16/01/2019 17:54
《小傳日記》脫歐再遇滑鐵盧，好友戰意卻甚濃！
《小傳日記》米字國脫歐唔成「孖屐」都預咗，但首相梅姨（文翠珊）就要面對在野工黨嘅不信任動議，英鎊兌美元走勢反反覆覆，現時脫歐去向未明，環球股市再現暗湧，隔晚花旗國嗰邊嘅投資者都比之前相對審慎，但因為受昨日神州憧憬會推出更多經濟措施影響，道指收高１５５點報２４０６５點；標指數漲２７點報２６１０點；納指升１１７點報７０２３點。 返嚟香江呢邊，噚日嚟個報復式反彈之後都要回吐部分升幅，加上本地部分魚毛喺米字國同歐元區都有生意，今日表現都係反反覆覆，觀望氣氛濃厚，今朝恆指低開１２７點開報２６７０２點，未幾跌幅一度擴大到２６２點，見全日低位２６５６７點，其後走勢都係反反覆覆時升時跌。不過，好彩嘅係中港磚頭佬有追捧，魚缸晏晝最多反彈７３點，全日高見２６９０３點，暫時係今月高位，最終全日收報２６９０２點，升７１點或唔足半巴仙。主板成交８７４﹒７３億元，比上日少近２巴仙，國貨方面收報１０５５５，升５２點或半巴仙。 上證走勢牛皮，全日收報２５７０，升不足１點，成交１２６８﹒７６億元人仔。
＊軟脫歐未果長建未驚過，中移獲睇好股價卻回吐＊ 軟脫歐失敗「孖屐」都預咗，上晝相關魚毛都跌咗一浸，不過下晝返嚟英磅升返啲，相關魚毛就開始有買盤吸納，其中喺米字國做公用事業嘅長建（０１０３８）就升近１巴仙，收報６１﹒３銀，同系長和（００００１）就彈起近半巴仙，收報７８﹒５５銀，大象（００００５）微漲５毫，報６５﹒１５銀；而過氣股王思捷環球（００３３０）就升近３巴仙，報１﹒６４銀；普拉達（０１９１３）升３巴仙，報２３﹒４銀；新秀麗（０１９１０）同歐舒丹（００９７３）就分別跌１巴仙同近２巴仙，分別報２３﹒９銀同１４﹒１６銀。 大隻藍戰士今日都跟住魚缸呆呆滯滯，ＱＱ（００７００）力守３３０關口彈１蚊收報３３１蚊，ＡＩＡ（０１２９９）升兩格，報６９﹒７銀；生發發（００３８８）升近１巴仙，報２３８﹒６銀，祖國移動（００９４１）入選為美銀美林亞太區電訊股首選，佢話睇好祖國移動有穩定嘅盈利同息率，仲話預期派息比率會由４８巴仙升至５０巴仙，畀佢「他屐」１０２銀，不過缸友就唔太領情，趁好消息出貨，今日唔見４格，收報８１﹒４銀。
＊醫藥佬反彈缸友有得賺，聯想要走低高追好失威＊
醫藥佬再彈，兩隻醫藥藍戰士齊齊包辦表現最佳藍戰士頭兩位，叻！中生製藥（０１１７７）升７巴仙，報５﹒８５銀；石藥（０１０９３）跟升逾５巴仙，報１２﹒５６銀；遠大醫藥（００５１２）走高３巴仙，報３﹒７５銀；綠葉製藥（０２１８６）授權固醇藥喺神州嘅推廣權畀瑞典藥企阿斯利康，令佢全日抽高近６巴仙，報５﹒５４銀；麗珠醫藥（０１５１３）同升近６巴仙，報２３﹒７５銀。 手機及相關設備大佬個別發展，瑞聲（０２０１８）跌逾３巴仙，報４６﹒３５銀，成為表現最差藍戰士。丘鈦（０１４７８）更慘發盈警，話上年溢利大減九成半，全日跌逾６巴仙，報４﹒２２銀；近日畀人狂掟貨嘅小米（０１８１０）被股東減持超過２億股，全日再跌近３巴仙，報９﹒７０銀；聯想（００９９２）計劃發行６﹒７５億美元可換股債，缸友收到風急急散水，全日唔見３巴仙，報５﹒５２銀。
＊眾安拓業務股價大踏步，數據有驚喜內房股價起＊
內險佬普遍向上，眾安在線（０６０６０）夥拍Ｇｒａｂ拓展東南亞數碼保險分銷業務，全日升近２巴仙，報２６﹒４０銀；太平（００９６６）就升２巴仙，報２０﹒８銀；國壽（０２６２８）走高近５巴仙，報１８﹒４４銀；太保（０２６０１）升４巴仙，報２６﹒８銀；財險（０２３２８）升近３巴仙，報８﹒３６銀。 神州統計局公布上個月７０個大中城市商品住宅ｓａｌｅｓ價格變動數據，一線城市新建商住宅價格環錄得增長，對一眾內房佬喺嚴寒嘅內房佬嚟講係一個喜訊，今日內房佬齊齊升，碧桂園（０２００７）升超過３巴仙，報９﹒７８銀；雅居樂（０３３８３）跟升逾３巴仙，報９﹒３９銀；融創（０１９１８）走高２巴仙，報２６﹒４銀；富力地產（０２７７７）就獲匯證睇好，「他屐」由１４蚊升至１５個半，全日飆近６巴仙，報１４﹒２８銀。潤地（０１１０９）就跌近２巴仙，報３０﹒９５銀，仲要係全日表現最差嘅國貨佬！
＊好友好瘋狂統一跳彈床，宣布有大刁７０８叫囂＊
不明朗因素增加，缸友都買定啲內需股避險，食品大佬齊齊開開心心彈起，統一（００２２０）彈高逾７巴仙，報６﹒８７銀；康師傅（００３２２）跟升４巴仙，報１０﹒６４銀；旺旺（００１５１）就碌低近１巴仙，報６﹒２３銀；達利食品（０３７９９）揚近３巴仙，報５﹒６５銀。其他內需佬，好似恆安（０１０４４）畀野村維持「買貨」評級兼「他屐」上望９０﹒２銀，全日走高近３巴仙，報５８﹒４銀。 恆大健康（００７０８）近排可以話喜事連連，先同法拉第達成大和解，今日再對缸友宣布用９﹒３億美金收購瑞典電動車公司Ｍｉｎｉ Ｍｉｎｏｒ全部股本，缸友今日好Ｂｕｙ，令佢全日走高５巴仙，報１５﹒６銀；連帶阿媽恆大（０３３３３）都升近２巴仙，全日收報２２﹒７５銀，而另一同系恆騰網絡（００１３６）就微揚近１巴仙，報０﹒２３２銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊軟脫歐未果長建未驚過，中移獲睇好股價卻回吐＊ 軟脫歐失敗「孖屐」都預咗，上晝相關魚毛都跌咗一浸，不過下晝返嚟英磅升返啲，相關魚毛就開始有買盤吸納，其中喺米字國做公用事業嘅長建（０１０３８）就升近１巴仙，收報６１﹒３銀，同系長和（００００１）就彈起近半巴仙，收報７８﹒５５銀，大象（００００５）微漲５毫，報６５﹒１５銀；而過氣股王思捷環球（００３３０）就升近３巴仙，報１﹒６４銀；普拉達（０１９１３）升３巴仙，報２３﹒４銀；新秀麗（０１９１０）同歐舒丹（００９７３）就分別跌１巴仙同近２巴仙，分別報２３﹒９銀同１４﹒１６銀。 大隻藍戰士今日都跟住魚缸呆呆滯滯，ＱＱ（００７００）力守３３０關口彈１蚊收報３３１蚊，ＡＩＡ（０１２９９）升兩格，報６９﹒７銀；生發發（００３８８）升近１巴仙，報２３８﹒６銀，祖國移動（００９４１）入選為美銀美林亞太區電訊股首選，佢話睇好祖國移動有穩定嘅盈利同息率，仲話預期派息比率會由４８巴仙升至５０巴仙，畀佢「他屐」１０２銀，不過缸友就唔太領情，趁好消息出貨，今日唔見４格，收報８１﹒４銀。
＊醫藥佬反彈缸友有得賺，聯想要走低高追好失威＊
醫藥佬再彈，兩隻醫藥藍戰士齊齊包辦表現最佳藍戰士頭兩位，叻！中生製藥（０１１７７）升７巴仙，報５﹒８５銀；石藥（０１０９３）跟升逾５巴仙，報１２﹒５６銀；遠大醫藥（００５１２）走高３巴仙，報３﹒７５銀；綠葉製藥（０２１８６）授權固醇藥喺神州嘅推廣權畀瑞典藥企阿斯利康，令佢全日抽高近６巴仙，報５﹒５４銀；麗珠醫藥（０１５１３）同升近６巴仙，報２３﹒７５銀。 手機及相關設備大佬個別發展，瑞聲（０２０１８）跌逾３巴仙，報４６﹒３５銀，成為表現最差藍戰士。丘鈦（０１４７８）更慘發盈警，話上年溢利大減九成半，全日跌逾６巴仙，報４﹒２２銀；近日畀人狂掟貨嘅小米（０１８１０）被股東減持超過２億股，全日再跌近３巴仙，報９﹒７０銀；聯想（００９９２）計劃發行６﹒７５億美元可換股債，缸友收到風急急散水，全日唔見３巴仙，報５﹒５２銀。
＊眾安拓業務股價大踏步，數據有驚喜內房股價起＊
內險佬普遍向上，眾安在線（０６０６０）夥拍Ｇｒａｂ拓展東南亞數碼保險分銷業務，全日升近２巴仙，報２６﹒４０銀；太平（００９６６）就升２巴仙，報２０﹒８銀；國壽（０２６２８）走高近５巴仙，報１８﹒４４銀；太保（０２６０１）升４巴仙，報２６﹒８銀；財險（０２３２８）升近３巴仙，報８﹒３６銀。 神州統計局公布上個月７０個大中城市商品住宅ｓａｌｅｓ價格變動數據，一線城市新建商住宅價格環錄得增長，對一眾內房佬喺嚴寒嘅內房佬嚟講係一個喜訊，今日內房佬齊齊升，碧桂園（０２００７）升超過３巴仙，報９﹒７８銀；雅居樂（０３３８３）跟升逾３巴仙，報９﹒３９銀；融創（０１９１８）走高２巴仙，報２６﹒４銀；富力地產（０２７７７）就獲匯證睇好，「他屐」由１４蚊升至１５個半，全日飆近６巴仙，報１４﹒２８銀。潤地（０１１０９）就跌近２巴仙，報３０﹒９５銀，仲要係全日表現最差嘅國貨佬！
＊好友好瘋狂統一跳彈床，宣布有大刁７０８叫囂＊
不明朗因素增加，缸友都買定啲內需股避險，食品大佬齊齊開開心心彈起，統一（００２２０）彈高逾７巴仙，報６﹒８７銀；康師傅（００３２２）跟升４巴仙，報１０﹒６４銀；旺旺（００１５１）就碌低近１巴仙，報６﹒２３銀；達利食品（０３７９９）揚近３巴仙，報５﹒６５銀。其他內需佬，好似恆安（０１０４４）畀野村維持「買貨」評級兼「他屐」上望９０﹒２銀，全日走高近３巴仙，報５８﹒４銀。 恆大健康（００７０８）近排可以話喜事連連，先同法拉第達成大和解，今日再對缸友宣布用９﹒３億美金收購瑞典電動車公司Ｍｉｎｉ Ｍｉｎｏｒ全部股本，缸友今日好Ｂｕｙ，令佢全日走高５巴仙，報１５﹒６銀；連帶阿媽恆大（０３３３３）都升近２巴仙，全日收報２２﹒７５銀，而另一同系恆騰網絡（００１３６）就微揚近１巴仙，報０﹒２３２銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情