經歷成個月有多，孖屐對貿易戰嘅擔憂暫時舒緩落嚟，事關暫時未有新進展出現，所以缸友都無咁緊張，魚缸暫時都穩定番Ｄ。不過貿易戰一日未結束，大市都好難可以大升，缸友只能夠繼續炒股不炒市！
　　同缸友生活密不可分嘅香港寬頻（０１３１０）公布，截至２月底止中期純利２﹒４１億銀，按年增長４﹒２倍，每股基本盈利２４﹒１仙，中期息每股２６仙，增加１８巴仙。
　　公司收益增長２２巴仙，經調整自由現金流增２４巴仙。公司嘅四合一服務組合策略成功，住宅收益增長１７巴仙，每月客戶流失率亦保持低位。除咗住宅客，公司客方面亦有良好收益收長，達１９巴仙，ＡＲＰＵ亦不斷提升。
　　公司整體業務表現咁好，難怪今日創新高，高見１１﹒０４銀！行政總裁楊主光透露咗，大部分主任以上級別員工均投資於公司股票，令員工利益同公司利益掛勾，等管理層都積極為公司謀福利。摩通大升他屐兩成到１２銀，評級「掃貨」。不過近期公司受到黑客事件影響，短期亦可能受制於大市有Ｄ沽壓，所以缸友可以等等，喺１０﹒５銀左右買入，靜待股價再創新高！　　　

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇