職場

　　面對員工劈炮唔撈，各位腦細們，千萬咪再糾纏喺「罵不跑嘅員工先係好員工」嘅職場迷思，日呻夜呻員工無本心；反而要找出員工離職嘅原因，及時亡羊補牢，先可以說服佢哋留職，或者避免往後日子有更多人才離開。

Read More：【劈炮唔撈？】「腦細你太看得起我了！」5個警號提你是時候考慮轉工

　　但係絕大多數腦細都會犯同一個大錯，就係高估咗「有錢能使鬼推磨」嘅效果，誤以為「人工低」係員工辭職嘅唯一原因，而忽略咗他們喺金錢之外嘅需求。而喺外國，早就有唔少企業洞悉呢個問題，所以喺給予金錢獎勵嘅同時，亦使出五花八門嘅留人招數，即刻向佢哋偷師啦！

1. 贈送個人化獎品

　　所謂「送得啱先叫好禮物，送唔啱就等同廢物」，送獎勵畀員工最好就梗係切合其需要或口味啦！美國電子數據系統顧問公司（Electronic Data Systems）喺贈送獎品前，就會首先了解員工的興趣與嗜好，想睇球賽、歌劇？無問題！想帶全家去高級餐廳享用晚餐？一樣得！

（截圖自《愛·回家之開心速遞》）

2. 容許帶寵物上班

　　相信唔少有養開寵物嘅打工仔，日日返工最擔心嘅就係，「奴才上班了，主子怎樣辦？」為咗員工唔駛成日心掛掛到冇心機開工，位於美國加州矽谷的歐特克製圖軟體公司（Autodesk）索性打開大門，歡迎員工帶埋自己嘅「毛孩」一齊上班。

3. 提供洗衣服務

　　打工仔日忙夜忙，連飯都冇時間食，仲點會得閒做家務。勢估唔到，美國北卡羅萊納州維康包裝公司（Wilton Connor Packing Inc.）索性喺公司加設洗衣房，等佢咃可以將屋企嘅污糟衫褲拎返公司洗，烘乾、摺好之後再帶返屋企。

（截圖自《守護神之保險調查》）

4. 安排臨時管家

　　返返下工屋企突然有事點算好？芝加哥的安達信顧問公司（Andersen Consulting）就為員工安排咗臨時管家，無論係要等工人上嚟屋企修理電噐，定係要去修車廠拎返部維修好嘅車，一樣有人可以代勞！

（截圖自《福爾摩師奶》）

5. 照顧員工子女的學習需要

　　想留住一個員工嘅心，除咗要關心佢個人，仲要關心埋佢屋企人。美國銀行保險集團就做咗一個最好嘅示範：唔單只用兩百四十萬美元喺公司園區興建呜一間學校，仲撥咗十四萬美元作為學校營運之用。聽講學校裏面有兩百二十五個學生都係員工嘅仔女孩子，公司仲鼓勵員工喺午餐與放學時間探訪佢哋嘅仔女添！

（截圖自《愛·回家之開心速遞》）

Read More：【冇信心一定輸】老闆的態度，直接影響下屬的工作表現？ 

　　我的洞察力、判斷力、解決問題的能力，的確非常之強。所以朋友們讀者們，不論是公事還是私事，總之一出事，尤其是急事，第一時間都會想起我，立即向我求救求教。

　　總以為問我是基於對我的信任，亦明白不知如何是好的徬徨。既然問得我，我就有責任清心直說，但義不容辭、急人之所急、仗義幫忙地解決了難題，結果竟然是我被解決了？多謝都冇句，還留低牙齒印？甚至成為仇人？

　　說沒耿耿於懷是騙人的，實在意難平！原來經一事，我都未能長一智，做了60年人才能長一點智。以前我總認為凡事一定有對錯，亦堅持必需分出對錯。為了證明我是對的，事無大小，打爛沙盤問到篤，堅持判出誰對誰錯！結果我認為的，反而造成了我的錯！

　　最近發生了一件大小T覺得我十分反常的事。面對客戶出爾反爾、反口賴帳，說無賴無恥亦不為過。以我往常的性格作風，肯定即時反面反枱冇得傾，皇帝都無面畀！憤怒到極點的我，竟然一反常態繼續與對方斡旋。大小T都覺得不可思議，點解我會忍？又竟然忍得到？

　　人在江湖，吃四方飯，不看僧面看佛面。這個客戶是我好友，知我搵食艱難，極力撮合拉攏的。為了不令好友難做，避免好友和客戶之間產生芥蒂，搞不好分分鐘朋友都冇得做；只好調整心情、控制情緒，原則底線堅持不讓不退，不過冷靜處理，不在情緒上計較，只在事實上交代清楚就算。

　　即使當場反面、大發雷霆有何用？對方擺明車馬就是要賴帳，訴諸法律告上法庭就能維護權益，得到我要的公義公正？冷靜計一計數先，不講律師費肯定6位數字，入稟、排期、律師信往來，肯定拖幾年時間，勞民傷財，即使打贏，扣除付出的律師費，費心力精力，結果都是輸！

　　以前的我，認為妥協是懦弱，忍讓是買人怕。今日的我，時刻提醒自己︰小不忍則亂大謀，審時度勢無可避免；忍常人所不能忍，成常人所不能成。能夠改變就改變，不能改變就放下；改變不了事情，就改變心情。說穿了不是放過別人，只是放過自己！

　　到了耳順之年的我，不管聽到甚麼、遇到甚麼，都應能做到冷靜不激動，順應事物規律，不暴躁，不氣餒，不悲傷，不退縮，寵辱不驚，始終如一。說是這樣說，但自問修養、修為未夠，只能繼續努力！