《笑傲缸湖》侵侵（特朗普）可算係史上最有錢嘅花旗國總統，本身已經擁有大量嘅磚頭作投資。大家又知唔知，侵侵除咗磚頭多茄殊多，原來連網絡域名都有一大籮！　　侵侵要咁多網絡域名做咩？原來早就係為咗做總統鋪路。做總統，當然要打響好多宣傳口號，為咗等人容易記得啲口號，侵侵率先喺２０１５年買咗ＭａｋｅＡｍｅｒｉｃａＧｒｅａｔＡｇａｉｎ﹒ｖｏｔｅ和ＭａｋｅＡｍｅｒｉｃａＧｒｅａｔＡｇａｉｎ﹒ｕｓ，兩個月後，佢就宣布參加競選總統，真係準備充足。　　做總統，總唔會順風順水啦！身邊點都有人反對自己當選。想減低反對聲音嘅傳播？侵侵已經有晒應對方案，就係連反對自己嘅網站名都買埋，好似ＴｒｕｍｐＦｒａｕｄ﹒ｏｒｇ、ＴｒｕｍｐＳｃａｍ﹒ｃｏｍ、ＮｏＭｏｒｅＴｒｕｍｐ﹒ｃｏｍ。　　經統計，侵侵宣布參選後，就買入咗９３個網站域名，而埋單一計，侵侵至少擁有３６４３個網站域名！　　至於侵侵第一個網站，就係買於１９９７年１月２０日嘅ＤｏｎａｌｄｊＴｒｕｍｐ﹒ｃｏｍ，而喺２０１４年聖誕，侵侵就買咗一個ＤｏｎａｌｄＴｒｕｍｐＳｕｃｋｓ﹒ｃｏｍ，夠竟點解要喺聖誕節買入呢個域名呢？呢一點盈盈就真係諗唔透啦！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇