亞洲電影大獎5大亮點！梁朝偉再登影帝腦袋空白／洪金寶笑言棄武從文／張婉婷現身頒獎禮
#打工仔 #亞洲電影大獎 #第16屆亞洲電影大獎 #張藝謀 #是枝裕和 #阿部寬 #池昌旭 #岡田將生 #任時完 #梁朝偉 #風再起時 #影帝 #最佳男主角 #劉嘉玲 #洪金寶 #終身成就獎 #張婉婷 #正義迴廊 #麥沛東 #最佳新演員《第 16 屆亞洲電影大獎》昨日（12日）在故宮文化博物館圓滿落幕，多位來自日本、韓國、台灣等地電影人特意來港出席頒獎禮，當中包括重量級評審團主席張藝謀、是枝裕和、阿部寬、池昌旭、 岡田將生、任時完、許光漢、宋芸樺等，絕對是星光熠熠。早前報導過今屆《亞洲電影大獎》的得獎名單，接下來帶大家重溫頒獎禮的 5 大亮點，像梁朝偉憑《風再起時》再登影帝的感受、洪金寶為何決定棄武從文等。
亞洲電影大獎亮點 01｜梁朝偉奪影帝超驚喜：腦袋空白咗好耐！
繼早前公布獲頒亞洲電影貢獻榮譽大獎，梁朝偉昨晚再憑《風再起時》勇奪最佳男主角殊榮，由太太劉嘉玲頒獎，她揭曉結果時更表示︰「Oh my god，這個名字好難讀，Tony 梁朝偉。」二度問鼎「亞洲電影大獎」影帝寶座的梁朝偉聽到結果後一臉愕然，上台接過獎座更指自己沒想過得到此獎，「I didn't expect this! 我睇過入圍幾部電影都係好優秀，我好欣賞嘅男演員，諗都無諗過自己會得到呢個獎，無準備咩 speech，所以只識講多謝，多謝大家！」
（圖片來源︰FB@ Asian Film Awards Academy）
事後梁朝偉接受訪問時更坦言︰「頭先直程腦袋空白咗好耐，好激動。（未來會否多拍電影？）我一直都想同唔同地方的團隊合作，希望找到啲新刺激、新看法，可能有啲新火花。」劉嘉玲則表示公布結果時心情複雜：「又想佢攞，又覺得應該畀啲機會其他人」，但梁朝偉在她心目中是最好的演員。
（圖片來源︰亞洲電影大獎）
亞洲電影大獎亮點 02｜洪金寶獲終身成就獎罕有哽咽 笑言為奪影帝要棄武從文
人稱「大哥大」的 71 歲洪金寶由童星出身，入行 60 幾年，參演過不少經典電影，如《七小福》、《葉問》及《殺破狼》系列等，同時還擔任動作指導、導演、出品人等角色，昨晚更在袁和平及張婉婷手上接過《亞洲電影大獎》的最高榮譽 — 「終身成就獎」。他領獎時感動得眼泛淚光︰「本來我都好平靜，但係呢一刻我忽然間想喊。喺呢 3 年，喺呢個疫情入面，我哋嘅電影圈好靜，尤其是動作電影，靜到不得了，乜都做唔到。我每日就係朝早去買餸，食完中午飯後，下晝再去買餸，食夜晚嗰餐，冇嘢做。電影對我嚟講，好似冇乜關係咁。我喺度諗，我係咪同電影圈冇關係？但忽然間聽到亞洲電影大獎頒個終身成就獎畀我，真係好意外，好高興！」
（圖片來源︰FB@ Asian Film Awards Academy）
洪金寶也表示，曾覺得太太為他配搭這身服飾太隆重，應該等待再獲「最佳男主角」時才穿上，但太太不認同並解釋︰「傻佬，最佳男主角邊有終身成就獎的分量重？最佳男主角每年都有機會攞，但終身成就獎要做幾十年先有機會攞。」洪金寶續說︰「著完呢套衫，我又喺度諗，幾時先有機會攞最佳男主角呢？要拍啲乜嘢戲先可以攞到呢？唔通依家再叫我去練功，我依家 7 條有 1 啦，冇咁多精力。」他笑言為了再奪影帝決定棄武從文，拍攝電影《毒舌特工爺爺》，「仲要呢部戲上映時，唔准有任何電影上，上網嘅電影都唔准，淨係呢部《毒舌特工爺爺》做一年，咁我諗我嘅票房都應該幾高。」
亞洲電影大獎亮點 03｜《正義迴廊》麥沛東贏最佳新演員
去年 10 月上映的法庭片《正義迴廊》不只靠口碑登上港產三級片票房之冠，累積票房達 4,160 萬元，飾演唐文奇一角的麥沛東昨晚更撼贏《梅艷芳》王丹妮，奪得最佳新演員。本是舞台劇演員的他，今次首度參加《亞洲電影大獎》，特別感謝《正義迴廊》團隊和監製翁志光︰「因為呢個角色原本唔係我做，因為一啲事要換演員，所以換到我，所以好多謝翁子光、多謝何爵天導演。佢哋兩個冇睇過我任何作品、任何演出，但選擇我去做呢個背景好複雜嘅角色。對於冇人認識嘅我，係一個好勇敢嘅表現。」
（圖片來源︰FB@ Asian Film Awards Academy）
他同時多謝好兄弟、戲中的好拍檔楊偉倫，「係佢推薦我去演呢個角色，呢個獎有一部分係屬於佢。因為佢話我攞獎，佢會開心過佢攞獎，證明佢眼光好好。多謝楊偉倫，你眼光真係好好，多謝！」他表示曾打算放棄演藝事業，但得父母支持才令他堅持下去；疫情下沒工作時，太太又跟他說：「我有份全職，我頂。」他在台上感謝太太，道︰「我希望日後唔使你頂，我希望我全部頂晒，多謝我太太。」
亞洲電影大獎亮點 04｜張婉婷爭議後首度現身頒獎禮 頒終身成就獎
因紀錄片《給 19 歲的我》大受非議的導演張婉婷早前缺席評論學會頒獎禮後，昨日終於現身出席《第 16 屆亞洲電影大獎》頒獎禮，與導演袁和平一同頒發終身成就獎給洪金寶。
她表示自己當洪金寶代表電影《七小福》的編劇時，因「大哥大」外表兇猛，不敢跟他說話，「我唔敢同佢講野，唯有寫紙仔畀佢」，後來熟絡了才發現他其實內心善良。張婉婷頒獎時再引用《七小福》台詞，「一個人用 40 年做同一樣嘢，要好多恆心同毅力，成功又好，失敗又好，都對得起自己。大哥大不但對得起自己，仲對得住所有觀眾，為香港電影業成就了輝煌一頁。」
（YouTube 截圖）
Read More︰張婉婷《給十九歲的我》急煞停！3主角親揭被公映、被勸簽同意書！李慧詩被客串？用錢製造場景？一文睇清英華女校紀錄片攝製4大爭議！
亞洲電影大獎亮點 05｜搶鏡紅地氈造型！阿部寬獲頒最佳衣著獎
《亞洲電影大獎》是香港復常後的首個大型頒獎禮，人人都悉心打扮到場，像林明禎以高衩長裙上陣，王丹妮又穿上金色低胸晚裝登場，袁澧林則身穿白色閃片吊帶長裙，全場衣香鬢影。最終獲頒卓越亞洲電影人大獎的日本著名男星阿部寬，以一身大方得體的黑色西裝配黑色煲呔，贏得最佳衣著大獎，他表示原以為來呆坐，沒想過會獲得兩獎，令他喜出望外。
（圖川來源︰IG@ jenniferyuuu）
（圖片來源︰FB@ Asian Film Awards Academy）
池昌旭（圖片來源︰亞洲電影大獎）
《第 16 屆亞洲電影大獎》完整頒獎禮重溫︰