職場

　　望住一張張亞馬遜雨林大火嘅相片，巴西聖保羅上星期（8月19日）被黑煙籠罩，碳排放已達2010年以來最多之紀錄，又傳來剛果盆地發生大火……坐喺Office日忙夜忙嘅你，除咗感慨「世界末日到了麼」，係時候要從細節入手，用實際方法為減碳出力！

 

Read More：【餐盤上的亞馬遜】香港有份促成亞馬遜大火！如何保育雨林回歸平靜呢？

 

1. 回收，其實很簡單

 

　　影印文件忙中有錯，時有發生吧！成日笑言「唔想下世做樹」，不如先學做回收。最簡單是在公司影印機旁放一個回收箱，收集單面紙再用；兩面都用過的紙，可放入廢紙回收箱。另外，亦要重用信封、公文袋。要知道用回收紙再做紙張，耗費能源可比原生紙少60％，每購買一噸回收紙就可以節省3萬公升水、減少砍伐19棵樹！

 

　　除了紙張，塑膠、金屬、玻璃和電池都可以做回收，即使公司未有增設分類回收箱，都可先從回收塑膠、玻璃、汽水罐等做起。記住同負責清潔嘅人員，或清潔公司溝通清楚，等佢哋幫手將回收物資送到可靠嘅回收商處理。

 

除了打字紙，也要記得少用抹手紙！

 

2. 善用電郵、電子檔、電子memo

 

　　日常與同事溝通，以至傳閱文件，可多用電郵和電子檔！想標示文件、圖檔需要修改之處，不如印少幾張hard copy，用追蹤修訂、甚至用文書處理軟件，標示文字和圖檔要修改的內容。

 

　　除了用電郵、電子檔，日常辦公室用得最多嘅memo紙，其實也可以用電子memo代替；仲可以一開電腦就在桌面睇到有咩待辦事項，又或者用網上、手機、電腦的行事曆記錄待辦事項，用少啲紙之餘，仲可以較埋鬧鐘，定時提自己要處理嘅事項！

 

3. 自備水杯、餐具

 

　　每日在office工作8到10小時，自備水杯、提醒自己多飲水，減少使用即棄紙杯、膠杯，日日少用一兩隻，就可即少成多。就以平日隨手可得的水樽為例，如果可重複使用20次，就可減少四分之一至三分之一嘅二氧化碳排放量！

 

　　另外，自備餐具都好重要；尤其是成日要叫外賣嘅打工仔，如果有自備餐具，就可以少用膠刀、膠匙、木筷子！不過，記住落單時講明唔要餐具呀，咁就可以避免公司嘅即棄餐具愈儲愈多。

 

4. 嘗試每周素食一天、實行多菜少肉飲食

 

　　講到減碳，唔少得從飲食入手。根據Green Monday資料，只要每星期實行一天素食，你每年就可以減少1.5噸碳排放；如果按樹木吸收量計算，1.5噸碳，已經相等於66棵五米高嘅大樹！

 

　　一星期一次素食之外，即使工作忙、要外出吃飯，也可選擇多菜少肉菜式；特別是少吃牛肉，因為牛隻飼料需要大量水、土地、殺蟲劑和化肥，冷藏和運輸肉類又要用到化石燃料，牛隻打嗝更會排放甲烷，其可造成的溫室效應，比二氧化碳多21倍！如果自己準備飯盒，可多用涼拌、白灼、清蒸、少油快炒等方法煮食，比炸、燜等方法更能減少燃料消耗，以達至減碳。

 

如果自己準備飯盒，可更易準備多菜少肉菜式，實踐減碳。

 

5. 節約能源，Less is More

 

　　辦公室最常用到的電器，離不開冷氣、電燈、電腦。而冷氣溫度每調高一度，就可以節省6％用電，如果要開冷氣，也可將溫度調高一點，夏天時更可嘗試將冷氣溫度調至25.5度，令工作環境更舒適，外出時亦不會感到一冷一熱。

 

　　離開會議室、辦公室時，記得關掉電燈、冷氣，以至工作桌的電腦！如果初初在公司實行，可在電源開關旁加上節能小提示，同時亦有助營造辦公室的環保風氣。

 

　　以上的減碳細節，你或許已聽過許多次，但要在工作環境中實行，以至在公司推動，需要很大的毅力吧！望望大火的相片，以至窗外的煙霞，看看你的工作枱、辦公室，你還有甚麼可作出改變？

 

Read More：【綠想成真】是態度也是習慣！環保「愚公」：只願大自然不再受污染