財智

 　　你碌Facebook嘅時候，有冇發覺愈來愈多人做「網上拍賣」直播？其實，呢種玩意早幾年喺台灣已經興起：又話香奈兒三折，LV一折咁，睇到我心癢癢，巴不得佢地會將貨送嚟香港；終於，呢種新風氣近排都開始流到香港。究竟喺呢啲直播平台買嘢真係平啲？想加入又點應該點做呢？去文！

(Shutterstock圖片)

 兩岸市場大，網紅單月成交高達千萬元！

(Shutterstock圖片)

　　疫情未爆發前，大家都已經習慣日淘夜淘；到疫情爆發後，更催生出網絡購物普及化，但直播拍賣其實又點運作呢？

　　作為「主播」，就梗係要Talk得又Sell得啦！近呢幾年來呢類直播平台都邀情電視台主持過檔，務求力谷人氣收視，例如曾經有「湖南衛視一姐」之稱嘅李湘曾獲邀做直播拍賣，單月成交額高達千萬元人民幣，可見呢種賣嘢方式真係有市場！

　　而台灣平台就更加成熟，叫賣方式都大同小異，但台灣人玩法更瘋狂！例如台灣主播連千毅曾經推出「零蚊起BID」，手錶手袋，統統零蚊起拍賣，叫到幾多就賣幾多！高峰時期線上用戶高達三萬幾人；但可惜，後來有其他台灣網紅踢爆，原來佢係賣緊假貨，最後被警方送辦。

女人錢容易搵? 主播或有兩三成分紅！

(Shutterstock圖片)

　　其實直播拍賣真係賣乜都有，榴槤、海味、牛扒，你諗得出都會搵到！不過點計都係女人錢好賺！所以直播平台普遍都係賣手袋、口紅、化妝品較多。而作為主播，除咗Sell得貨之外，仲要識講吓笑話、唱吓歌。一場直播幾個鐘，點樣留住班客仔？最緊要帶畀佢地歡樂，開開心心買！

　　咁做主播又有咩著數？通常主播都係同賣家拆帳，賣一件拆一件，一開始分成利潤可能得一成，但如果係當紅主播，分分鐘有兩三成！以大陸網紅李佳琦為例，一支唇膏出面鋪頭賣100至150蚊一支，網上直播可以賣平至7、80蚊，呢位網紅一個月賣到二萬幾支，成交金額約三百萬人仔左右，計及成本之後，推算佢單月淨袋20萬人仔！

人唔做我做，殺出條財路：先賣時令美食！

呢對「港夫廣妻」組合係抖音似乎有唔錯成績！（抖音截圖）

　　呢種玩意喺香港只係喺好起步階段，做緊嘅人都唔多，但都有港人嘗試開展新機遇，例如有位港青李劍禧同佢廣州老婆組成「港夫廣妻」組合，係抖音上面拍攝短片，順便幫朋友做埋直播拍賣，短片都起碼10幾萬點擊率以上！

　　香港人要做呢行的話，單單做本地市場有點困難，因為畢竟都係起步階段，而港人對於網上拍賣亦唔算太過熱衷。之不過，人唔做我做，殺出條血路！正正就係因為少競爭，想入行嘅人反而容易！參考內地網紅個案，建議可以首先以美食為主，例如而家係屬於榴槤、荔枝嘅季節，一入秋去到九、十月就係食大閘蟹，香港人咁為食，點都會有生意額；到主播累積一定知名主播度，可以嘗試推介下化妝品、護膚品之類，一步步踏上青雲路！

有藝人成首批香港「叫賣哥」，最緊要吸流量！

藝人張啟樂之前係香港做「叫賣哥」，不過而家去台灣發展！（張啟樂Facebook截圖)

　　前亞視藝員張啟樂（Ben）就係首批喺香港做起嘅「叫賣哥」！我細細個已經睇佢喺亞視做《開心大發現》，又同張家輝喺《中華賭俠》唱眼睛想旅行，加上佢又口才了得，做過DBC數碼電台主持，叫賣Sell嘢又點會難到佢呢！佢嘅「吃喝玩Vlog」嘅Page都有萬幾Followers，去年幫一間海味鋪做直播拍賣，兩小時已經有6位數成交，據聞佢自己都袋袋平安5位數佣金。

佢之前做直播都幾多人回應，而且好多人落單！（張啟樂Facebook截圖)

　　咁，係咪人人都可以做直播買賣？其實最緊要，就係要預留足夠嘅貨物存倉，有啲主播會選擇自己入貨自己賣，不過你就要承擔存貨風險。而消費者最緊要就係有優惠有禮品，除咗產品售價要平外面一大截之外，張啟樂試過，喺直播入面送演唱會飛吸流量，仲要係周杰倫演唱會飛！真係未做主播先打三十！係咪博得過，就要仔細思考啦。

　　不過張啟樂今年已經過去台灣發展，唔知佢會唔會繼續用「港仔」身份，喺台灣幫手Sell下啲香港特產呢？而喺香港嘅你，又會唔會諗吓自己自己做老闆，又做埋主播呢？

撰文：李皆穎

　　姊妹們，如果選近期最多人談論的一隻藍籌股，我相信，大家一定會想到友邦(01299)。事關我近期每次見到朋友，只要有買股票的，都會問到，為甚麼友邦這一輪跌得這麼厲害？

　　到底友邦近期跌得多厲害？我可以告訴大家，去年底的時候，友邦股價是68.05元，昨日友邦股價收報48.75元，即是年初至今，股價下跌了兩成七；但如果以近期低位45.25元計，跌幅更逾三成三！以一隻大藍籌來說，這個跌幅也不可謂不驚人。

　　如果再推遠一點，以2022年底的收市價86.8元計，過去一年多，友邦股價跌了四成多。我知道，由於友邦一向被喻為最穩陣的藍籌之一，不少投資者就是眼看友邦股價夠硬淨，有一定抗跌力，所以夠膽在相對高位的時候買入。即是說，在80元，甚至90元以上買入的，也大有人在。

友邦股價向來以穩陣見稱，怎料過去一年多跌了逾四成。（資料圖片）

　　當然，友邦也是我的愛股，而我的姊妹Lucy也深知我對友邦的愛戴和推介，故上周與她碰面時，她就和我談起友邦近期的弱勢。

　　「妳的愛股近期成為弱勢股，到底是甚麼原因呀？我手上也有一點友邦呀！」Lucy問我。

　　「妳是長線投資嗎？」

　　「是短炒變長揸那種呢！」

　　「明白，但我要先旨聲明，我沒有水晶球，也沒有內幕消息，只是從一些公開資料中作分析。但老實說，我也認為友邦這一波跌浪是過分的。嚴格來說，踏入2024年起，友邦的股價就轉弱，但跌勢主要由3月中開始，當時股價大約在65元附近，短短一個月之內，股價拾級而下，一直跌至45.25元低位才喘定！」

　　「對呀，我也是在45元左右的時候才留意到，一個月內跌了三成，真的未見過，所以我被迫長揸了！」Lucy半開玩笑地說。

　　「是的，在我印象中，這也是友邦自2010年上市以來，第一次遭基金這樣狠狠的拋售。但妳問我原因，我只能綜合一點，那就是，在2023年的業績中，友邦的新業務價值利潤率下跌了4.4個百分點，由2022年的57%，下跌至去年的52.6%。」

　　「咦，只下跌了4.4個百分點，不算太厲害呀！」

　　「是的，但友邦的急跌確實由3月中開始，而友邦是在3月14日公布業績的，即是今次的跌勢，很大程度是和業績有關。因此，我就認真地做了點功課，結果發現，如果看兩個最重要的市場，即香港和中國內地，過去一年新業務價值利潤率的跌幅，又確實不止4.4個百分點那麼簡單。」

　　「咦，到底是怎樣呢？」

　　「去年貢獻三成三新業務價值的香港市場（是最大貢獻的市場），新業務價值的利潤率由2022年的69.5%，下跌至去年的57.5%，即下跌了12個百分點！至於中國內地，2022年的新業務價值利潤率也是69.5%，但去年跌至51.3%，跌幅更達18.2個百分點。只不過，因為其他市場的利潤率有所提升，所以，整體數字才滑落4.4個百分點。」

　　「明白，這是反映友邦的生意難做？或者說，要用更多成本才可以做到過去的成績？」

　　「妳可以這樣說，保險市場的競爭激烈，現時都要用很多優惠去吸客。但我想指出的是，除了中國內地市場的利潤率跌幅較明顯外，其實香港市場也不算差，因為2018年是香港生意最好的一年，當時的利潤率也不過62%！而2017年時更只是53.2%，即是比現在還要差。唯一就是中國內地，早年的利潤率確實很高，2019年時曾高達93.5%，以去年的51.3%來說，大跌了42.2個百分點，實在有點誇！這也引起市場對友邦發展中國市場的憂慮。」

　　「就是這麼一個原因，就令友邦股價短短一個月內跌近三成？」（待續）

　　作者電郵：tong_lydia223@yahoo.com.au