《笑傲缸湖》係人都知道侵侵言行出位，自從今年一月國會山莊衝擊事件後，就俾各大分社交媒體封殺帳戶，美國前總統侵侵前日就宣布，要成立自家新社群平台Ｔｒｕｔｈ　Ｓｏｃｉａｌ，仲計畫將自己嘅媒體公司同ＤＷＡＣ合併借殼上市，令ＤＷＡＣ股價尋晚一度爆４倍！　　　侵侵人氣真係唔話得，數據顯示散戶係推動股價上漲嘅大功臣！ＤＷＡＣ周四收盤暴漲３５６﹒８３％咁多，去到每股　４５﹒５０　美元，觸發咗幾次熔斷暫停交易！社群媒體嘅散戶投資人推動股票爆升，根據分析平台Ｑｕｉｖｅｒ　Ｑｕａｎｔｉｔａｔｉｖｅ　，ＤＷＡＣ　當天亦都喺Ｒｅｄｄｉｔ嘅　ＷａｌｌＳｔｒｅｅｔＢｅｔｓ論壇中躋身十大最受歡迎關鍵字之列，提及次數仲多過迷因股　ＧａｍｅＳｔｏｐ（ＧＭＥ－ＵＳ）啊！　　特朗普新成立嘅媒體公司「川普媒體科技集團」星期三就發布新聞稿，話即將推出社交平台　Ｔｒｕｔｈ　Ｓｏｃｉａｌ，而ＴＭＴＧ借殼上市後，最初企業價值為８﹒７５億美元，另外加上併購後盈利結算嘅　８﹒２５億美元，總計估值高達１７億美元咁多，消息一出，ＤＷＡＣ更為美股星期四交易日當天喺富達股票平台，交易最活躍嘅股票，買入與賣出嘅比例接近３比１，ＦａｃｔＳｅｔ數據顯示，截至午盤交易，ＤＷＡＣ股票已轉手超過４﹒７億股！個個都十分睇好參參東山再起，睇來參參真係好受歡迎！　　而ＤＷＡＣ執行長Ｐａｔｒｉｃｋ　Ｏｒｌａｎｄｏ就話，ＴＭＴＧ係實現目標最有潛力嘅合作夥伴，又覺得侵侵以往喺Ｔｗｉｔｔｅｒ有大量嘅追隨者，好有價值，除社交平台外，侵侵亦有意推出，由ＤＷＡＣ同ＴＭＴＧ兩者合作籌備一個類似Ｎｅｔｆｌｉｘ嘅訂閱制影片平台！睇來侵侵真係要回歸社交平台啦！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇