《笑傲缸湖》香江打工仔日捱夜捱，成日望放假，過咗復活節假期，望緊下個月就有五一國際勞動節。花旗國嗰邊五一雖然唔係公眾假期，但會有反對「侵侵」（特朗普）移民勞工政策嘅示威，等一班打工仔可以有機會出吓聲。　　探子回報，Ｆａｃｅｂｏｏｋ對員工開綠燈，畀佢哋喺五一嘅時候攞ｔｉｍｅ　ｏｆｆ去參加示威，仲要求公司旗下外判服務商嘅員工，都享有同樣權利。員工未揸定主意去唔去唔緊要，就算到時先決定去，都唔使事先話畀公司知。　　ｆｂ咁做，都係因為不滿侵侵排外嘅政策，對於ｆｂ同好多科技企業嚟講，唔少人材都並非土生土長嘅花旗國人。　　「我哋有責任畀員工舒服地表達意見，同時亦支持佢哋參與國際勞動日，提高對於營造安全同舒適嘅工作環境嘅意識。」　　咁有企業良心嘅ｆｂ係咪好吸引各位搵緊工或者打算轉工嘅朋友呢？盈盈見到ｆｂ喺香江就有２４個職位請緊人，大家不妨一試啦！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》講述被情緒困擾真實個案，情緒病最終如何走出低谷？► 即睇