【Last Day的禮貌】派散水餅都要講Timing？做足這5點包你不會得失人
#職場 #打工仔 #辭職 #散水餅 #辦公室貼士遞咗辭職信，繼續畀心機做好埋手頭上嘅工作，話咁快就到Last Day。所謂好來好去，最後一日梗係要派散水餅嚟多謝上司、同事對自己嘅照顧啦！之但係，派散水餅從來都係一門唔容易拿捏嘅藝術，唔想臨走一刻先嚟得失人，即睇以下5大貼士！（文末還有3種特色「散水餅」推介，別錯過啊！）
Read More：【腦細要識do】加薪都留不住員工？偷學外國企業的5個留才妙計
1. 了解同事的口味
咪再買西餅咁悶啦！其實近年愈嚟愈多打工仔願意搞搞新意思，因應同事嘅喜好和口味，特別訂製Cupcake、曲奇、蝴蝶酥等，甚至喺「散水餅」表面印埋同事個名，或者「Thank you」、「Bye Bye」等字句，非常有心思。
同事唔鍾意食甜品點算好？無有怕，水果、雞翼一樣掂，最緊要係大家食得開心！
曾有網友發文，指自己自創了「史上最強散水餅」，誓要打破散水餅就是甜的定律。（連登討論區圖片）
2. 預備獨立包裝
派散水餅其中一個最令人尷尬嘅位係，同事拎咗件餅上手，偏偏手頭上有事忙緊而唔方便即刻食，諗住就咁擺低喺枱面先，結果一擺就可能擺足半日，搞到好哋哋一件餅變咗做「雞肋」。所以為咗方便派發和保存，大家最好就係預備獨立包裝嘅散水餅，到時一人一份，即刻食又得，留返慢慢食亦得；就算同事唔喺位，都可以擺低一份喺佢枱面，聊表下心意。
3. 預多好過預少
散水餅作為謝禮，人人有份就梗係最好啦！所以大家除咗要預備上司、同team同事個份之外，不妨都預多幾份，派埋畀其他部門曾經幫助你嘅同事，仲有日日都會見面嘅接待處同事、茶水間阿姨、清潔阿姨呀！
（截圖自《愛·回家之開心速遞》）
4. 收工前1-2小時先好派
幾時派餅絕對都係一門學問，最棹忌一定係lunch time後派餅，因為大家啱啱食飽飯，仲點會有胃口享用你嘅「心意」。所以最佳派餅時機一定係收工前一、兩個鐘，派之前仲要記得留意，同事手頭上嘅工作係咪都就快完成／已經完成，咁就萬無一失啦！
5. 派餅有順序
懂禮貌嘅人，一定知道打招呼講求長幼有序；派散水餅都一樣，一定要按職級派。所以大家記得要先派畀自己嘅部門主管，然後先到上司，再嚟係其他部門嘅阿頭，跟住先係自己嘅同team同事，最後再派埋其他同事。
（截圖自《愛·回家之開心速遞》）
Read More：【劈炮唔撈？】「腦細你太看得起我了！」5個警號提你是時候考慮轉工
下頁看 三種特色「散水餅」推介
1. 祝福類
開篇都講咗，而家散水餅嘅「門檻」愈嚟愈高，想同事收到你嘅散水餅時會有驚喜、獨一無二嘅感覺？不妨預備一啲印上祝福字句嘅散水餅，臨走前留句說話多謝同事！（想買「祝福布丁燒」，可按此查詢）
小確幸祝福布丁燒
2. 純素類
近年茹素嘅人愈嚟愈多，如果你身邊咁啱都有啲食素嘅同事，不妨試下入手幾件賣相精緻嘅純素散水餅，既可以滿足同事，又可以趁機推廣素食！（想買純素散水餅，可按此查詢）
The Vege Lab純素糖烤檸檬撻
3. 湯水類
嫌派Cupcake、曲奇、蝴蝶酥毫無新意，送一碗湯又如何？唔單只可以令同事都耳目一新嘅感覺，仲可以關顧埋佢哋嘅身體健康，真係一舉兩得！（想買散水湯，可按此查詢）
湯譜SOUPDAY素湯「素顏greenday」