話說滄港鐵路(02169)今日(16日)一度炒高九成，股價幾耐未見過有起色，今日確實醒神！公司亦公布業績截至2023年12月31日止全年純利5897.8萬元人民幣，按年跌13.4%；每股基本盈利6分，派末期息0.6分。不過集團期內取得收益3.49億元人民幣，增4.68%。
　　自從疫情之後飛機股、油股一路炒高，到復常之後開始到一般物流有起色，其實鐵路股一直都有穩定增長，所以大家都炒緊下年會唔會再有爆炸性反彈。值得關注就係，公告稱，收益增加主要由於雖然鐵路貨運收益減少2520萬元，但輔助業務收益卻增加了4080萬元。
　　睇睇券商點講！福證券指出，鐵路、公路、港口，穩健盈利，安全邊際較高。鐵路、公路、港口均屬於重資產行業，具有區域壟斷性，盈利水平普遍較高；因相對弱周期，且運價不同程度受相關政府部門管控，盈利穩定性普遍較強，奠定高分紅基礎。
　　如果有興趣，可以現價買入，畢竟比起高位13蚊，現價真係屬於低水之作，未必炒一轉咁簡單，留意返股價曾經拆細，所以睇圖表要自己計返數！

《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】政府宣布垃圾徵費暫緩，未來將繼續推廣回收及減廢，你認為幾時先係垃圾徵費嘅時機？► 立即投票