如果有打開機嘅朋友仔，應該都知道呢一年啲Ram加價加到癲左，博客一年前搵悠二砌部新機（當然無禮物俾我），整一條DDR5嘅16GX2 RAM都係一千蚊鬆小小，而家已經加價加到2500蚊，一年間足足升一倍幾有多。

　　博客慶幸自己砌機砌得早，買顯卡買RAM都係低水時候買，歸根究底，都係因為AI需求大增出事。因為而家DDR5 6000-8000要搭配高階顯卡先跑到AI，廠家已經放棄生產DDR4平價系列，全部產能送晒俾DDR5，搞到而家DDR4又貴，DDR5又貴。

　　估計呢種情況仲會維持到2026年。同朋友仔解釋下，其實跑AI模型，GPU(顯卡)同RAM(記憶體)係一個兄弟搭配，你要用高階顯卡跑模型，就必須要搭載高階記憶體去幫GPU跑，兩者配合先可以做到快速資料輸出。而記憶體係決定「你可以跑幾大個AI模型同幾快數據」，顯卡就係決定「你跑模型速度有幾快」。
　　
　　例如顯卡嘅強大算力依賴記憶體提供持續、高速的資料流，如果記憶體容量不足（倉庫太小），就無辦法一次加載足夠數據，導致顯卡頻繁等待；如果記憶體頻寬不足（物流太慢），顯卡就會「吃不飽」，算力再高也無法全力運轉。

　　其實廠商要賺錢，都唔難理解，但你要點賺錢都好，都要照顧下班機迷，如果唔係下下砌部新機都要一皮，不如買部PS5算啦。

《編者按》本欄搜羅即市傳聞，惟消息未經證實，《經濟通》亦不保證內容之準確性。

樂本健【年度感謝祭】維柏健及natural Factors全線2件7折► 了解詳情