21/02/2019 17:47
《小傳日記》貿談報佳音，魚缸急升溫；手機股火熱，賭仔唔輸蝕！
《小傳日記》花旗國聯儲局噚晚（２０日）終於公布返上個月嘅Ｍｉｎｕｔｅｓ，佢哋好保守話都唔確定今年會唔會再加息，於是香江魚缸今日（２１日）一開就跌６４點報２８４５０，雖然仲喺牛熊線（約２８３０２點）上面，但魚缸之後就好似過山車咁，不停喺升跌５０點之間上上落落，不過後段喺三星出新手機嘅消息帶動下，手機佬踩行油踢高，加上有馬交賭佬、藥佬同車佬撐實，午飯前先可以收高１５０點。 之後坊間有消息話，花旗國同神州已經原則上有貿易共識，仲喺最棘手嘅議題上訂咗承諾綱要，今次係貿易大戰７個月以嚟重大嘅進展，香江魚缸午後返嚟即時再鏟高，一度見２８７５９逾半年新高，但之後升幅又縮水，最終全日收報２８６２９。升１１５點，升幅近半個巴仙。主板成交近１１５０億銀增加近６巴仙。國貨收報１１３０５，升７６點，升幅逾半個巴仙。 神州魚缸同樣造好，上證收２７５１跌９點，成交２５３０億人仔。 大隻藍戰士方面，大象（００００５）唔再受業績拖累影響，今日踢高近１巴仙，收報６４﹒９銀。評級佬花旗升ＱＱ（００７００）「他屐」逾５巴仙，收升逾半巴仙，收報３４３﹒２銀。ＡＩＡ（０１２９９）微升一格，報７５﹒８銀。生發發（００３８８）就再升１個半巴仙，報２６４銀。祖國移動（００９４１）升近半巴仙，報８３﹒１銀。
＊三星新手機舜宇勢再起，聯想虧轉盈股價表現醒＊
花旗國啲蘋果手機賣得差係人都知，不過全世界又唔係得一間手機公司嘅。三星噚晚就宣布４月會推「摺芒」Ｇａｌａｘｙ Ｆｏｌｄ，除咗有ＬＴＥ同５Ｇ版本，仲有６個鏡頭，所以缸友今日聽到，對神州鏡頭一哥舜宇（０２３８２）又有憧憬，齊齊衝去掃貨，刺激今日鏟高近５巴仙，報９４﹒３５銀；另一街坊瑞聲（０２０１８）亦跟住升３巴仙，報５３﹒２５銀。其他手機設備佬方面，之前公布一月攝像頭模組銷量維持高增長嘅丘鈦（０１４７８）股價繼續踩行油，今日埋單報６﹒２３銀，進帳逾９巴仙；鴻騰精密（０６０８８）亦升６巴仙，報４銀。 出新手機嘅唔止三星，仲有噚日公布新手機嘅小米（０１８１０），佢就話唔再走低價路線，加上評級佬大和同野村對睇好今次新手機，全日都踢高５巴仙，報１１﹒３８銀。中興（００７６３）就話５Ｇ手機將會喺今年上半年進行商用，刺激今日炒高６巴仙，收報２０﹒７銀。 聯想集團（００９９２）派首三季成績表，扭虧為盈賺４﹒８億美金，叻啊！仲畀細摩維持７銀「他屐」同「增持」評級，今日魚缸開市已經裂口高開，全日更加勁飆近一成二，報６﹒６７銀，而阿媽聯想控股（０３３９６）亦被帶挈有２巴仙進帳，收報２２銀。
＊賭仔運氣佳金沙最鬼Ｈｉｇｈ，縮表早結束磚頭佬有福＊
馬交賭佬噚日笑哂口，今日再畀缸友捧高，銀娛（０００２７）升４巴仙，報５６﹒９５銀。新濠國際（００２００）走高近７巴仙，報２０銀。澳博（００８８０）盤中高見９﹒１５銀，創超過五個月新高，全日則彈高近９巴仙，報９﹒１４銀。永利馬交（０１１２８）揚逾３巴仙，報２０﹒１銀。金沙（０１９２８）更受追捧，最高見３９﹒７５銀，兼創超過六個月新高，全日踢高近半成，報３９﹒４銀，為最標青藍戰士。美高梅（０２２８２）跟升３巴仙，報１６﹒１４銀。 花旗國聯儲局隔晚公布上個月議息嘅Ｍｉｎｕｔｅｓ，可能考慮提前結束縮表，不過就唔確定今年會唔會再加息，「孖屐」就睇成放鴿Ｓｉｇｎａｌ，香江磚頭佬今日齊齊跳起Ｙｅａｈ。新世界（０００１７）升２巴仙，報１３﹒２４銀。恆地（０００１２）走高一格，報４４﹒９銀。新地（０００１６）揚３毫子，報１３４﹒７銀。太古地產（０１９７２）輕踢高毫半子，報３１﹒７銀。九倉置業（０１９９７）升１毫子，報５６銀。
＊長汽售附屬股價唔木獨，藥佬有追捧石藥齊起鬨＊
長汽（０２３３３）呢輪動作頻頻，最新公布出售旗下「長城共享」，仲賣成４﹒６億銀，然後又計劃去印度做生意，咁多計仔連股價都起飛埋，收市升５巴仙，收報６﹒２８銀。東風（００４８９）雖然上個月銷量跌一成七，但今日股價都撐起逾２巴仙，報８﹒６銀。另外，吉利（００１７５）抽高逾２巴仙，報１５﹒２８銀。比亞迪（０１２１１）微漲一格，報５０﹒２５銀。 藥佬今日都唔弱，石藥（０１０９３）畀招銀維持「他屐」，今日急鏟高近３巴仙，報１３﹒２２銀。藥明（０２２６９）亦都畀工銀唱好微升「他屐」，收視飛起逾５巴仙，報７２﹒６５銀。中生製藥（０１１７７）升近２巴仙，報６﹒５２銀。美瑞健康（０２３２７）近期因為大麻ｉｄｅａ落鑊，今日都漲咗近１２巴仙，報０﹒６８銀。東陽光藥（０１５５８）就因為旗下一隻「磷酸奧司他韋膠囊」獲批，今日都踩行油升高近４巴仙，報３４﹒３銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊三星新手機舜宇勢再起，聯想虧轉盈股價表現醒＊
花旗國啲蘋果手機賣得差係人都知，不過全世界又唔係得一間手機公司嘅。三星噚晚就宣布４月會推「摺芒」Ｇａｌａｘｙ Ｆｏｌｄ，除咗有ＬＴＥ同５Ｇ版本，仲有６個鏡頭，所以缸友今日聽到，對神州鏡頭一哥舜宇（０２３８２）又有憧憬，齊齊衝去掃貨，刺激今日鏟高近５巴仙，報９４﹒３５銀；另一街坊瑞聲（０２０１８）亦跟住升３巴仙，報５３﹒２５銀。其他手機設備佬方面，之前公布一月攝像頭模組銷量維持高增長嘅丘鈦（０１４７８）股價繼續踩行油，今日埋單報６﹒２３銀，進帳逾９巴仙；鴻騰精密（０６０８８）亦升６巴仙，報４銀。 出新手機嘅唔止三星，仲有噚日公布新手機嘅小米（０１８１０），佢就話唔再走低價路線，加上評級佬大和同野村對睇好今次新手機，全日都踢高５巴仙，報１１﹒３８銀。中興（００７６３）就話５Ｇ手機將會喺今年上半年進行商用，刺激今日炒高６巴仙，收報２０﹒７銀。 聯想集團（００９９２）派首三季成績表，扭虧為盈賺４﹒８億美金，叻啊！仲畀細摩維持７銀「他屐」同「增持」評級，今日魚缸開市已經裂口高開，全日更加勁飆近一成二，報６﹒６７銀，而阿媽聯想控股（０３３９６）亦被帶挈有２巴仙進帳，收報２２銀。
＊賭仔運氣佳金沙最鬼Ｈｉｇｈ，縮表早結束磚頭佬有福＊
馬交賭佬噚日笑哂口，今日再畀缸友捧高，銀娛（０００２７）升４巴仙，報５６﹒９５銀。新濠國際（００２００）走高近７巴仙，報２０銀。澳博（００８８０）盤中高見９﹒１５銀，創超過五個月新高，全日則彈高近９巴仙，報９﹒１４銀。永利馬交（０１１２８）揚逾３巴仙，報２０﹒１銀。金沙（０１９２８）更受追捧，最高見３９﹒７５銀，兼創超過六個月新高，全日踢高近半成，報３９﹒４銀，為最標青藍戰士。美高梅（０２２８２）跟升３巴仙，報１６﹒１４銀。 花旗國聯儲局隔晚公布上個月議息嘅Ｍｉｎｕｔｅｓ，可能考慮提前結束縮表，不過就唔確定今年會唔會再加息，「孖屐」就睇成放鴿Ｓｉｇｎａｌ，香江磚頭佬今日齊齊跳起Ｙｅａｈ。新世界（０００１７）升２巴仙，報１３﹒２４銀。恆地（０００１２）走高一格，報４４﹒９銀。新地（０００１６）揚３毫子，報１３４﹒７銀。太古地產（０１９７２）輕踢高毫半子，報３１﹒７銀。九倉置業（０１９９７）升１毫子，報５６銀。
＊長汽售附屬股價唔木獨，藥佬有追捧石藥齊起鬨＊
長汽（０２３３３）呢輪動作頻頻，最新公布出售旗下「長城共享」，仲賣成４﹒６億銀，然後又計劃去印度做生意，咁多計仔連股價都起飛埋，收市升５巴仙，收報６﹒２８銀。東風（００４８９）雖然上個月銷量跌一成七，但今日股價都撐起逾２巴仙，報８﹒６銀。另外，吉利（００１７５）抽高逾２巴仙，報１５﹒２８銀。比亞迪（０１２１１）微漲一格，報５０﹒２５銀。 藥佬今日都唔弱，石藥（０１０９３）畀招銀維持「他屐」，今日急鏟高近３巴仙，報１３﹒２２銀。藥明（０２２６９）亦都畀工銀唱好微升「他屐」，收視飛起逾５巴仙，報７２﹒６５銀。中生製藥（０１１７７）升近２巴仙，報６﹒５２銀。美瑞健康（０２３２７）近期因為大麻ｉｄｅａ落鑊，今日都漲咗近１２巴仙，報０﹒６８銀。東陽光藥（０１５５８）就因為旗下一隻「磷酸奧司他韋膠囊」獲批，今日都踩行油升高近４巴仙，報３４﹒３銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇