《笑傲缸湖》東瀛國國家旅遊局（ＪＮＴＯ）公布咗，外地遊客嘅數據，佢哋統計咗今年嘅１至６月，發現結果比上年同期嘅增加５巴仙，達到１６６３萬人次，雖然唔算有大增長，但已經係東瀛國歷史上最好嘅一次成績。　　一向熱愛去東瀛國嘅香江人，今次都唔夠神州勁，成為訪日最多嘅遊客，同比增加１２巴仙達到４５３萬人次，佔整體嘅三成。第二名係越南旅客，近年有錢咗，都去東瀛國揮霍吓，半年增加３０巴仙達到２５萬人次。第三名係泰國客，上升１３巴仙達到６８萬人次。全部都有穩定增長。　　不過除咗神州、越南同泰國嘅遊客人數比較多之外，其他亞洲地區好似泡菜國國民咁，就無去東瀛國得咁多，半年只喺得３８６萬人次，比上年同期縮水咗４巴仙，喺自２０１４年以來首次少去咗。唔單止泡菜國國民去厭咗，連寶島人同香江人可能都食厭咗壽司，半年遊日人數減少咗１巴仙。　　東瀛國又唔使咁擔心住，除咗上面提及嘅三個地區有跌幅，其餘嘅２０個主要國家同地區旅客持續有增長。與此同時，東瀛國國家旅遊局都發布咗６月單月訪日遊客人數為２８８萬人次，較上年同期增加７巴仙。而喺６月份，雖然泡菜國同東瀛國有牙齒印，但泡菜國民去東瀛國玩嘅人數都多咗１巴仙，達到６１萬人次，差唔多喺泰國客去東瀛國嘅半年人數一樣！　　喺今年第二季度，即喺４至６月，訪日遊客數量為８５８萬人次，旅遊消費額達到１﹒２８１萬億日圓（約９２９﹒１３億港紙），係９年嚟東瀛國開始統計訪日遊客消費額以來，歷史最高嘅季度數據，有賴推高消費嘅神州客，佢哋嘅消費能力一向突出同驚人。雖然神州近日公布次季ＧＤＰ增長放慢，為１９９２年有統計以來最低，但睇嚟經濟無咁好都無阻神州旅客嘅心情，人就喺要識享受嘛！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

WoW WoW星期三：健康網購產品低至半價 (只限今天)► 火速行動