16/12/2019 17:28
《小傳日記》首段貿談傾得成，魚缸升完要停停！
《小傳日記》神州同花旗國終於達成首階段貿易協議，計劃下個月喺華盛頓簽署，與此同時，花旗國無再喺噚日（１５日）起加徵神州商品關稅，確實可喜可賀呀！不過，由於上個禮拜五（１３日）大家都估到兩國會傾得成，搞到個「孖屐」升凸咗，今日（１６日）低開１５７點報２７５３０點，一度低見２７４７３，大家收下火唞一唞氣都好正常。 之後神州統計局公布各種經濟數據符合或者超過「孖屐」預期，加上今個禮拜五（２０日）馬交回歸２０周年，國家主席習大大（習近平）訪澳，濠賭佬繼續彈起，令到大隻佬指數曾經倒升返２８點高見２７７１５點。不過，神州金融佬同埋香江磚頭佬唔生性，大隻佬指數最終都要下跌收窄，全日報２７５０８點，跌１７９點，跌幅逾半巴仙，終止咗三連升，但好彩守住條「牛熊線」（２７４７２點）。主板成交７９８﹒４億銀減少逾３８巴仙。國企指數報１０７７８，跌５９點，跌幅逾半巴仙。 內地Ａ場就唔同講法啦！上證綜合指數報２９８４點，升１６點，升逾半個巴仙。深證成分指數報１０１５８點，升１５３點，升１﹒５個巴仙。兩市總成交６２２６﹒０７億銀人仔。 大隻藍戰士走勢唔多好，ＱＱ（００７００）軟不足半個巴仙，報３５９﹒８銀；ＡＩＡ（０１２９９）唔見２巴仙，報８１銀；大象（００００５）跣低逾半個巴仙，報６０銀；神州移動（００９４１）彈起１亳子，報６１﹒７銀；生發發（００３８８）碌低逾１巴仙報２５１﹒８銀。 另外，申洲（０２３１３）跪低逾２巴仙，報１０５﹒８銀，係表現最差嘅藍戰士，慘！ ＊貿談首傾掂舜宇成焦點，保守黨完勝長建續上升＊
中美貿談終達成咗首階段協議，手機設備佬都跟住「孖屐」造好，特別係同貿易戰相關嘅舜宇（０２３８２），今日收到好消息後跳高逾２巴仙，報１４６﹒１銀。瑞聲（０２０１８）亦跟住彈起逾１巴仙，報６７﹒０５銀。小米（０１８１０）紅米系手機喺東南亞好受歡迎，全日踼高逾１巴仙，報１０﹒５２銀。比亞迪電子（００２８５）起飛逾６巴仙，報１６﹒４６銀。富智康（０２０３８）跳彈逾２巴仙，報１﹒４５銀。 米字國大選保守黨大勝，部分歐洲相關佬今日仲繼續發圍，長江基建（０１０３８）踢高２﹒５巴仙，報５７﹒２５銀，係全日升幅最多嘅藍戰士，勁！長和（００００１）彈逾半個巴仙，報７４﹒７５銀。電能（００００６）跳高近２巴仙，報５７﹒２銀。歐舒丹（００９７３）小跳近１巴仙，報１８﹒７４銀。不過，創科（００６６９）就軟腳近１巴仙，報６２﹒８５銀。渣打（０２８８８）唔見近２巴仙，報７３﹒６銀。
＊灣區股上來政策待出台，習大大訪澳賭股即造好＊
國家主席習大大（習近平）即將於本周三至五（１８至２０日）去馬交慶祝回歸２０周年，「孖屐」憧憬期間會出台刺激大灣區發展嘅政策，令到今日相關股全部跳彈床！招商局港口（００１４４）起飛近４巴仙，報１２﹒９８銀。深高速（００５４８）跳高近３巴仙，報１１﹒５４銀。珠海控股（００９０８）踼高逾７巴仙，報１﹒３２銀。越秀地產（００１２３）彈起近２巴仙，報１﹒７５銀。時代中國（０１２３３）攀升至近４巴仙，報１５﹒４８銀。 另外，馬交有阿爺力撐，濠江佬仲唔全線彈起咩？銀娛（０００２７）獲瑞銀列為首選，予以「買入」評級，目標價６２﹒３銀，全日跳起１巴仙，報５８﹒５５銀。信德集團（００２４２）坐火箭起飛逾１０巴仙，報３﹒９４銀，連升三日。新濠國際（００２００）彈起逾３巴仙，報２１銀。永利馬交（０１１２８）跳起近２巴仙，報１８﹒５４銀。金沙（０１９２８）彈１亳子，報３９﹒７５銀。 ＊中央續穩價豬肉佬怕怕，固定投資增水泥佬要跟＊
豬價飛天喺依個問題足足困擾國民差唔多一年，今日神州統計局就話，通過中央出台嘅穩定豬價措施，上個月嘅豬價已經有明顯嘅下滑，相信豬價逐步企穩並回落係可以預期的。中央講得咁信誓旦旦，豬肉佬就慘了。中糧肉食（０１６１０）趴低逾４巴仙，報２﹒２１銀；萬洲（００２８８）挫近２巴仙報８銀；惠生（０１３４０）同雨潤食品（０１０６８）持平分別報０﹒１２３銀及０﹒８２銀；普甜食品（０１６９９）叻仔升近２巴仙，報０﹒３１銀。 神州統計局公布，頭１１個月全國固定資產投資增５﹒２巴仙，內房佬積極投資，帶動埋一班水泥佬都有錢賺。據內媒，今年水泥佬普遍已調咗２次價，漲幅達每噸６０銀人仔。亞洲水泥（００７４３）漲５巴仙，報１１﹒２銀；山水水泥（００６９１）同潤泥（０１３１３）齊升超過２巴仙，分別報２﹒６１銀及報９﹒７銀；中國建材（０３３２３）踢高近２巴仙，報７﹒８銀；金隅（０２００９）揚不足半巴仙，報２﹒２７銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
中美貿談終達成咗首階段協議，手機設備佬都跟住「孖屐」造好，特別係同貿易戰相關嘅舜宇（０２３８２），今日收到好消息後跳高逾２巴仙，報１４６﹒１銀。瑞聲（０２０１８）亦跟住彈起逾１巴仙，報６７﹒０５銀。小米（０１８１０）紅米系手機喺東南亞好受歡迎，全日踼高逾１巴仙，報１０﹒５２銀。比亞迪電子（００２８５）起飛逾６巴仙，報１６﹒４６銀。富智康（０２０３８）跳彈逾２巴仙，報１﹒４５銀。 米字國大選保守黨大勝，部分歐洲相關佬今日仲繼續發圍，長江基建（０１０３８）踢高２﹒５巴仙，報５７﹒２５銀，係全日升幅最多嘅藍戰士，勁！長和（００００１）彈逾半個巴仙，報７４﹒７５銀。電能（００００６）跳高近２巴仙，報５７﹒２銀。歐舒丹（００９７３）小跳近１巴仙，報１８﹒７４銀。不過，創科（００６６９）就軟腳近１巴仙，報６２﹒８５銀。渣打（０２８８８）唔見近２巴仙，報７３﹒６銀。
＊灣區股上來政策待出台，習大大訪澳賭股即造好＊
國家主席習大大（習近平）即將於本周三至五（１８至２０日）去馬交慶祝回歸２０周年，「孖屐」憧憬期間會出台刺激大灣區發展嘅政策，令到今日相關股全部跳彈床！招商局港口（００１４４）起飛近４巴仙，報１２﹒９８銀。深高速（００５４８）跳高近３巴仙，報１１﹒５４銀。珠海控股（００９０８）踼高逾７巴仙，報１﹒３２銀。越秀地產（００１２３）彈起近２巴仙，報１﹒７５銀。時代中國（０１２３３）攀升至近４巴仙，報１５﹒４８銀。 另外，馬交有阿爺力撐，濠江佬仲唔全線彈起咩？銀娛（０００２７）獲瑞銀列為首選，予以「買入」評級，目標價６２﹒３銀，全日跳起１巴仙，報５８﹒５５銀。信德集團（００２４２）坐火箭起飛逾１０巴仙，報３﹒９４銀，連升三日。新濠國際（００２００）彈起逾３巴仙，報２１銀。永利馬交（０１１２８）跳起近２巴仙，報１８﹒５４銀。金沙（０１９２８）彈１亳子，報３９﹒７５銀。 ＊中央續穩價豬肉佬怕怕，固定投資增水泥佬要跟＊
豬價飛天喺依個問題足足困擾國民差唔多一年，今日神州統計局就話，通過中央出台嘅穩定豬價措施，上個月嘅豬價已經有明顯嘅下滑，相信豬價逐步企穩並回落係可以預期的。中央講得咁信誓旦旦，豬肉佬就慘了。中糧肉食（０１６１０）趴低逾４巴仙，報２﹒２１銀；萬洲（００２８８）挫近２巴仙報８銀；惠生（０１３４０）同雨潤食品（０１０６８）持平分別報０﹒１２３銀及０﹒８２銀；普甜食品（０１６９９）叻仔升近２巴仙，報０﹒３１銀。 神州統計局公布，頭１１個月全國固定資產投資增５﹒２巴仙，內房佬積極投資，帶動埋一班水泥佬都有錢賺。據內媒，今年水泥佬普遍已調咗２次價，漲幅達每噸６０銀人仔。亞洲水泥（００７４３）漲５巴仙，報１１﹒２銀；山水水泥（００６９１）同潤泥（０１３１３）齊升超過２巴仙，分別報２﹒６１銀及報９﹒７銀；中國建材（０３３２３）踢高近２巴仙，報７﹒８銀；金隅（０２００９）揚不足半巴仙，報２﹒２７銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情