12/02/2016 17:30
《小傳日記》外圍暗無光，馬騮戲魚缸；開年兩連跌，跌到心慌慌！
歐洲錢莊危機四伏，花旗國道指周四（１１日）試過跌逾４００點，好在傳出油組可能減產，令跌幅收窄返ＤＤ。今日日股插７６０點，跌近半成，而人蔘國創業板更暴瀉
８％觸發熔斷。外圍魚缸「此情此景」，香江亦難以獨善其身。今日一開跑，大市已直插２６７點低見１８２７８，再創２０１２年６月以來最低；之後好似有番啲力水，跌幅一度收窄至唔夠１００點，但午後又再插過。結果，恒指埋單唔見２２６點，報１８３１９。國貨佬唔好得去邊
，亦瞓低１５２點，收報７５０５。
今日主板成交只得６６０億銀，比噚日再少啲。Ａ場就要到星期一（１５日）先開市，睇嚟成交要到時至會旺返。
總結呢個星期，放完農曆新年長假只有兩個交易日，但送走「傷心羊羊」後都未能迎來「金猴」；恒指累計暴瀉９６８點或５巴仙，國指則蒸發５４９點或近７巴仙。可憐𢭃利事發新年財「好夢成空」之餘，仲要輸個凸！
＊缸邊太凶險不如速速閃，新年過大海賭仔高一線＊
新年新氣象，唔少神州人都會趁住大假去馬交旅行，除咗睇歷史建築同食葡撻之外，仲可以入賭場試試手氣！年廿九至年初三（７日至１０日），大概多咗７巴仙神州旅客去馬交玩，賭仔大佬銀娛（０００２７）心情好，向前邁進逾３巴仙，報２３﹒２５，藍戰士排名第一；金沙
（０１９２８）就話整體生意好過預期，同樣跟上２巴仙，報２４﹒７５；永利澳門
（０１１２８）第四季純利大跌超過一半，不過仍然被大行睇好，彈上近４巴仙，報７﹒７７銀
。
油價繼續沉，減產傳聞滿天飛，但係實際行動就遲遲未見。不過，三桶油仍然夠畀面，中海油（００８８３）、中石化（００３８６）同中石油（００８５７）分別升咗０﹒４至０﹒７巴仙，報７﹒４８銀、４﹒１２銀同４﹒５銀；昆能（００１３５）最興奮，跑上逾２巴仙，報
５﹒８４銀。
＊油價繼續沉三桶先起勁，寶哥哥放榜奈何無力衝＊
東亞（０００２３）下周一放榜，揭開錢莊業績期序幕，不過孖屐預料成績唔會好睇得去邊
。之前有對沖基金敦促賣盤，東亞今日仍然有支撐，只係輕輕跌咗唔夠１巴仙，報２２﹒５５銀
；至於大笨象（００００５）早前話要凍薪，員工情緒極低落，惟有宣布取消凍薪，大摩更發力唱衰，話最差情況，隨時要跌到得番３８銀！缸友拋貨潮仍然繼續，結果全日散走近３巴仙，報４８﹒１銀。渣打（０２８８８）同樣無運行，再碌３巴仙，得番４４﹒６５銀，４０大關都嚟緊！缸邊傳聞，油元狂沽國際銀行。唉！
魚缸無肉食，一眾內險股都無乜生氣，大佬平保（０２３１８）跌低逾４巴仙，報３０﹒６銀；另一大佬國壽（０２６２８）尋底無回頭，再潛近１巴仙，報１６﹒３２銀；財險
（０２３２８）有瑞信唱好，但係一樣無補於事，瀉走咗近５巴仙，報１１﹒３２銀。
藍戰士中最慘情就係恒安（０１０４４），上日裂口跌接近６巴仙，今日再嚟多鑊，全日飛插５巴仙，報６２﹒３５銀，曾創超過三年新低。
＊保保再尋底恒安更閉翳，跌市避難所公用見氣勢＊
魚缸一片風聲鶴唳，缸友紛紛湧入避難所，公共事業板塊化身盾牌抵禦「大熊」。長江基建
（０１０３８）跑上超過２巴仙，報７６﹒０５銀，一度破頂高見７６﹒６銀；３號仔煤氣
（００００３）同６號仔電能（００００６）都有追捧，齊齊邁前接近２巴仙，報１３﹒６６銀同７２﹒０５銀。
另外一個避險重鎮就係金銀，金價一日內飆高逾５巴仙，創七年嚟最大升幅，金股水漲船高
，國際資源（０１０５１）衝前近９巴仙，全日收報０﹒１９７銀；招金（０１８１８）連升三日，飛上近５巴仙，收報５﹒３２銀；中國黃金（０２０９９）、價值黃金（０３０８１）同靈寶（０３３３０）紛紛開心行前約３巴仙。
至於金舖終見升價嘅一日，更加興奮，六福（００５９０）、周大福（０１９２９）同周生生（００１１６）分別爆上６巴仙至超過９巴仙。
＊金股與金舖金光閃呀閃，摩摩執執位有苦有蜜餞＊
ＭＳＣＩ又嚟大執位，今個月２９日收市後生效。獅城上市嘅怡和加入香江指數大家庭；而被點名股權高度集中嘅高銀地產（００２８３）同博華（０１０７６）就畀神州指數踢走，碌低大約８巴仙，報３﹒６４同０﹒１５１銀。恒大健康（００７０８）痛失香江小型股指地位，足足插咗逾１４巴仙，報１﹒２６銀。江南（０１３６６）、順風清潔（０１１６５）等１３隻亦遭剔除於神州小型股指，兩個瞓低近２巴仙同近３巴仙，得返１﹒０３銀同１﹒０３銀。
華人飲食（０８２７２）打算買位於灣仔嘅米芝蓮意大利餐廳，但呢餐唔係人人啱食，趴低超過３６巴仙，得番０﹒２８銀，仲係全日最差魚仔。瀛晟娛樂（００２０９）先前想配股畀主席等但唔獲批，瀉逾２４巴仙，報０﹒２９５銀。雋泰（００６３０）「二供一」今日除權，逆流衝上超過１４巴仙，報０﹒３３５銀；但都唔夠偉俊集團（０１０１３）勁，飆高逾３５巴仙
，埋單０﹒０５銀。假期愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性
本文只供參考之用，並不構成要約、招攬或邀請、誘使、任何不論種類或形式
之申述或訂立任何建議及推薦，讀者務請運用個人獨立思考能力自行作出投資
決定，如因相關建議招致損失，概與《經濟通》、編者及作者無涉。
８％觸發熔斷。外圍魚缸「此情此景」，香江亦難以獨善其身。今日一開跑，大市已直插２６７點低見１８２７８，再創２０１２年６月以來最低；之後好似有番啲力水，跌幅一度收窄至唔夠１００點，但午後又再插過。結果，恒指埋單唔見２２６點，報１８３１９。國貨佬唔好得去邊
，亦瞓低１５２點，收報７５０５。
今日主板成交只得６６０億銀，比噚日再少啲。Ａ場就要到星期一（１５日）先開市，睇嚟成交要到時至會旺返。
總結呢個星期，放完農曆新年長假只有兩個交易日，但送走「傷心羊羊」後都未能迎來「金猴」；恒指累計暴瀉９６８點或５巴仙，國指則蒸發５４９點或近７巴仙。可憐𢭃利事發新年財「好夢成空」之餘，仲要輸個凸！
＊缸邊太凶險不如速速閃，新年過大海賭仔高一線＊
新年新氣象，唔少神州人都會趁住大假去馬交旅行，除咗睇歷史建築同食葡撻之外，仲可以入賭場試試手氣！年廿九至年初三（７日至１０日），大概多咗７巴仙神州旅客去馬交玩，賭仔大佬銀娛（０００２７）心情好，向前邁進逾３巴仙，報２３﹒２５，藍戰士排名第一；金沙
（０１９２８）就話整體生意好過預期，同樣跟上２巴仙，報２４﹒７５；永利澳門
（０１１２８）第四季純利大跌超過一半，不過仍然被大行睇好，彈上近４巴仙，報７﹒７７銀
。
油價繼續沉，減產傳聞滿天飛，但係實際行動就遲遲未見。不過，三桶油仍然夠畀面，中海油（００８８３）、中石化（００３８６）同中石油（００８５７）分別升咗０﹒４至０﹒７巴仙，報７﹒４８銀、４﹒１２銀同４﹒５銀；昆能（００１３５）最興奮，跑上逾２巴仙，報
５﹒８４銀。
＊油價繼續沉三桶先起勁，寶哥哥放榜奈何無力衝＊
東亞（０００２３）下周一放榜，揭開錢莊業績期序幕，不過孖屐預料成績唔會好睇得去邊
。之前有對沖基金敦促賣盤，東亞今日仍然有支撐，只係輕輕跌咗唔夠１巴仙，報２２﹒５５銀
；至於大笨象（００００５）早前話要凍薪，員工情緒極低落，惟有宣布取消凍薪，大摩更發力唱衰，話最差情況，隨時要跌到得番３８銀！缸友拋貨潮仍然繼續，結果全日散走近３巴仙，報４８﹒１銀。渣打（０２８８８）同樣無運行，再碌３巴仙，得番４４﹒６５銀，４０大關都嚟緊！缸邊傳聞，油元狂沽國際銀行。唉！
魚缸無肉食，一眾內險股都無乜生氣，大佬平保（０２３１８）跌低逾４巴仙，報３０﹒６銀；另一大佬國壽（０２６２８）尋底無回頭，再潛近１巴仙，報１６﹒３２銀；財險
（０２３２８）有瑞信唱好，但係一樣無補於事，瀉走咗近５巴仙，報１１﹒３２銀。
藍戰士中最慘情就係恒安（０１０４４），上日裂口跌接近６巴仙，今日再嚟多鑊，全日飛插５巴仙，報６２﹒３５銀，曾創超過三年新低。
＊保保再尋底恒安更閉翳，跌市避難所公用見氣勢＊
魚缸一片風聲鶴唳，缸友紛紛湧入避難所，公共事業板塊化身盾牌抵禦「大熊」。長江基建
（０１０３８）跑上超過２巴仙，報７６﹒０５銀，一度破頂高見７６﹒６銀；３號仔煤氣
（００００３）同６號仔電能（００００６）都有追捧，齊齊邁前接近２巴仙，報１３﹒６６銀同７２﹒０５銀。
另外一個避險重鎮就係金銀，金價一日內飆高逾５巴仙，創七年嚟最大升幅，金股水漲船高
，國際資源（０１０５１）衝前近９巴仙，全日收報０﹒１９７銀；招金（０１８１８）連升三日，飛上近５巴仙，收報５﹒３２銀；中國黃金（０２０９９）、價值黃金（０３０８１）同靈寶（０３３３０）紛紛開心行前約３巴仙。
至於金舖終見升價嘅一日，更加興奮，六福（００５９０）、周大福（０１９２９）同周生生（００１１６）分別爆上６巴仙至超過９巴仙。
＊金股與金舖金光閃呀閃，摩摩執執位有苦有蜜餞＊
ＭＳＣＩ又嚟大執位，今個月２９日收市後生效。獅城上市嘅怡和加入香江指數大家庭；而被點名股權高度集中嘅高銀地產（００２８３）同博華（０１０７６）就畀神州指數踢走，碌低大約８巴仙，報３﹒６４同０﹒１５１銀。恒大健康（００７０８）痛失香江小型股指地位，足足插咗逾１４巴仙，報１﹒２６銀。江南（０１３６６）、順風清潔（０１１６５）等１３隻亦遭剔除於神州小型股指，兩個瞓低近２巴仙同近３巴仙，得返１﹒０３銀同１﹒０３銀。
華人飲食（０８２７２）打算買位於灣仔嘅米芝蓮意大利餐廳，但呢餐唔係人人啱食，趴低超過３６巴仙，得番０﹒２８銀，仲係全日最差魚仔。瀛晟娛樂（００２０９）先前想配股畀主席等但唔獲批，瀉逾２４巴仙，報０﹒２９５銀。雋泰（００６３０）「二供一」今日除權，逆流衝上超過１４巴仙，報０﹒３３５銀；但都唔夠偉俊集團（０１０１３）勁，飆高逾３５巴仙
，埋單０﹒０５銀。假期愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性
本文只供參考之用，並不構成要約、招攬或邀請、誘使、任何不論種類或形式
之申述或訂立任何建議及推薦，讀者務請運用個人獨立思考能力自行作出投資
決定，如因相關建議招致損失，概與《經濟通》、編者及作者無涉。
【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動