08/11/2017 11:45
《古臣周記－古臣》有買貴無貴錯，股王ＱＱ市值撲四萬億
《古臣周記》股王ＱＱ（００７００）破頂，今個星期暫時最高見３９８﹒６銀，市值撲近四萬億，事關公司月中放榜，加上閱文（００７７２）今日掛牌，開市未到半個鐘變紅底之餘，仲高招股價一倍。至於公司持有嘅易鑫（０２８５８）又搞ＩＰＯ，多隻新經濟股熱熱烈烈掛牌上陣，令到孖屐對於新經濟股都好有信心。
＊ＱＱ獨尊，挑戰４００大銀＊
查實香江孖屐入面，無乜邊間上市公司同ＱＱ相似，其他科網股嘅業務，都同ＱＱ不盡相同，所以投資者要集「手遊」、「軟件」、「雲」、「通訊」業務於一身嘅綜合科網企業，就只可以選擇ＱＱ。再講，公司有望成功繼續將手遊收入提升，廣告表現穩健，預計中期股價都會繼續向上挑戰４００蚊，相信呢個睇法亦唔止得阿臣擁有，而當一眾投資者都咁諗嘅時候，ＱＱ股價又豈有不升之理？ 至於長線，觀乎美圖（０１３５７）、眾安在綫（０６０６０）、閱文、易鑫、雷蛇（０１３３７）呢Ｄ新經濟股相繼上市，阿臣認為未來十年，都係科網嘅黃金世代，所以如果大家想博未來十年另一隻騰訊，不妨慢慢從中尋寶。 ＊閱文抽唔中，部署中國中藥＊
講返閱文，由於認購真係太踴躍，抽１００手先穩中１手，所以今次抽新股阿臣就無份。今朝閱文掛牌，睇住閱文高開逾六成，唔計手續費，一手可以賺七千銀，之後更加升過一倍，見１１０銀，阿臣由衷替缸友高興。當然阿臣有ＱＱ都好高興，只係阿臣就唔會高追閱文，至於值唔值得長揸？阿臣對於新股，都傾向等一年先諗長唔長揸，現階段都唔考慮住，當然短炒的話就另作別論。 而阿臣就用現金抽咗一手雷蛇，然後再留Ｄ錢抽三手易鑫，跟住就睇吓夠唔夠運氣抽中啦。至於手上嘅民銀資本（０１１４１）同中海物業（０２６６９），由於近期不屬於強勢板塊，所以阿臣打算用成本價沽走，然後再買少少中國中藥（００５７０）。因為醫藥股近來好炒，而中國中藥仲未上揚，阿臣打算用沽走民銀同中海物業嘅資金，喺４﹒６銀附近買入中國中藥。
表列截至１１月７日止（１１：３０ａｍ）投資組合表現：
股份 股數 買入價 現價 總值 －－－－－－－－－－－－－－－－－－－－－－－－－－－－－－－－－－－－－－－－ 港股： 民銀資本 ２００００股 ０﹒６４元 ０﹒６８元 １３６００元 騰訊 １００股 ３５０﹒００元 ３９４﹒８０元 ３９４８０元 中海物業 ５０００股 １﹒９５元 １﹒９２元 ９６００元
美股： Ｔｅｓｌａ ２股 ３１６美元 ３０６﹒０５美元 ６１２﹒１０美元 ＃（約４７７７港元） 亞馬遜 １股 ９７３美元 １１２３﹒１７美元 １１２３﹒１７美元 ＃（約８７６５港元） －－－－－－－－－－－－－－－－－－－－－－－－－－－－－－－－－－－－－－－－ ＃以美電７﹒８０３７計算
股票市值 ： ７６２２２元 剩餘現金 ： １０１８８元（計及發還閱文認購及扣除抽雷蛇、易鑫連手續費 認購費用） 被扣存雷蛇及易鑫本金： １５７０７元 組合淨值 ： １０２１１７元
組合本月收益表現：＋ ４﹒５％（截至上月底止組合淨值（包括閱文被扣存本金）： ９７７３６元） 組合累計收益表現：＋３６﹒２％（本金７５０００元計）（２０１６年８月開倉）
＊數據截至今日１１：３０ａｍ
＊ＱＱ獨尊，挑戰４００大銀＊
查實香江孖屐入面，無乜邊間上市公司同ＱＱ相似，其他科網股嘅業務，都同ＱＱ不盡相同，所以投資者要集「手遊」、「軟件」、「雲」、「通訊」業務於一身嘅綜合科網企業，就只可以選擇ＱＱ。再講，公司有望成功繼續將手遊收入提升，廣告表現穩健，預計中期股價都會繼續向上挑戰４００蚊，相信呢個睇法亦唔止得阿臣擁有，而當一眾投資者都咁諗嘅時候，ＱＱ股價又豈有不升之理？ 至於長線，觀乎美圖（０１３５７）、眾安在綫（０６０６０）、閱文、易鑫、雷蛇（０１３３７）呢Ｄ新經濟股相繼上市，阿臣認為未來十年，都係科網嘅黃金世代，所以如果大家想博未來十年另一隻騰訊，不妨慢慢從中尋寶。 ＊閱文抽唔中，部署中國中藥＊
講返閱文，由於認購真係太踴躍，抽１００手先穩中１手，所以今次抽新股阿臣就無份。今朝閱文掛牌，睇住閱文高開逾六成，唔計手續費，一手可以賺七千銀，之後更加升過一倍，見１１０銀，阿臣由衷替缸友高興。當然阿臣有ＱＱ都好高興，只係阿臣就唔會高追閱文，至於值唔值得長揸？阿臣對於新股，都傾向等一年先諗長唔長揸，現階段都唔考慮住，當然短炒的話就另作別論。 而阿臣就用現金抽咗一手雷蛇，然後再留Ｄ錢抽三手易鑫，跟住就睇吓夠唔夠運氣抽中啦。至於手上嘅民銀資本（０１１４１）同中海物業（０２６６９），由於近期不屬於強勢板塊，所以阿臣打算用成本價沽走，然後再買少少中國中藥（００５７０）。因為醫藥股近來好炒，而中國中藥仲未上揚，阿臣打算用沽走民銀同中海物業嘅資金，喺４﹒６銀附近買入中國中藥。
表列截至１１月７日止（１１：３０ａｍ）投資組合表現：
股份 股數 買入價 現價 總值 －－－－－－－－－－－－－－－－－－－－－－－－－－－－－－－－－－－－－－－－ 港股： 民銀資本 ２００００股 ０﹒６４元 ０﹒６８元 １３６００元 騰訊 １００股 ３５０﹒００元 ３９４﹒８０元 ３９４８０元 中海物業 ５０００股 １﹒９５元 １﹒９２元 ９６００元
美股： Ｔｅｓｌａ ２股 ３１６美元 ３０６﹒０５美元 ６１２﹒１０美元 ＃（約４７７７港元） 亞馬遜 １股 ９７３美元 １１２３﹒１７美元 １１２３﹒１７美元 ＃（約８７６５港元） －－－－－－－－－－－－－－－－－－－－－－－－－－－－－－－－－－－－－－－－ ＃以美電７﹒８０３７計算
股票市值 ： ７６２２２元 剩餘現金 ： １０１８８元（計及發還閱文認購及扣除抽雷蛇、易鑫連手續費 認購費用） 被扣存雷蛇及易鑫本金： １５７０７元 組合淨值 ： １０２１１７元
組合本月收益表現：＋ ４﹒５％（截至上月底止組合淨值（包括閱文被扣存本金）： ９７７３６元） 組合累計收益表現：＋３６﹒２％（本金７５０００元計）（２０１６年８月開倉）
＊數據截至今日１１：３０ａｍ