股票唔可以亂買，錢更唔可以亂洗。博客講嘅洗錢，係「洗黑錢」咁解，唔好使錢。如果大財主洗錢，就更加危險喇，因為唔單止會比人查，甚至連盤生意嘅日常運作都會被影響埋！
　　渣打（０２８８８）就宣布，之前紐約分行反洗錢交易監測系統不足，依家同紐約金融局和解，願意付３億美金比紐約金融局作為民事罰款，同時渣打會對金融局委任嘅獨立合規監察員任期延長兩年，今次呢個鑊真係非一朝一夕就能解決。唔止咁，協議裏面仲包埋限制紐約嘅渣打向香港小型企業客提供結算服務，所以公司要暫停幫部份小型公司客做美元結算，公司話而家只有幾百名客戶受影響，唔係佔大比例。
　　雖然講係咁講，但公司既然引起咗監管機構嘅注意，日後就會陸續傳出同調查進度有關嘅新聞，多多少少影響公司嘅股價。依家隻股份已經喺１５８嘅水平橫行咗成兩個月，可見買盤都唔積極，大家都抱觀望嘅心，缸友如果想入貨，都係忍下手，睇下劇情發展成點先再算。

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇