15/11/2019 17:23
《小傳日記》阿里重臨再上市，魚缸反覆要上試？
《小傳日記》花旗國魚缸噚晚（１４日）兩頭走，雖然標指又創新高，但其實都無咩方向。香江方面示威活動好似有緩和跡象，加上阿里巴巴（０９９８８）正式開始招股，缸邊氣氛有改善，帶動魚缸今朝（１５日）高開２０６點報２６５２９點，早段仲更加高見２６５４４點，鏟高２２０點，不過缸友對中美簽唔簽得成協議都有啲擔心，魚缸之後開始無力撐實，半日亦只能夠踢高近百點作結。下晝魚缸開始跟住Ａ場走勢，升幅一步一步收窄，收市前更加曾經輕微倒跌２３點，最低見２６３００點，最終魚缸埋單僅踢高２點，報２６３２６點，主板成交６２０﹒１６億銀減少近１７巴仙。國貨指數報１０４２４點，僅跌２點。 Ａ場繼續縮水，上證綜指報２８９１跣低１８點或逾半巴仙。深成指數報９６４７仆低９８點或１巴仙，兩市成交近４０１１億人仔。 大隻藍戰士方面，阿里重臨落戶香江，ＱＱ（００７００）有啲壓力，全日收低２毫子，報３２０銀。不過，阿里重臨都無利好生發發（００３８８），今日縮水近半巴仙，報２４０﹒８銀。大象（００００５）畀法巴降「他屐」逾６巴仙至５７﹒４７銀，維持中性評級，收低２毫子，報５７﹒７銀。ＡＩＡ（０１２９９）反彈近１巴仙，報７７銀。神州移動（００９４１）預計未來５Ｇ客戶多達７０００萬，不過全日無升跌，報６１﹒２銀。 另外，石藥（０１０９３）軟腳蟹跌逾１巴仙，報２０﹒８銀，係全日表現最差藍戰士。
＊大行掃日清青啤反碰釘，阿爺要穩價燃氣佬怕怕＊
今日各大行落力掃食品佬貨，好似日清（０１４７５）咁，之前七連跌兼七連陰，但今日下晝開始有明顯力撐，埋單鏟高逾８巴仙，報６﹒１５銀。啤酒佬方面，潤啤（００２９１）下晝發力，全日生猛高近半成報４５﹒１銀，係最勁揪嘅國貨佬！百威亞太（０１８７６）都突然生猛，午後起哄，今日省鏡收多逾４巴仙，報２９﹒６５銀。不過，青啤（００１６８）就可憐，今日再畀缸友追住掟，撻低近２巴仙，報５１﹒４銀。蒙牛（０２３１９）用１５億澳元買袋鼠國奶粉商嘅申請獲批，全日撐高近１巴仙，報２９﹒５５銀。 阿爺發改委話，供暖季節期間將會採取有效措施，保持天然氣價格喺合理範圍，實行「量價齊保」，對學校、醫院、公共交通就實行「保量穩價」，燃氣佬聽到都怕怕。當中神州燃氣（００３８４）撻低逾３巴仙，報３２﹒８銀，係表現最差國貨佬。新奧能源（０２６８８）跣低近２巴仙，報８４﹒３銀。天倫燃氣（０１６００）仆低近１巴仙，報６﹒７９銀。昆侖能源（００１３５）縮水約半巴仙，報６﹒９１銀。北控（００３９２）收低１毫子，報３５﹒３銀。
＊瑞聲擬發債股價升得快，央媽再放水農行唔跟隊＊
今朝瑞聲（０２０１８）曾經一度抽升半成，點解？因為佢計劃發行美金債券抽水，點解「孖屐」會解讀成利好訊號？真係睇唔明，不過尾市升幅收窄，最終收漲近２巴仙，報５１﹒２銀，係全日最勁揪嘅藍戰士。「孖寶」舜宇光學（０２３８２）就跌近１巴仙，報１２３﹒４銀。比亞迪電子（００２８５）升逾１巴仙，報１４﹒３６銀。丘鈦科技（０１４７８）潛行兩格報１０﹒８８銀。鴻騰精密（０６０８８）都跌近１巴仙，報３﹒０５銀。 神州央媽今日只係對省級行政區域內經營嘅城市商業銀行，實施第二階段定向降準，定向下調存款準備金率０﹒５個百分點，釋放長期資金約４００億人仔。但內地錢莊好似只係略為起哄，不過唔算太雀躍。建行（００９３９）升近半巴仙，報６﹒２１銀。工行（０１３９８）漲近１巴仙，報５﹒６１銀。交行（０３３２８）尾市蒸發所有升幅，平收報５﹒１９銀，盤中高見５﹒２６銀。郵儲行（０１６５８）略漲一格收５﹒１８銀。另外，浙商行（０２０１６）之前話回Ａ，早前刺激股價造好，但今日就先跌後升，彈起一格報４﹒４６銀。農行（０１２８８）唔跟隊，全日跌一格收３﹒１７銀。
＊人仔續走低內房佬扭計，缸友急跳機物管要低飛＊ 神州今年頭十月房地產開發投資按年增長逾一成，比首九個月嘅升幅回落０﹒２個百分點，加上人仔中間價四連跌，內房佬今日普遍腳軟。龍湖（００９６０）跣低逾２巴仙，報３１﹒６５銀。中海外（００６８８）走低近半巴仙，報２５﹒６銀。金茂（００８１７）跌約半巴仙，報５﹒２４銀。雅居樂（０３３８３）軟近半巴仙，報１０﹒７２銀。不過，萬科（０２２０２）就揚近１巴仙，報２８﹒２銀。 內房佬無運行，呢排急升咗咁多嘅物管佬都出現回吐，美好嘅時光真係過得特別快？佳兆業美好（０２１６８）挫近３巴仙，報２１﹒１５銀。奧園健康（０３６６２）跌近３巴仙，報６﹒１７銀。碧桂園服務（０６０９８）滑逾２巴仙，報２６﹒４５銀。新城悅服務（０１７５５）腳軟近２巴仙，報１０﹒７銀。不過，半新魚毛藍光嘉寶服務（０２６０６）就飆近半成，報５２﹒２５銀，兼再創上市新高。周末愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊大行掃日清青啤反碰釘，阿爺要穩價燃氣佬怕怕＊
今日各大行落力掃食品佬貨，好似日清（０１４７５）咁，之前七連跌兼七連陰，但今日下晝開始有明顯力撐，埋單鏟高逾８巴仙，報６﹒１５銀。啤酒佬方面，潤啤（００２９１）下晝發力，全日生猛高近半成報４５﹒１銀，係最勁揪嘅國貨佬！百威亞太（０１８７６）都突然生猛，午後起哄，今日省鏡收多逾４巴仙，報２９﹒６５銀。不過，青啤（００１６８）就可憐，今日再畀缸友追住掟，撻低近２巴仙，報５１﹒４銀。蒙牛（０２３１９）用１５億澳元買袋鼠國奶粉商嘅申請獲批，全日撐高近１巴仙，報２９﹒５５銀。 阿爺發改委話，供暖季節期間將會採取有效措施，保持天然氣價格喺合理範圍，實行「量價齊保」，對學校、醫院、公共交通就實行「保量穩價」，燃氣佬聽到都怕怕。當中神州燃氣（００３８４）撻低逾３巴仙，報３２﹒８銀，係表現最差國貨佬。新奧能源（０２６８８）跣低近２巴仙，報８４﹒３銀。天倫燃氣（０１６００）仆低近１巴仙，報６﹒７９銀。昆侖能源（００１３５）縮水約半巴仙，報６﹒９１銀。北控（００３９２）收低１毫子，報３５﹒３銀。
＊瑞聲擬發債股價升得快，央媽再放水農行唔跟隊＊
今朝瑞聲（０２０１８）曾經一度抽升半成，點解？因為佢計劃發行美金債券抽水，點解「孖屐」會解讀成利好訊號？真係睇唔明，不過尾市升幅收窄，最終收漲近２巴仙，報５１﹒２銀，係全日最勁揪嘅藍戰士。「孖寶」舜宇光學（０２３８２）就跌近１巴仙，報１２３﹒４銀。比亞迪電子（００２８５）升逾１巴仙，報１４﹒３６銀。丘鈦科技（０１４７８）潛行兩格報１０﹒８８銀。鴻騰精密（０６０８８）都跌近１巴仙，報３﹒０５銀。 神州央媽今日只係對省級行政區域內經營嘅城市商業銀行，實施第二階段定向降準，定向下調存款準備金率０﹒５個百分點，釋放長期資金約４００億人仔。但內地錢莊好似只係略為起哄，不過唔算太雀躍。建行（００９３９）升近半巴仙，報６﹒２１銀。工行（０１３９８）漲近１巴仙，報５﹒６１銀。交行（０３３２８）尾市蒸發所有升幅，平收報５﹒１９銀，盤中高見５﹒２６銀。郵儲行（０１６５８）略漲一格收５﹒１８銀。另外，浙商行（０２０１６）之前話回Ａ，早前刺激股價造好，但今日就先跌後升，彈起一格報４﹒４６銀。農行（０１２８８）唔跟隊，全日跌一格收３﹒１７銀。
＊人仔續走低內房佬扭計，缸友急跳機物管要低飛＊ 神州今年頭十月房地產開發投資按年增長逾一成，比首九個月嘅升幅回落０﹒２個百分點，加上人仔中間價四連跌，內房佬今日普遍腳軟。龍湖（００９６０）跣低逾２巴仙，報３１﹒６５銀。中海外（００６８８）走低近半巴仙，報２５﹒６銀。金茂（００８１７）跌約半巴仙，報５﹒２４銀。雅居樂（０３３８３）軟近半巴仙，報１０﹒７２銀。不過，萬科（０２２０２）就揚近１巴仙，報２８﹒２銀。 內房佬無運行，呢排急升咗咁多嘅物管佬都出現回吐，美好嘅時光真係過得特別快？佳兆業美好（０２１６８）挫近３巴仙，報２１﹒１５銀。奧園健康（０３６６２）跌近３巴仙，報６﹒１７銀。碧桂園服務（０６０９８）滑逾２巴仙，報２６﹒４５銀。新城悅服務（０１７５５）腳軟近２巴仙，報１０﹒７銀。不過，半新魚毛藍光嘉寶服務（０２６０６）就飆近半成，報５２﹒２５銀，兼再創上市新高。周末愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情