最近QQ(00700)剛剛公布業績，純利為1882.43人民幣，按年跌16.3%；每股基本盈利19.757人民幣；派末期股息2.4港元，按年增50%。按非國際財務報告準則計，全年盈利為1156.49億人民幣，按年跌6.6%；非國際財務報告準則每股盈利12.138人民幣。期內收入5545.52億人民幣，按年跌1%。
　　其實市場本身預期表現會更差，畢竟內地經歷咁大動盪，守得住已經好好，而今次表現叫好過預期，所以今日股價炒起一輪。
　　另外，一個炒點係，QQ公司表示:「正在投資人工智能能力和雲基礎設施，以擁抱基礎模型的趨勢，未來有可能將生成式AI納入微信和QQ。」即係話CHATGPT類似的AI人工智能會即將融入係WECHAT，咁變相佢個功能又強大，可能都係炒起原因。
　　高盛發表研究報告指，騰訊　(00700)去年第四季收入優於該行預期，線上廣告收入增長亦優於該行增長，受惠益於有利的收入結構和持續的成本控制，預計今年或會繼續幫助帶動公司利潤率，將公司目標價由434元上調至447元，維持「買入」評級。
　　睇返圖表，QQ其實已經連升三日，反映已經有春江鴨進場，現價入貨都唔算太貴，預計第一關目標可能係400蚊！呢次升幅可能係第二浪，不過建議短炒為主。

《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】政府宣布垃圾徵費暫緩，未來將繼續推廣回收及減廢，你認為幾時先係垃圾徵費嘅時機？► 立即投票