19/08/2019 17:05
《小傳日記》政局陰霾似漸散，二萬七關仍可盼？
《小傳日記》自６月以嚟，遊行示威好似已經成為咗香江缸友喺周末嘅主要活動，而噚日雖然風雨交加，但１７０萬個缸友仍然選擇行出嚟，某程度上反映民意相當強烈，而且氣氛仲相當和平，暫時消除早排香江政局個種混沌緊張氣氛。加上花旗國魚缸上周五（１６日）跳起逾一巴仙，以及神州噚晚突然宣布，話要將深圳打造成「神州特色社會主義先行示範區」，魚缸今日氣氛一時火熱起嚟。 今朝魚缸以全日最低位開市，報２５９９４，高開２６０點，之後一班深圳大灣區概念股全線落鑊，唔少中資股都有得搭順風車，推動魚缸升勢拾級而上。去到下晝仲一度最多彈起６２２點，高見２６３５６，最終全日埋單升咗５５７點或超過兩巴仙，報２６２９１，收復二萬六關兼破咗十天線（２５７９６）。主板成交９６６﹒３２億銀，較上星期五多近６巴仙。國貨重上一萬關，跟升１４４點或逾１巴仙，報１０１０９點。 Ａ場走勢省鏡，上證收報２８８３點，升５９點或兩巴仙；深指收報９３２８點，漲２６８點或近３巴仙。兩市合共成交５８１６億銀人仔，較上星期五大增三成半。 重磅藍戰士全線發威，大象（００００５）終於反彈，彈起近３巴仙，報５７﹒９５銀。生發發（００３８８）跳起超過３巴仙，報２５２﹒８銀。友邦（０１２９９）走高近３巴仙，報７８﹒２５銀。平保（０２３１８）就升咗約兩巴仙，報９０﹒６銀。建行（００９３９）就升近１巴仙，報５﹒７７銀。神州移動（００９４１）就冇乜料到，彈起唔夠半巴仙，報６６﹒２５銀。
＊舜宇掟個彎重上紅底關，５Ｇ股陪升中興最標青＊
舜宇（０２３８２）喺上星期二（１３日）公布嘅中期業績符合「孖屐」預期，連日都獲唔少資金泊岸。大行高佬（高盛）就最新出咗份報告睇好舜宇，話佢最壞嘅情況已經過去，仲將佢「他屐」由７０蚊調高超過一倍至１５０蚊，評級由「中性」升至「掃貨」，今日股價再下一城重返「紅底」關，高見１０２蚊，埋單升咗近６巴仙，報１００﹒７銀。其他街坊都有唔少進帳，比亞迪電子（００２８５）彈起超過半成，報１２﹒３６銀。丘鈦（０１４７８）彈起近半成，報７﹒９銀。瑞聲（０２０１８）都跳起近４巴仙，報３７﹒３銀。 侵侵（特朗普）噚日接受訪問時表示，因為國家安全受威脅為理由，暫時唔想同華為做生意。不過，因為高佬大升舜宇「他屐」，「孖屐」亦同時憧憬可以提振５Ｇ產業鏈，唔少概念股都升咗唔少，中興通訊（００７６３）勁彈近６巴仙，報１９﹒７８銀。鐵塔（００７８８）同京信通信（０２３４２）都升咗近４巴仙，報１﹒８６銀同１﹒７７銀。
＊旺旺入國指升勢未停止，縮徵稅清單工業佬反彈＊
旺旺（００１５１）升呢做埋國貨佬，全日鏟高近７巴仙，報６﹒４５銀，收復咗２０天線（約６﹒１１銀）、５０天線（約６﹒１５銀）及１００天線（約６﹒１７銀），係全場最勁嘅藍戰士！潤啤（００２９１）畀多間大行睇好，當中大摩最正面，「他屐」升近兩成二至４５蚊，維持增持評級，全日踢高近半成，報４１蚊，曾經高見４１﹒４５銀，創咗上市新高。蒙牛（０２３１９）升逾１巴仙，報３１﹒２５銀，收復咗２０天線（約３１﹒０５銀）。不過，青啤（００１６８）三連升兼三連陽後回吐，全日逆市微跌近１巴仙，報５２﹒３銀。 花旗國政府上星期五決定，將部分神州４４種商品剔除出新一輪徵稅名單，涉資７８億美金；加上白宮經濟顧問庫德洛又話，中美貿易代表將會喺十日內有電話會議，如果談判成功，將會邀請中方去花旗國再傾，出口工業佬當然醒神。創科（００６６９）鏟高近半成，報５６﹒４５銀，收復返百天線（約５５﹒５２銀）。敏實（００４２５）後日（２１日）放榜，踢高近半成，報１９﹒９銀。敏華（０１９９９）起哄逾２巴仙，報３﹒５５銀，收返５０天線（３﹒５３銀）。申洲（０２３１３）下星期一（２６號）放榜，今日生猛升１巴仙，報１１１﹒４銀，最新山頂位去到１１７﹒８銀，勁！
＊深圳示範區相關股上推，大灣區受惠內房股價貴＊
阿爺噚日突然開聲，話支持深圳大搞「先行示範區」，將會有利更好實施「大灣區戰略」，並有助深港之間互聯互通，加強深圳成為一流科創城市。呢次個示範區計畫仲話以金融為優先發展策略，唔使問阿貴，平日唔多發市嘅深圳概念股全部都飛高高啦！例如深圳國際（００１５２）收漲近８巴仙，報１５﹒０６銀。深高速（００５４８）微漲近１巴仙，報９銀。深圳控股（００６０４）飆一成一，報２﹒８８銀。以深圳為基地嘅ＱＱ（００７００）都飛起逾３巴仙，報３３６﹒８銀。 深圳大搞金融先行示範區，內房佬點可能漏低呢？而家深圳各區舊地都徵收緊，睇都係大項目，其中佳兆業（０１６３８）喺深圳有唔少項目做緊，今日飆一成四，報２﹒９３銀。喺大灣區有唔少土儲嘅時代神州（０１２３３）勁彈８巴仙，報１３﹒４８銀。招商局置地（００９７８）唔執輸飛起逾６巴仙，報１﹒０９銀。雅居樂（０３３８３）漲近６巴仙，報１０銀。龍頭碧桂園（０２００７）飛起近６巴仙，報１０銀。四條三恆大（０３３３３）升近６巴仙，報１８﹒６２銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊舜宇掟個彎重上紅底關，５Ｇ股陪升中興最標青＊
舜宇（０２３８２）喺上星期二（１３日）公布嘅中期業績符合「孖屐」預期，連日都獲唔少資金泊岸。大行高佬（高盛）就最新出咗份報告睇好舜宇，話佢最壞嘅情況已經過去，仲將佢「他屐」由７０蚊調高超過一倍至１５０蚊，評級由「中性」升至「掃貨」，今日股價再下一城重返「紅底」關，高見１０２蚊，埋單升咗近６巴仙，報１００﹒７銀。其他街坊都有唔少進帳，比亞迪電子（００２８５）彈起超過半成，報１２﹒３６銀。丘鈦（０１４７８）彈起近半成，報７﹒９銀。瑞聲（０２０１８）都跳起近４巴仙，報３７﹒３銀。 侵侵（特朗普）噚日接受訪問時表示，因為國家安全受威脅為理由，暫時唔想同華為做生意。不過，因為高佬大升舜宇「他屐」，「孖屐」亦同時憧憬可以提振５Ｇ產業鏈，唔少概念股都升咗唔少，中興通訊（００７６３）勁彈近６巴仙，報１９﹒７８銀。鐵塔（００７８８）同京信通信（０２３４２）都升咗近４巴仙，報１﹒８６銀同１﹒７７銀。
＊旺旺入國指升勢未停止，縮徵稅清單工業佬反彈＊
旺旺（００１５１）升呢做埋國貨佬，全日鏟高近７巴仙，報６﹒４５銀，收復咗２０天線（約６﹒１１銀）、５０天線（約６﹒１５銀）及１００天線（約６﹒１７銀），係全場最勁嘅藍戰士！潤啤（００２９１）畀多間大行睇好，當中大摩最正面，「他屐」升近兩成二至４５蚊，維持增持評級，全日踢高近半成，報４１蚊，曾經高見４１﹒４５銀，創咗上市新高。蒙牛（０２３１９）升逾１巴仙，報３１﹒２５銀，收復咗２０天線（約３１﹒０５銀）。不過，青啤（００１６８）三連升兼三連陽後回吐，全日逆市微跌近１巴仙，報５２﹒３銀。 花旗國政府上星期五決定，將部分神州４４種商品剔除出新一輪徵稅名單，涉資７８億美金；加上白宮經濟顧問庫德洛又話，中美貿易代表將會喺十日內有電話會議，如果談判成功，將會邀請中方去花旗國再傾，出口工業佬當然醒神。創科（００６６９）鏟高近半成，報５６﹒４５銀，收復返百天線（約５５﹒５２銀）。敏實（００４２５）後日（２１日）放榜，踢高近半成，報１９﹒９銀。敏華（０１９９９）起哄逾２巴仙，報３﹒５５銀，收返５０天線（３﹒５３銀）。申洲（０２３１３）下星期一（２６號）放榜，今日生猛升１巴仙，報１１１﹒４銀，最新山頂位去到１１７﹒８銀，勁！
＊深圳示範區相關股上推，大灣區受惠內房股價貴＊
阿爺噚日突然開聲，話支持深圳大搞「先行示範區」，將會有利更好實施「大灣區戰略」，並有助深港之間互聯互通，加強深圳成為一流科創城市。呢次個示範區計畫仲話以金融為優先發展策略，唔使問阿貴，平日唔多發市嘅深圳概念股全部都飛高高啦！例如深圳國際（００１５２）收漲近８巴仙，報１５﹒０６銀。深高速（００５４８）微漲近１巴仙，報９銀。深圳控股（００６０４）飆一成一，報２﹒８８銀。以深圳為基地嘅ＱＱ（００７００）都飛起逾３巴仙，報３３６﹒８銀。 深圳大搞金融先行示範區，內房佬點可能漏低呢？而家深圳各區舊地都徵收緊，睇都係大項目，其中佳兆業（０１６３８）喺深圳有唔少項目做緊，今日飆一成四，報２﹒９３銀。喺大灣區有唔少土儲嘅時代神州（０１２３３）勁彈８巴仙，報１３﹒４８銀。招商局置地（００９７８）唔執輸飛起逾６巴仙，報１﹒０９銀。雅居樂（０３３８３）漲近６巴仙，報１０銀。龍頭碧桂園（０２００７）飛起近６巴仙，報１０銀。四條三恆大（０３３３３）升近６巴仙，報１８﹒６２銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇