超人李嘉誠喺每半年一次嘅長和系表派成績表會，經常有金句
爆出，上次個句對將軍澳發表「心曠神怡」論，仍然叫人刻骨銘心，所以今次對記招都好有期待
。
　　不過，超人今日就非常小心審慎，無乜金句爆出，好多敏感問題都唔肯答，一談到政治有關
嘅嘢就立即封口，因為佢話唔想畀人拎來做報紙頭條喎。
　　連問下佢想唔想係有份投資嘅Ｆａｃｅｂｏｏｋ，可以畀廣大內地同胞用到都唔肯答。咁唔
講敏感嘢，問下超人有冇係Ｆａｃｅｂｏｏｋ開戶都好吖，記者朋友可能有興趣ａｄｄ一ａｄｄ
佢。
　　自認緊貼科技潮流嘅超人話，唔敢開Ｆａｃｅｂｏｏｋ戶口喎？點解，因為驚被人「點擊到
爆」。
　　超人果然好清楚自己魅力有幾大，不過，若果佢有戶口的話，可以做生招牌啦，相信香港地
大部分人都有興趣同佢做朋友，咁Ｆａｃｅｂｏｏｋ流量自然增加，生意都好好多。

《經濟通通訊社３０日專訊》

【你點睇】政府宣布10項短期控煙措施，你是否支持？「火車頭」問題未有規管，你接唔接受？► 立即投票