24/04/2019 11:35
《古臣周記－古臣》缸友Ｓｅｌｌ ｉｎ Ｍａｙ勝率有幾高？
《古臣周記》長假期返到嚟，數數手指４月又就快過喇，睇返今個４月魚缸多次喺三萬附近上上落落，亦連續第三個星期未能企穩三萬關。過多一個星期就踏入５月，機警嘅缸友都應該會諗起流傳喺魚缸好多年嘅「五窮、六絕、七翻身」啦，上年魚缸就無應驗到呢個傳統，唔知今年５月魚缸走勢會點呢？
＊香江過去十年５月表現兩升八跌＊ 其實香江有嘅「五窮、六絕、七翻身」喺外國一樣有，喺外國佢地就叫「ｓｅｌｌ ｉｎ Ｍａｙ」。呢個理論就認為每年１１月到４月嘅時間係股市升勢最好嘅時期，所以到五月就會沽出手上嘅魚毛，手持「茄殊」到大概十月先再入市。 有研究就試過為「ｓｅｌｌ ｉｎ Ｍａｙ」呢個現象做過解釋，得出嘅結果都幾得意。研究話相關現象其實喺歐洲係特別容易出現嘅，而當中嘅原因好大程度係因為當地魚缸喺進入夏季之後，股市嘅成交同參與都會減少所致，再深入啲去講，原來係有啲Ｔｒａｄｅｒ會因為夏天出去避暑啊！其中有人就觀察到喺花旗國嘅Ｔｒａｄｅｒ普遍都會揀喺勞動節同當地國殤日（５月２７日）之間放假，所以就造就咗相關現象嘅出現喇。 嚟到香江「五窮、六絕、七翻身」嘅現象，亦有人解釋係因為過咗３月嘅業績期之後，大多數企業都會喺５月前除淨，所以過咗業績期之後喺缺乏投資主題同除淨因素之下，都令到交投變得淡靜。及後到１１月到４月嘅時候就因為啲Ｔｒａｄｅｒ要開始「粉飾櫥窗」，加上一般打工仔都會喺呢段期間獲派發花紅，從而就有理由帶動魚缸喺１１月到４月期間上漲。睇嚟５月嘅時侯缸友除咗要留意股價之外，都要睇埋交易量喇！ 阿臣就唔知呢個講法係咪真係咁靈，不過阿臣都有幫大家睇返過去十年魚缸５月嘅表現，發現結果嚇人一跳！過去十年，５月魚缸可以收漲嘅只有兩次，就係前年同２００９年，分別升８８７點同２３０２點，而跌得最甘嘅一次就發生喺２０１２年，嗰年足足大跌２６１５點！不過，阿臣又諗如果缸友信今次係牛市重臨，又睇返２００９年喺金融海嘯之後大升，今年５月或者可以一破呢個魔咒？ 表列過去十年恆生指數５月表現： 年份 ５月頭 ５月底 升╱跌 －－－－－－－－－－－－－－－－－－－－－－－－－－－－－－－－－－ ２０１８ ３０７８２ ３０４６９ － ３１３ ２０１７ ２４７７４ ２５６６１ ＋ ８８７ ２０１６ ２１０６２ ２０１８５ － ２４７ ２０１５ ２８２３１ ２７４２４ － ８０７ ２０１４ ２２１９５ ２３０８２ － ８８７ ２０１３ ２２６９２ ２２３９２ － ３００ ２０１２ ２１２４５ １８６３０ －２６１５ ２０１１ ２３７９５ ２３６８４ － １１１ ２０１０ ２０８００ １９７６５ －１０３５ ２００９ １５８６９ １８１７１ ＋２３０２ －－－－－－－－－－－－－－－－－－－－－－－－－－－－－－－－－－
＊港股三周未穩三萬關，靜待本周花旗國經濟數據＊ 講返阿臣個倉，金界（０３９１８）最近持續有沽壓，但暫時喺十天線（約９﹒８２３元）之間上落，但仍然喺百天線（約９﹒６５４元）嘅位置有支持。阿臣對金界睇法無變，仍然相信佢可以收復所有主要平均線，暫時仍然睇１０﹒５銀嘅位置。 至於另一隻逆向ＥＴＦ就仍然喺低位整固，但星期一（２３日）阿臣就發現到呢隻魚毛突然成交急增，但價格就未有轉變，阿臣可能再觀望未來數周嘅情況如何，再作部署。 魚缸喺三萬點之間唔上唔落，而最近一周成交量亦開始收窄，所以阿臣諗港股短期仍會繼續高位整固為主，喺廿天線（約２９５９８）有支持。今個星期五（２６日）花旗國會公布首季ＧＤＰ，「孖屐」現時估計增長１﹒８巴仙，或者到公布數據之後，魚缸走勢先會有更明顯嘅方向。下星期三係勞動節假期，阿臣會喺當日放假，所以要到５月８日先再同各位缸友見面。
表列截至４月２４日（１１：００ａｍ止）投資組合表現： 股份 股數 平均買入價 現價 總值 －－－－－－－－－－－－－－－－－－－－－－－－－－－－－－－－－－－－－－－－ 港股： 金界 ４０００股 ９﹒６５元 ９﹒９３元 ３９７２０元 ＦＩ南方恆指 １０００股 ５﹒０５元 ５﹒１０元 ５１００元 －－－－－－－－－－－－－－－－－－－－－－－－－－－－－－－－－－－－－－－－ 股票市值 ： ４４８２０元 剩餘現金 ：１０１６４４元 組合淨值 ：１４６４６４元 組合本月收益表現： ＋ ０﹒７４％（截至上月底止組合淨值：１４５３８９元） 組合累計收益表現： ＋ ３９﹒４９％（本金１０５０００元計）（２０１６年８月開倉） ＊數據截至今日１１：００ａｍ
＊香江過去十年５月表現兩升八跌＊ 其實香江有嘅「五窮、六絕、七翻身」喺外國一樣有，喺外國佢地就叫「ｓｅｌｌ ｉｎ Ｍａｙ」。呢個理論就認為每年１１月到４月嘅時間係股市升勢最好嘅時期，所以到五月就會沽出手上嘅魚毛，手持「茄殊」到大概十月先再入市。 有研究就試過為「ｓｅｌｌ ｉｎ Ｍａｙ」呢個現象做過解釋，得出嘅結果都幾得意。研究話相關現象其實喺歐洲係特別容易出現嘅，而當中嘅原因好大程度係因為當地魚缸喺進入夏季之後，股市嘅成交同參與都會減少所致，再深入啲去講，原來係有啲Ｔｒａｄｅｒ會因為夏天出去避暑啊！其中有人就觀察到喺花旗國嘅Ｔｒａｄｅｒ普遍都會揀喺勞動節同當地國殤日（５月２７日）之間放假，所以就造就咗相關現象嘅出現喇。 嚟到香江「五窮、六絕、七翻身」嘅現象，亦有人解釋係因為過咗３月嘅業績期之後，大多數企業都會喺５月前除淨，所以過咗業績期之後喺缺乏投資主題同除淨因素之下，都令到交投變得淡靜。及後到１１月到４月嘅時候就因為啲Ｔｒａｄｅｒ要開始「粉飾櫥窗」，加上一般打工仔都會喺呢段期間獲派發花紅，從而就有理由帶動魚缸喺１１月到４月期間上漲。睇嚟５月嘅時侯缸友除咗要留意股價之外，都要睇埋交易量喇！ 阿臣就唔知呢個講法係咪真係咁靈，不過阿臣都有幫大家睇返過去十年魚缸５月嘅表現，發現結果嚇人一跳！過去十年，５月魚缸可以收漲嘅只有兩次，就係前年同２００９年，分別升８８７點同２３０２點，而跌得最甘嘅一次就發生喺２０１２年，嗰年足足大跌２６１５點！不過，阿臣又諗如果缸友信今次係牛市重臨，又睇返２００９年喺金融海嘯之後大升，今年５月或者可以一破呢個魔咒？ 表列過去十年恆生指數５月表現： 年份 ５月頭 ５月底 升╱跌 －－－－－－－－－－－－－－－－－－－－－－－－－－－－－－－－－－ ２０１８ ３０７８２ ３０４６９ － ３１３ ２０１７ ２４７７４ ２５６６１ ＋ ８８７ ２０１６ ２１０６２ ２０１８５ － ２４７ ２０１５ ２８２３１ ２７４２４ － ８０７ ２０１４ ２２１９５ ２３０８２ － ８８７ ２０１３ ２２６９２ ２２３９２ － ３００ ２０１２ ２１２４５ １８６３０ －２６１５ ２０１１ ２３７９５ ２３６８４ － １１１ ２０１０ ２０８００ １９７６５ －１０３５ ２００９ １５８６９ １８１７１ ＋２３０２ －－－－－－－－－－－－－－－－－－－－－－－－－－－－－－－－－－
＊港股三周未穩三萬關，靜待本周花旗國經濟數據＊ 講返阿臣個倉，金界（０３９１８）最近持續有沽壓，但暫時喺十天線（約９﹒８２３元）之間上落，但仍然喺百天線（約９﹒６５４元）嘅位置有支持。阿臣對金界睇法無變，仍然相信佢可以收復所有主要平均線，暫時仍然睇１０﹒５銀嘅位置。 至於另一隻逆向ＥＴＦ就仍然喺低位整固，但星期一（２３日）阿臣就發現到呢隻魚毛突然成交急增，但價格就未有轉變，阿臣可能再觀望未來數周嘅情況如何，再作部署。 魚缸喺三萬點之間唔上唔落，而最近一周成交量亦開始收窄，所以阿臣諗港股短期仍會繼續高位整固為主，喺廿天線（約２９５９８）有支持。今個星期五（２６日）花旗國會公布首季ＧＤＰ，「孖屐」現時估計增長１﹒８巴仙，或者到公布數據之後，魚缸走勢先會有更明顯嘅方向。下星期三係勞動節假期，阿臣會喺當日放假，所以要到５月８日先再同各位缸友見面。
表列截至４月２４日（１１：００ａｍ止）投資組合表現： 股份 股數 平均買入價 現價 總值 －－－－－－－－－－－－－－－－－－－－－－－－－－－－－－－－－－－－－－－－ 港股： 金界 ４０００股 ９﹒６５元 ９﹒９３元 ３９７２０元 ＦＩ南方恆指 １０００股 ５﹒０５元 ５﹒１０元 ５１００元 －－－－－－－－－－－－－－－－－－－－－－－－－－－－－－－－－－－－－－－－ 股票市值 ： ４４８２０元 剩餘現金 ：１０１６４４元 組合淨值 ：１４６４６４元 組合本月收益表現： ＋ ０﹒７４％（截至上月底止組合淨值：１４５３８９元） 組合累計收益表現： ＋ ３９﹒４９％（本金１０５０００元計）（２０１６年８月開倉） ＊數據截至今日１１：００ａｍ