魚缸上日插穿２３８００「殺牛」後，今日（２０日）反彈，一度升近百五點，但係逼近２４０００即告回軟。好友唔敢冒進，皆因北韓肥仔恩同花旗國侵侵仍然口硬，東北亞政局危機依然；歐洲方面，法蘭西周日（２３日）舉行大選，誰人上場將左右資金流向。睇定Ｄ，係醒Ｄ。
　　缸友唔炒市，自然搵Ｄ個股嚟炒，博客吼緊隻中海外（００６８８），其將於聽日（２１日）公布第一季業績，按此前公布今年首季累計合約物業銷售５７１﹒６２億銀，按年增長
４５巴仙，首季份成績表應該幾好睇。中海外物業項目分散全國各地，一二線城市受累阿爺樓市打壓，三四線地區亦有良好增長，未來業績仍有保證。
　　中海外股價今年大大跑輸潤地（０１１０９）、Ｂｉｇ貴園（０２００７），目前預期ＰＥ只有６﹒１倍，平過不少同業。隻股今日見跌，暫守在百天線（２２﹒８３銀）水平；午後若沒有異動，可以在此水平入貨，博炒業績，可守可攻，初步目標２４至２５銀。

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

etnet榮獲HKEX Awards 2023 「最佳表現證券數據供應商」大獎► 了解詳情