體平台一定非Instagram(IG)莫屬,好多人都貪佢版面簡潔,仲可以圖像為主,最啱鍾意「sell圖多過sell字」嘅人!
Instagram版面
B. Facebook
雖然好多人話Facebook係老一輩人先會用嘅社交媒體平台,不過仍然有唔少人喺呢度做「CD-ROM」,即齋睇唔會打字留言,直至佢哋搵到一啲自己好鍾意、好認同,或者好有興趣嘅page。雖然我哋唔可以控制粉絲們/讀者畀like、留言,不過Facebook嘅模式始終強調雙向交流,如果大家鍾意同人互動,不妨考慮喺Facebook「拋磚引玉」!
Facebook版面
Read More:【Shall We Talk】這個平凡的聖誕願望:為何回到家裏,卻說不出「我想傾下偈」
C. Youtube
如果你表演慾比較強,而且善於面對鏡頭嘅話,揀 Youtube就最適合不過。(前提係……靚仔/靚女一名!)
Youtube版面
2. 題材內容
揀好自己嘅「地盤」之後,就係時候要諗下要出咩內容!
A. 美食
所謂「民以食為天」,加上香港周街都係好嘢食,閒閒哋一日喺條街度行都可以搵到幾間心水推介嘅餐廳同美食,實無輸啦!
(截圖自Instagram @muimuifoodsteps)
B. 愛情
情情愛愛嘅嘢,從來喺網絡世界都係大受歡迎,因為最易引發共鳴!IG就有位專寫愛情小文嘅90後「紙情」,短短幾年就吸納咗八萬幾個粉絲,甚至獲KOL經理人公司簽約合作,真係咪話唔犀利!
(截圖自Instagram @lovestoryhk)
C. 健身運動
健身教學片從來都係長做長有,好似Coffee林芊妤離開咗TVB後,就轉咗做瑜伽教練,周不時喺Youtube分享佢嘅修身教學,累積到一大批粉絲不在話下,去年仲榮登YouTube「十大本地熱門影片」排行榜第二名添!
Read More:【2018回顧】YouTube最新排行榜出爐!「扮工」解悶必備的10條熱門影片
(截圖自Youtube:《[ENG SUB] 20MINS特強瘦大腿操 (減外側內側後側及提臀) 2星期內明顯見效//SLIMMER THIGHS in two weeks ft. GRACE WONG》/Coffee林芊妤)
D. 美容
想喺網絡世界跑出?仲可以靠人人都愛嘅護膚化妝教學片!身為香港Beauty界嘅始祖,陳莉敏QQ所拍既短片除咗有實用嘅護膚製作教學,仲會示範好多令人意想不到嘅創意化妝方法,如毛筆化妝,難怪可以成功吸納近三十萬訂閱人數,仲有唔少美容youtuber當正佢係偶像啦!呢個KOL,絕對值得大家偷師學習。
(截圖自Youtube:Getting Rid of Dark Circles With Jello?★DIY綠茶果凍眼膜/BEAUTYQQ)
3. 發文技巧
A. 用字精簡
無論出文定出相,千萬記得撰文時用字要夠精簡扼要,畢竟現代人不愛看字!尤其喺Instagram,適當嘅「留白」仲可以增加睇圖片時嘅想像力,但切忌圖文不符!
B. 不濫用Hashtag
雖然加Hashtag(#)真係幫大家好方便咁搵返舊貼文,又或提高貼文嘅搜尋機會,不過切忌過量。有指,Instagram每張相片加上「#」最恰當嘅數量約為10個;至於Facebook,就最好唔好超過6個。仲要留意嘅係,喺大家未成為名人之前,如無必要就盡量唔好創建太獨特嘅Hashtag啦,因為其他人根本就睇唔明。
十大熱門Hashtag排行榜:
1.#love 2.#instagood 3.#photooftheday 4.#fashion 5.#beautiful 6.#happy 7.#tbt(意思為:非今天拍攝的老照片Throw back Thursday) 8.#cute 9.#like4like(意思為:互相按讚) 10.#followme
C. 善用限時動態(Stories)
限時動態,顧名思義,指嘅就係大家所發布嘅內容會喺24小時後自動消失,唔駛擔心自己會成為「洗版王」嘅同時,亦可以保持同粉絲互動!不過要發布一個能吸引人眼球嘅限時動態並不是易事,呢個時候最好搵返幾個好用嘅Apps幫手!
下頁看 把限時動態變美的3大Apps
1. Unfold
Unfold絕對係玩限時動態嘅必備app,介面簡潔之餘,仲內置唔少範本選擇,只要揀好相、加上文字,就可以直出,非常易用。
2. StoryArt
和Unfold相似,但StoryArt提供更大量不同主題嘅範本,例如簡約風格、寶麗萊、雲石等,而且有不同字體選擇,亦可更改版面內嘅顏色選項。
3. Adobe Spark Post
同樣有大量範本選擇嘅Adobe Spark Post,其特色之處在於有埋文字特效嘅功能,可以將IG Stories嘅文字變成動態,玩味大增。
Read More:【文化實驗室】IG吸2.5K粉絲!中大「劉在錫」穿裙上班誓要打破傳統框框