《笑傲缸湖》今年一個疫情，搞到大家最後大部分時件都留係屋企Ｈｏｍｅ　Ｏｆｆｉｃｅ，連大型網站９Ｇａｇ喺香江個Ｏｆｆｉｃｅ都話唔租要遷出，因為租貴而且大家留係屋企做嘢都無傷大雅咁，唔通以後呢個風氣都會持續？　　剛剛好臉書（ｆｂ）創辦人朱克柏格都話，係未來５到１０年，ｆｂ可能有一半員工會長期在家工作，假如員工要般去第二個城市就要提前通知，因為人工會因為居住地區而再作調整，所以ｆｂ打算將Ｈｏｍｅ　Ｏｆｆｉｃｅ常態化。　　點解會咁呢？因為ｆｂ發現，有一半留家工作嘅員工，佢地嘅工作效率同留返Ｏｆｆｉｃｅ係無分別，而有四成人表示對留係屋企工作感到興趣，因為到時就可以搬去自己理想嘅城市居住，唔一定留喺矽谷啦！　　不過，可以Ｈｏｍｅ　Ｏｆｆｉｃｅ嘅人唔係個個都得，ｆｂ都定咗個準則，就係資歷深、表現優異之餘，重要主管老細認可先有機會，所以新入職就一定無機啦！其實，好多科技公司已經支持員工在家辦公，好似谷歌、推特等等，而且谷歌採取輪流方式，等唔同性質崗位嘅員工可以分階段返公司，節省資源。　　不過，有人支持就有人反對，好似微軟就唔多Ｂｕｙ呢套，微軟總額納德拉就話，長期喺屋企工作，會影響公司文化，班員工之間無互動的話都會影響心理健康，造成負面影響。盈盈覺得幾有道理，一大班同事係公司吹下水又快收工，畢竟人類都係社交動物，點都要見下面！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇